Josuwa 13:4 - Bhibhiliya Nya Guage

⁴ khu Marandzi gu di manega Vahevhi; litigo latshavbo la Vakhanani gukhugela Meyara nya Vasidhoni kala Afeka vbinganoni ga Vaamori;

Josuwa 13:4 Iomraidhean Croise

1 Dzipfhumu 20:26

Na gu vbindride mwaga moyo, Bheni-Hadhadhi a di tombanisa masotshwa yaye a hongola nawo dhoropani ga Afeka, gasi guya dwana ni va na Israyeli.

1 Dzipfhumu 20:30

Avo va nga vbulugago va di tutumela dhoropani ga Afeka, aholu libhiyo li di thega vbatshani nya ava nya magumavili na livbandre na mavili magumi mazana (27.000) Vaasiriya, li va pfara vafa. Khavbo avbo, Bheni-Hadhadhi a di thava aya dhoropani aya sihala makhuvini nya dzinyumba.

Ezekiyeli 16:3

u mu embela, khuwe: Mune Pfhumu Nungungulu a ngu ganela kharati, khuye: U tumbulugide ni gu velegwa tigoni ga vakhanani; babe wago a diri Muamori, ni mayi wago a diri Muhiti.

Amosi 2:10

Eni kamwe nyi mi duside khu tigoni ga Egipito, nyi mi gimbidzisa giwulani gipimo nya magumana myaga, gasi guya mi ningani litigo la Vaamori.

Josuwa 10:40

Khu guralo, Josuwa a di sasela litigo latshavbo nya gipandre gya sigomoni khu Marandzi, Negebhi, panini ni releloni nya sigomo, gumogo ni vafumeli vaye vatshavbo, nyamba tshiya ni moyo, a mbembisa satshavbo si dagatago, kha nga idzo a leletedego khidzo Pfhumu Nungungulu wa Israyeli.

Josuwa 11:3

ga Vakhanani va Khugadambo ni Pfoladambo, ga Vaamori, ga Vahiti, ga Vaperezi, ga Vajebhusi va musigomoni ni ga Vahevhi vbafuvbi ga Herimoni, tigoni ga Misipa.

Josuwa 12:18

mufumeli wa Afeka, moyo; mufumeli wa Lasaroni, moyo;

Josuwa 19:30

Va di ningwa gambe ni Uma, Afeka ni Reyobhi, gu enedza magumavili na mavili madhoropa ni mitalala yaye.

1 Samuweli 4:1

Magana ya Samuweli ma di phalalegiswa tigoni gwatshavbo gwa Israyeli. Israyeli a di duga a khinga Vafilisitiya, gasi guya dwana navo. Va diya zumba Ebhenizeri, Vafilisitiya va zumba Afeka.