Josuwa 10:11 - Bhibhiliya Nya Guage

¹¹ Avbo va nga bani va tutuma gu thava va na Israyeli, releloni wa Bheti-Horoni, Pfhumu Nungungulu a di va thesela maralala nya siwindri nya sikhongolo na si gu thega khu ndzadzini, kala Azeka; avo va ngafa khu gu thegedwa khu ndzadzi nya siwindri vangi ngudzu, guvbindra avo va nga songwa khu matshari khu va na Israyeli.

Josuwa 10:11 Iomraidhean Croise

Genesi 19:24

Khavbo avbo, Pfhumu Nungungulu a di wisa madhoropani ga Sodhoma ni Ghomora, ndzadzi nya sulufa ni nilo nya gute khu ga Nungungulu.

2 Samuweli 18:8

Kholu nyimbi yi di fenengedza gipandre gile gyatshavbo, vathu va fudego khabini vangi ngudzu gu vbindra avo va nga songwago khu matshari.

Joba 38:22

Ina u di nga bela umo yi dugelago umo thondrwane mwendro gu wona madhamu nya maralala,

Joba 38:23

nyi si vegedzago gasi si lirela litshigu nya gupwe wuvi, kala litshigu nya litunga ni nyimbi, gani?

Dzindzimo 11:6

A na wungedzela magala nya nilo ni guvbisa hungoni ga va nya guvivba, a va tsayisa khu dziphuvbo nya guvbise ngudzu, gi na bani giri gikombe va yedwago khigyo.

Dzindzimo 147:17

A ngu tshisa siwindri nya mati kha nga maralala, mwalo muthu a tiyelago girame gyakone.

Isaya 28:2

Wonani nya gukhenu Pfhumu a na rumela mwama nya ndrena ni tshivba kha nga ndzadzi nya maralala ni phuvbo nya gingulu, yi pfhungumulago kha nga talo nya khongolo nya mati ma khulungago khu tshivba, ma kemba mafu.

Isaya 28:21

Kholu Pfhumu Nungungulu a na khuga a ema nga idzo a nga girago gigomoni gya Perazimi, a goroga kha nga idzo a nga girago kovani wa Gibheyoni, gasi gu gira thumo waye, thumo nya guthise, a vbedzisa thumo waye, thumo waye nya gu samadzise.

Isaya 30:30

Pfhumu Nungungulu a na pwadza lito laye nya wudhumo, ni gu wonegisa tshivba nya libogo laye. A na li reledza na tade khu giviti ni likhulo, ni nilo nya gumbembise, gulasa ni ndzadzi nya talo, ni phuvbo nya gingulu, ni siwindri nya maralala.

Ezekiyeli 13:11

Embela vale va li londrago khu phembe, khuwe: Libhiyo lolo li na thega! Gu nawa ndzadzi nya yingi, nyi na vbaladza ndzadzi nya siwindri ni gufurugedza phuvbo nya gingulu.

Dhewuteronome 20:4

kholu Pfhumu Nungungulu wanu, khuye a mi dwanelago ga valala vanu, gasi a mi vbulugisa.

Gutuledwa 11:19

Khavbo avbo, Nyumba ya Nungungulu a guromo ndzadzini yi di tudwa, yi gu wonega Ngasa nya Gidzumeledzwano ndrani nya Nyumba ya Nungungulu, khu gikhati gyogyo, gu di lasa, gu pwala malito ni gu pandra mabara, gu duga girevareva, ni maralala.

Gutuledwa 16:21

Khavbo avbo, khu ndzadzini gu di thega maralala kha nga siwindri nya gulemele pimo nya taleta mweyo. Vathu va di vala Nungungulu khu kotani nya gitsayiso nya maralala kholu gi diri gikhongolo ngudzu.

Valamuli 5:20

Khu ndzadzini dzi di dwana dzinyeledzi, khu dzindzilani dzawe dza vbatshani dzi wugela Sisera.