Josuwa 1:6 - Bhibhiliya Nya Guage

⁶ Tiya longo u manega ni tshivba ni gutimisela, kholu khuwe u na thangelago vathu vava kala va bela ga litigo nyi sambanyidego gu ninga vababe vago.

Josuwa 1:6 Iomraidhean Croise

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 26:3

Vbanya umo matshigu nya gukari, Eni nyi womo gwago, nyi na gu kategisa, kholu Eni nyi na ninga uwe ni sanana sago mayigo yaya yatshavbo, nyi na tadzisa gisambanyo nyi giridego ga babe wago Abrahama.

2 Samuweli 10:12

Tiya longo hi dwanela vathu ni madhoropa ya Nungungulu wathu; Pfhumu Nungungulu, a na gire iso a si wonago nari sadi mbeli gwaye.

1 Dzipfhumu 2:2

Eni nyi ngu hongola khu ndzila va belago khiyo vathu vatshavbo. Khu guralo, tiya longo u khala mwama.

1 Dzikoronika 22:13

Khavbo avbo, u na andra, wa gu landrisa ni gu sayisa milayo ni sileletelo, esi Pfhumu Nungungulu a si leletedego ga Mosi khu kotani ya Israyeli; tiya longo u nga tedwi khu hwanga u khala rerema.

1 Dzikoronika 28:10

Olu, wona, kholu Pfhumu Nungungulu, a gu hathide gasi u mu vbahela nyumba ni Wulanga nya guage; olu tiya longo, u dzi ningela u phela thumo.

1 Dzikoronika 28:20

Dhavhidhe a di embela mwanaye Solomoni, khuye: “Tiya longo u nga thavi gilo ni gu pilega hwambo, phara thumo; kholu Pfhumu Nungungulu wangu, a na bani ari nago, gima kha na nga gu diga ambari gu gu divala, kala u vbedza thumo watshavbo nya guvbahe Nyumba ya Pfhumu Nungungulu.

2 Dzikoronika 15:7

Gasi olu dzi garadzeni, mandza yanu ma nga khali ghome, kholu thumoni gwanu mu na mana tshatshazelo.

2 Dzikoronika 20:11

nga wona tshatshazelo va hi ningago! Va guvbweta gu hi lundra ga thomba U hi ningidego.

2 Dzikoronika 20:7

Ina Uwe Pfhumu Nungungulu wathu, khandri Uwe U tutumisidego vathu va nga bani va vbahide tigoni momu U li ningela ga vathu vago va na Israyeli, U li ningela kala gupindruga ga sanana sa Abrahama, pari yago, gani?

Dzindzimo 27:14

Tumba Pfhumu Nungungulu u tiya, tiyisa monyo wago, u tumba Pfhumu Nungungulu.

Dhaniyeli 10:19

Gi nyi embela, khigyo: “U nga khali hwanga, uwe u gigodwa ngudzu. Gurula gu na khale ni uwe! Tiya! U nga thavi!” Avbo nyi nga embedwago magana yaya, nyi di dzipwa na nyi tiyide, nyi ganela, kheni: “Ganela mune wangu, kholu u nyi ningide tshivba.”

Agewu 2:4

Khu guralo, olu dzi garadze uwe Zorobhabheli; a ngu ganela Pfhumu Nungungulu, dzi garadze nuwe Josuwa, mwamana wa muphasi nya khongolo nya mhamba Jozadhaki, dzi garadzeni nenu vathu vatshavbo va tigoni, a ngu ganela Pfhumu Nungungulu, thumani; kholu eni nyi womo gumogo nanu; a ngu ganela Pfhumu Nungungulu nya Tshivba Yatshavbo.

Zakariya 8:9

Pfhumu Nungungulu nya Tshivba Yatshavbo a ngu ganela kharati, khuye: “Enu mwatshavbo mu pwidego khu matshigu yaya magana ma dugelago khu maganani ga vaprofeti, va nga bani va romo litshiguni gu tsitsidwego siseketelo, gasi guvbaha Nyumba ya Pfhumu Nungungulu nya Tshivba Yatshavbo, tiyisani magana yanu.

Mitengo 26:53

Ava khavo va na kabanisedwa litigo gasi gu khala thomba yawe, gukhedza khu tengo nya malina yawe.

