Johane 13:10 - Bhibhiliya Nya Guage

¹⁰ Jesu a di mu hakha, khuye: “Wule a hambidego, guvbweta gu hamba migondro basi, kholu agide. Enu nenu mu agide, aholu, khandri enu mwatshavbo.”

Johane 13:10 Iomraidhean Croise

Muhevbudzi 7:20

Mafuni momu, mwalo muthu nya gululame, a thumago basi iso nya sadi nyamba ghoha.

Gizimba 4:7

Gigodwa gyangu, u mburide ngudzu, u mwalo givbango gi gu ni mbanga.

Jeremiya 50:20

Khu matshigu yoyo ni gikhati gyogyo, a ngu ganela Pfhumu Nungungulu, va na vbweta wuvivbi wa Israyeli, va si wu mani, va vbweta sighoho sa Judha, va si si mani, kholu nyi na tsetselela vale nyi na gu va diga va vbanya.

Levhi 16:26

Wule a nga vbelegedzago nyamabhongwe ga Azazeli, a na handza guambala, a hamba mili waye khu mati, khavbo a na dzi kodzago gu bela gambe lizumboni.

Levhi 16:28

Wule a nga ya si vbisago, a na handza dzingandzu dzaye, aya hamba mili waye khu mati, khavbo a na belago lizumboni.

Matewu 6:12

Hi pwele sihoso sathu, kha nga ethu hi va pwelago avo va hi hoselago.

Johane 13:18

“Kha nyi thuli enu mwatshavbo, nyi ngu vati avo nyi va hathidego, aholu nya gu ganela kharati gasi gutadzisega milowo, yi gu, khiyo: ‘Uye nyi hodzago naye mbiya mweyo a nyi wugede.’

Johane 13:9

Simoni Pedro a di khuye: “Pfhumu, u nga nyi handzi migondro basi, aholu, ni mandza ni hungo gambe!”

Johane 15:3

Enu mu agideni khu kotani nya magana nyi mi hevbudzidego.

2 Vakorinto 5:17

Kholu muthu a gu tshanganiswa ni Kristo a gu khala muthu muphya. Esi sa gale si vbindride, satshavbo sa gu wusedzwa si gu girwa siphya.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

1 Vatesalonika 5:23

Nungungulu nya gurule a na agise ni gu sayisa sivili sanu ni mihefemulo yanu kala a wuya Pfhumu yathu Jesu Kristo.

Vahebheru 9:10

Miningelo ni dzimhamba dzodzo, a diri guhodza ni gusela ni yimbe mikhuwo nya gu dzi agise, yi nga bani yiri ni giphaso basi gikhati Nungungulu a nga bani a si gu vbindrugedzi silo satshavbo si gu khala siphya.

Jakobe 3:2

Kholu ethu hatshavbo hi ngu hosisa. Oyu nyamba hosisa guganelani gwaye muthu a vbeledego, a na ni tshivba nya gu dzi phare wurumba waye.