Johane 5:3 - Bhibhiliya Nya Guage

³ Myanyani momo va di khala vadwali nya vangi: Sikhumu, silima, sikhurubwa. Va nga bani va gu virela gu wunvudzwa mati,

Johane 5:3 Iomraidhean Croise

1 Dzipfhumu 13:4

Avbo mufumeli Jerobhowamo, a nga yingisago magana ya muthu wa Nungungulu a nga bani na gu ma huwelela khu giluvelo gya Bheteli, a di thawuludza mandza vbagiluvelotunu a rumela, khuye: “Mu moleni!” Aholu libogo a nga li thawuludzago, li di khwanyela li banga nyamba petega gambe.

Mavingu 8:34

Kategile wule a nyi yingisago, a khedzago ndrangani gwangu matshigu yatshavbo, a lirelago mihasimoni nya mwanya wangu.

Gililo 3:26

Khu guralo, gwadi muthu gu rudzisa monyo a khevisela guvbanyisa gwa Pfhumu Nungungulu.

Zakariya 11:17

Libango ga muhavisi nya gipumbu, a si sayisigo tshambi; a na paywe libogo laye khu litshari, li mu pole liso la nyamudye; libogo laye latshavbo li na bange ni liso laye la nyamudye li na khale gidzogo.

Matewu 15:30

A di tedwa khu vathu nya vangi ngudzu, va mu resela sikhurubwa, silima, sikhumu, sidudu ni vambe vadwali, va ta va vega migondroni gwaye. Uye a di va hawulugisa vatshavbo.

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Luka 7:22

Jesu a di va hakha, khuye: “Indrani muya tivisa Johane iso mu si pwago ni gu si wona: Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Johane 5:2

Jerusalema, vbafuvbi ni mwanya nya dzinvuta li diromo lidhamo, li nga bani li ranwa khu Gihebheru pwani Bhetesadha; li diri ni livbandre myanya.

Johane 5:4

[kholu khu gikhati nya gukari ngilozi ya Nungungulu yi nga bani yi gu tshiga yita wunvudza mati muthu nya guphele gu bela lidhamuni a di hawuluga ni mevbini madwali a nga bani ari nawo.]

Varoma 8:25

Aholu, ha gu tumba silo nyamba si wona, hi na si lindrela khu gutimisela.

Jakobe 5:7

Khu guralo, vandriyangu, timiselani kala Pfhumu yi wuya. Wonani edzi mulimi a timiselago khidzo, kala lithembwe laye li ninga mihandro nya yadi. Uye a gu timisela, a gu virela ndzadzi nya guphele ni eyi nya guhegise.