Josuwa 10:13 - Bhibhiliya Nya Guage

¹³ Lidambo li di ema ni ngima nuwo wu di ema kala vathu va dzi phodzela ga valala vawe.” Ina esi kha sa lowa Libhukuni la uye a Lulamidego, gani? Lidambo li di ema vbatshani damboni li si vbiredzi gu pfola, gipandre nya litshigu rumba.

Josuwa 10:13 Iomraidhean Croise

2 Samuweli 1:18

A di lomba ga vathu khuye, ndzimo yeyi yi hevbudzwa ga va na Judha, Ndzimo nya Wulaho, yi lovidwego umo nya Libhuku nya va nya gululama.

2 Dzipfhumu 20:10

Khavbo avbo, Ezekhiya a di hakha, khuye: “Gu ngu vbevbuga gu mwedzi wuya likhumi sigandro mbeli, guvbindra gu bwelela hwane.”

Esiteri 8:13

Limbe lidangalila nya khwepa yoyu, li di rumedwa gu tiviswa ga vathu vatshavbo nya sipandrengulu satshavbo, gasi Vajudha ga litshigu lile va khale na va dzi dongisede gu dzi vhikela ga valala vawe.

Joba 9:7

Uye a ganelago ni lidambo khuye li nga dugi, li mu yingisa; a sega ni dzinyeledzi dzi si wonegi.

Dzindzimo 148:3

Lidambo ni ngima, si na mu dhumise, mu dhumiseni enu dzinyeledzi dzatshavbo mu wenengedzago.

Dzindzimo 19:4

Ambari ulo gudzuma gwawe gu ngu pwala tigoni gwatshavbo, lito lawe li ngu pwala kala mahegiso nya mafu; khiyo a vbahedego tshatsha lidambo.

Isaya 24:23

Khu guralo, ngima wu na khala dzitshoni, ni lidambo li na hembuludwa, kholu Pfhumu Nungungulu nya Tshivba Yatshavbo, a na fuma gigomoni gya Siyoni ni dhoropani ga Jerusalema; a na yeyedza wudhumo waye mbeli ga madhota yaye.

Isaya 38:8

“Wona nya gukhuwe, nyi na bweledza hwane likhumi mipfhuka nya sigandro si tshiridwego khu lidambo umo nya giyeyedzo gikhatini gya Akazi. Kharato lidambo li di bwelela hwane li tshira likhumi sigandro li nga bani li si vbindride.”

Joyele 2:10

Mbeli gwawe mafu ma gu tsekatseka, ni damboni gu ndrendremela; lidambo ni ngima si pfhupela, ni dzinyeledzi dzi na dusa wenengedzo wawe.

Joyele 2:31

Lidambo li na vbindrugedza li khala gidema, ngima wu fuvila wu khala novba, li si gu vbohi litshigu nya likhongolo nya guthise la Pfhumu Nungungulu.

Joyele 3:15

Lidambo ni ngima si na sivbala, dzinyeledzi kha dzi na khedziga.

Habhakuka 3:11

Lidambo ni ngima si di ema malangani gwaye, si dzimeledwa khu gukhedziga nya sighalala, ni guvbyuga nya matshari yago nya gukhedzige.

Mitengo 21:14

Khigyo gi girago gu ganedwa umo nya Libhuku nya Dzinyimbi dza Pfhumu Nungungulu gupwani: “Vhayebhi, tigoni ga Sufa, Arinoni, ni mikova nya sitsongwana saye

Mitengo 31:2

“Phodzela va na Israyeli ga Vamedhiyani, hwane nya isoso u naya patana gumogo ni vavelegi vago.”

Matewu 24:29

“Aholu hwane nya tshanisa yoyo, lidambo li na sivbala, ni ngima kha na wenengedza; dzinyeledzi dzi na thegela khu Ndzadzini, ni dzitshivba nya ndzadzi dzi na dzudzwa.

Matewu 5:45

Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.

Luka 18:7

Ina Nungungulu khuye a na gumba lamula sihathwa saye, si mu ranago wutshigu ni mihani, ambari a gu gira gukhwatshi a gu hwela, gani?

Mithumo 2:20

Lidambo li na vbindrugedza li khala gidema gasi ngima wu na fuvila wu khala nga novba. Na li si gu vbohi litshigu la Pfhumu: Litshigu likhongolo, litshigu nya gidhumo.

Josuwa 10:11

Avbo va nga bani va tutuma gu thava va na Israyeli, releloni wa Bheti-Horoni, Pfhumu Nungungulu a di va thesela maralala nya siwindri nya sikhongolo na si gu thega khu ndzadzini, kala Azeka; avo va ngafa khu gu thegedwa khu ndzadzi nya siwindri vangi ngudzu, guvbindra avo va nga songwa khu matshari khu va na Israyeli.

Josuwa 10:14

Gima li si gu manegi litshigu nya nga eli, khu gale, ambari khu hwane gwaye, kholu Pfhumu Nungungulu a di yingisa lito la muthu, kholu Pfhumu Nungungulu, a di dwanela va na Israyeli.

Gutuledwa 21:23

Lidhoropa lakone khali vbweti lidambo, ambari ngima gu wenengedza, kholu la gu wenengedzwa khu wudhumo wa Nungungulu, wenengedzo waye khu Nvutana.

Gutuledwa 6:10

Va di gu huwelela khu tshivba, khavo: “Pfhumu, uwe khuwe u agidego ni gutumbega! Hi na lirela kala lini gasi u lamule vathu va tigonimu, u hi phodzela olu va nga hi songetelago?”

Gutuledwa 6:12

Gikhati yi nga namula gifungo nya livbandre na gimwegyo. Nyi di wona girevareva nya gikhongolo; lidambo li di sivbala kha nga gilendra; ngima wu di fuvila kha nga novba.

Gutuledwa 8:12

Ngilozi nya wu na yi di womba pundru, khavbo avbo, gipandre nya wuraru nya lidambo, nigyo nya ngima, nigyo nya dzinyeledzi, si di thapedwa niso; si gu tshimega. Gipandre nya wuraru nya mihani nigyo nya wutshigu si di khala gidemani.

Valamuli 16:28

Khavbo avbo, Samisoni a di rana Pfhumu Nungungulu, a ganela, khuye: “Uwe Pfhumu Nungungulu, nya gu gu lomba gukheni nyi alakanye! Uwe Nungungulu, nyi ngu lomba gukheni, nyi ninge gambe tshivba, gikhati gegi basi, u nyi gira gu nyi dzi phodzela ga Vafilisitiya, khu kotani nya maho yangu ya mavili.”

Valamuli 5:2

“Kha nga olu vathangeli va thangedego Israyeli, vathu navo va dzi ningede wurumba wawe khavbo gu vbeledego. Bongani Pfhumu Nungungulu!