Mitengo 33:53

Wandrani litigo, mu vbaha umo, kholu Eni nyi mi ningide li khala thomba yanu.

1 Vakorinto 16:13

Khendzugani mu tiya gukhodwani, mu gira nga vama, mu dzi ninga tshivba.

Vaefeso 6:10

Khu guhegisa nyi ngu mi lomba gukheni tiyani linani ga Pfhumu, mu tumba tshivba yaye nya yikhongolo.

Dhewuteronome 1:21

Wona nya gukhuwe Pfhumu Nungungulu wago, a gu ningide litigo leli. Gwela, u ya li dzege, u li fumula kha nga idzo a ganedego khidzo Pfhumu Nungungulu wa vababe vago: U nga thavi, gambe u nga thurugi.

Dhewuteronome 1:8

Khilo eli litigo nyi li vegidego mbeli gwanu; belani mu fumela litigo Pfhumu Nungungulu, a ningidego khu gu sambanya ga vababe vanu, Abrahama, Isaki ni Jakobe, gwawe ni ga livelego lawe li nga gutago.

Dhewuteronome 11:8

Khu guralo, vegedzani milayo yatshavbo nyi mi leletelago muhuno, gasi mu mane tshivba nya gubeleni muya fumela litigo muyago ga ilo;

Dhewuteronome 31:23

Khavbo avbo, Pfhumu Nungungulu a di leletela Josuwa, mwamana wa Nuni, a mu embela, khuye: Tiya longo u si vbeli tshivba; kholu khuwe u na vbohisago sanana sa Israyeli ga litigo nyi sambanyidego gu va ninga; gasi eni nyi na bani nyiri nago.

2 Thimoti 2:1

Uwe, mwanangu, tiya gukhodwani ni wuhigo wutago khu ga Kristo Jesu.

Josuwa 1:18

Uye a na gu wugelago a yeyisa milayo yago, a na songwa. Khu guralo, tiya u si thavi gilo.”

Josuwa 1:7

U nga khali basi muthu nya tshivba ni gutimisela, gu vbwetega u dzi wonele u gira kha nga idzo wu rumago nayo watshavbo owu githumi gyangu Mosi gi gu leletedego; u nga tshuki u wu diga u ndreya, uya nyamudye mwendro nyambade, gasi sigiro sago si gu dugela gwadi ni evbini umo u na gimbilago khumo.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Josuwa 10:25

Khavbo avbo, Josuwa a di va embela, khuye: “Mu nga thavi, ambari gu khala hwanga; tiyani longo mu khale dzindrena. Khidzo kharati Pfhumu Nungungulu a na girago ga valala vatshavbo mu na dwanago navo.”

Josuwa 13:6

vatshavbo va nga bani va vbahide gigomoni, gukhugela Libhanoni kala matini ga Miserifoti-Mayimi, vatshavbo va na Sidhoni. Eni nyi na va lundra mbeli ga sanana sa Israyeli. U na va kabanisela li khala thomba yawe kha nga idzo nyi gu leletedego khidzo.

Josuwa 18:3

Josuwa a di embela sanana sa Israyeli, khuye: “Gu na kala lini na mu nga gu khala mihuni guya dzega litigo eli Pfhumu Nungungulu wa vababe vanu a mi ningidego?

Josuwa 21:43

Pfhumu Nungungulu a di ningela ga va na Israyeli, litigo latshavbo a nga bani a sambanyide gu ninga vababe vawe; li di khala lawe avo va vbaha umomo.

Josuwa 5:6

Va na Israyeli va gimbide giwulani gipimo nya magumana myaga, va vbela kharati vama vatshavbo nya nyimbi va dugidego khu Egipito; avo kha va nga yingisa lito la Pfhumu Nungungulu, kholu a di sambanyide gukhuye gima kha na va diga va wona litigo lile a sambanyidego gu ninga vababe vawe litigo li gogago mahwe ni wulombe.

1 Samuweli 4:9

Tiyani longo, enu Vafilisitiya! Khalani vama, mu nga tshuka mu khala dzikhumbi dza Vahebheru, kha nga avo va gu dzikhumbi dzanu. Khu guralo, tiyani mu dwana nyimbi.”