Josuwa 1:7 - Bhibhiliya Nya Guage

⁷ U nga khali basi muthu nya tshivba ni gutimisela, gu vbwetega u dzi wonele u gira kha nga idzo wu rumago nayo watshavbo owu githumi gyangu Mosi gi gu leletedego; u nga tshuki u wu diga u ndreya, uya nyamudye mwendro nyambade, gasi sigiro sago si gu dugela gwadi ni evbini umo u na gimbilago khumo.

Josuwa 1:7 Iomraidhean Croise

1 Dzipfhumu 2:2

Eni nyi ngu hongola khu ndzila va belago khiyo vathu vatshavbo. Khu guralo, tiya longo u khala mwama.

1 Dzipfhumu 2:3

Vegedza ni gu landrisa milayo ya Pfhumu Nungungulu wago; gimbila khu dzindzila dzaye ni gu vegedza sileletelo saye, ni milayo yaye, gululama gwaye ni wufakazi waye, kha nga si lovidwego umo nya Nayo wa Mosi, gasi u kodza gugengela ni gudugelela ga satshavbo u na si girago, ni evbini avbo u na hongolago.

2 Dzipfhumu 22:2

A di thuma mithumo nya gululame mahoni ga Pfhumu Nungungulu, a di landrisa khu gutumbega dzindzila dza babe waye Dhavhidhe, nyamba ndreyela nyamudye ambari nyambade.

1 Dzikoronika 22:13

Khavbo avbo, u na andra, wa gu landrisa ni gu sayisa milayo ni sileletelo, esi Pfhumu Nungungulu a si leletedego ga Mosi khu kotani ya Israyeli; tiya longo u nga tedwi khu hwanga u khala rerema.

2 Dzikoronika 15:7

Gasi olu dzi garadzeni, mandza yanu ma nga khali ghome, kholu thumoni gwanu mu na mana tshatshazelo.

2 Dzikoronika 26:5

A di dzi garadza khu gu vbweta Nungungulu matshiguni ya Zakariya, uye a nga bani na siti gwadi siwoniso sa Nungungulu; gikhati a nga namarela ga Pfhumu Nungungulu, Uye a di mu kategisa.

Joba 1:8

Pfhumu Nungungulu a di embela Sathane, khuye: “U di nga gi wona githumi gyangu Joba, gani? Muthu nya gululame a thavago Nungungulu, mwalo mafuni a fananago naye, kholu a ngu hambana ni guvivba.”

Dzindzimo 80:19

Uwe Pfhumu Nungungulu nya Tshivba Yatshavbo, hi wuyise nyaluphye, ngangamedzisa khovbe yago, hi na vbanya.

Mavingu 4:27

U nga ndreyi uya nyamudye mwendro nyambade, dusa ngondro wago guvivbani.

Mavingu 8:20

Nya gu gimbila khu ndzila nya gululame, vbakari nya wulamuli wu lulamidego.

Dhaniyeli 10:19

Gi nyi embela, khigyo: “U nga khali hwanga, uwe u gigodwa ngudzu. Gurula gu na khale ni uwe! Tiya! U nga thavi!” Avbo nyi nga embedwago magana yaya, nyi di dzipwa na nyi tiyide, nyi ganela, kheni: “Ganela mune wangu, kholu u nyi ningide tshivba.”

Mitengo 27:23

A di mu handzega mandza, a mu wumbela gu khala muthangeli kha nga edzi Pfhumu Nungungulu a nga rumago khidzo khu ga Mosi.

Dhewuteronome 11:8

Khu guralo, vegedzani milayo yatshavbo nyi mi leletelago muhuno, gasi mu mane tshivba nya gubeleni muya fumela litigo muyago ga ilo;

Dhewuteronome 12:32

Satshavbo esi nyi gu leletelago u na si sayisa; u nga engedzeli gilo mwendro gu vbungula.

Dhewuteronome 28:14

U nga ndreyi uya nyamudye mwendro nyambade ga magana yatshavbo nyi gu ningago muhuno, khu gu landrisela vambe vanungungulu u va khozela.

Dhewuteronome 29:8

Hi di dzega litigo lawe, hi li ningela kha nga thomba ga va na Rubheni, ga va na Gadhi ni ga gipandre nya lihundzu la va na Manasi.

Dhewuteronome 29:9

Khu guralo, vegisani magana yaya nya gidzumeledzwano gegi, mu ma landrisa, gasi mu kodza gu dugelela ga satshavbo mu na si thumago khu mandza yanu.

Dhewuteronome 31:7

Mosi a di rana Josuwa mbeli ga va na Israyeli vatshavbo, a mu embela, khuye: Tiya longo u si vbeli tshivba; kholu u na bela ni vathu vava, ga litigo eli Pfhumu Nungungulu a sambanyidego gu li ningela ga vababe vago; uwe khuwe u na va ningago va li fumela.

Dhewuteronome 4:2

Mu nga engedzeli gilo ga magana nyi mi rumago, gambe mu nga vbunguli gilo, gasi mu vegedze sirumo sa Pfhumu Nungungulu wanu, kha nga edzi nyi mi ningago khidzo.

Dhewuteronome 5:32

Khu guralo, girani kha nga idzo Pfhumu Nungungulu wanu a mi rumidego; mu nga ndreyini muya nyamudye, mwendro nyambade.

Josuwa 1:1

Avbo a ngafago Mosi, githumi gya Pfhumu Nungungulu, Pfhumu Nungungulu a di ganela ga Josuwa, mwamana wa Nuni, githumi gya Mosi, khuye:

Josuwa 1:8

U nga garali khu gu ganela khu libhuku nya Nayo; aholu gu vbwetega wutshigu ni mihani u alakanyela, gasi u landrisa satshavbo iso si lovidwego umo; khavbo avbo, u na andra ndzilani gwago bwelo khavbo u dugelela.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Josuwa 11:15

Kha nga idzo Pfhumu Nungungulu a nga leletelago khidzo githumi gyaye Mosi, Mosi nuye a di leletela Josuwa; khu guralo, Josuwa nuye a di si gira; gimwalo ni gimwegyo a ngamba gi landrisa ga satshavbo esi Pfhumu Nungungulu a leletedwego Mosi.

Josuwa 23:6

Gasi olu, dzi garadzeni ngudzu khu gu vegedza ni gu landrisa satshavbo esi si lovidwego umo nya Libhuku nya Nayo wa Mosi, gasi mu si hambani nawo, mu si ndreyi guya nyamudye mwendro nyambade;