Johane 2:4 - Bhibhiliya Nya Guage

⁴ Jesu a di hakha, khuye: “Nyamayi! Gasi ginani u gi vbwetago avbo gwangu? Gikhati Gyangu gi si gu vbohi.”

Johane 2:4 Iomraidhean Croise

2 Samuweli 16:10

Mufumeli a di khuye: “Ginani nyi gu nagyo nanu enu madzahanu ya Zeruwa? Mu digeni a hembulule, Pfhumu Nungungulu a gu bani a mu rumide gukhuye vala Dhavhidhe, khu mani a na mu embelago, khuye: Khu ginani u girago isoso?”

2 Samuweli 19:22

Aholu Dhavhidhe a di hakha, khuye: “Gasi mahungu muni nyi gu nawo nanu enu madzahanu ya Zeruwa, na? Ina muhuno litshigu nya gufe muthu wa na Israyeli, gani? Ina eni kha nyi dziti gukheni muhuno nyi emisedwe gu khala mufumeli wa Israyeli, gani?”

1 Dzipfhumu 17:18

Nyamayi a di embela Eliya, khuye: “Gasi mahungu muni nyi gu navo eni ni uwe, muthu wa Nungungulu? U dzude avba gasi guta nyi alakanyisa sighoho sangu ni gu songa gyanana gyangu, gani?”

Muhevbudzi 3:1

Satshavbo si dongisedwe gikhati gyaye, gyomo gikhati nya satshavbo si guromo mafuni:

Matewu 15:28

Khu kharato, Jesu a di mu hakha, khuye: “Nyamayi, gukhodwa gwago gukhongolo! Gu na girege kha nga guhaladza gwago.” Gukhugela gikhati gile nyamahegyane waye a di hawuluga.

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

Luka 2:49

Khavbo avbo, Jesu a di khuye: “Mu di nyi vbwetela ginani? Kha mu dziti nya gukhenu fanelo yangu khu gu khala nyumbani ga Babe wangu, gani?”

Johane 12:23

Uye a di va hakha, khuye: “Gi vbohide gikhati nya gudhumiswe Mwamana wa Muthu.

Johane 13:1

Wu si gu vbohi buzo nya Phasika, Jesu na gu dziti gukhuye gi vbohide gikhati gyaye nya guvbindre mafuni momu a bwelela ga Babe waye, uye, a nga golago vathu vaye va nga bani va romo tigoni, a di va gola khu monyo waye watshavbo.

Johane 2:3

Gu di kenelela wadwa. Mayi wa Jesu a di embela mwanaye, khuye: “Va mwalo wadwa.”

Johane 20:13

Dzingilozi dzi di mu wudzisa, khidzo: “Nyamayi, wa gu lilela ginani?” Mariya a di hakha, khuye: “Kholu va dzegidego Pfhumu yangu, kha nyi guti va yi vegide hayi.”

Johane 20:15

A di mu wudzisa, khuye: “Nyamayi, wa gu lilela ginani? Wa guvbweta mani?” Na gu hingigedza khuye mwendro khu mulimi nya lithembwe lile, Mariya a di khuye: “Pfhumu, wa gu bani uri uwe u mu dzegidego, tshukwana u nyi embela avbo u nga mu vegago, gasi nyiya mu dzega.”

Johane 7:30

Khavbo avbo, va di vbweta gu mu mola, aholu mwalo a nga mu khuhago, kholu gikhati gyaye gi di si gu vbohi.

Johane 7:6

Khavbo avbo, Jesu a di khuye: “Gikhati gyangu gi si gu vbohi, aholu ga enu gikhati gyatshavbo khyadi.

Johane 7:8

Indrani enu buzotunu. Eni kha nyiyi, kholu gikhati gyangu gi si gu vbohi.”

Johane 8:20

Jesu a di ganela magana yaya vbamezatunu nya miningelo, na gu hevbudza Nyumbani ya Nungungulu. Aholu, mwalo a nga mu molago, kholu gikhati gyaye gi di si gu vbohi.

2 Vakorinto 5:16

Ethu olu kha hi nga gu pimisa gambe muthu khu mawonelo nya wuthu wa mafuni. Ambari olu gale hi nga pimisa kharato khu Kristo, olu kha hi pimisi gambe kharato khu uye.

Dhewuteronome 33:9

wule U nga embelago babe ni mayi waye, khuwe: Gima nyi si gu mi woni; ni vandriyaye kha nga vati, uye a si khathaleligo sanana saye, kholu vegedzide magana yago ni gu landrisa gidzumeledzwano gyago.