Johane 12:2 - Bhibhiliya Nya Guage

² Va di mu girela guhodza. Lazaro a di romo nuye vbamezatunu ni Jesu, gasi Marta a diri uye muphameli wakone.

Johane 12:2 Iomraidhean Croise

Gizimba 4:16

Mwangadzi —Wuga uwe phuvbo u tago khu Wuronga! Delu, nuwe phuvbo u tago khu Marandzi! Furugedzani thembweni gwangu, mu phalalegisa mahema yaye. Ah! Naripwani gigodwa gyangu gi nguta thembweni gwaye, ata hodza mihandro yaye nya gutshambe.

Matewu 26:6

Jesu, na romo Bhetaniya, ndrangani ga Simoni, a nga bani na gu ranwa “Nya Sokono,”

Marko 14:3

Jesu, na romo Bhetaniya, ndrangani ga Simoni, a nga bani a gu ranwa pwani nya sokono. Na khade vbamezatunu, a di vboha nyamayi moyo ni gigasi nya mafura nya gunungele ngudzu, ma nga rengwa khu dzitsapawu nya dzingi. A di gi pandra a guhula mafura hungoni ga Jesu.

Luka 12:37

Si kategide sithumi sile si na ta manwago khu pfhumu yawe na si lindrede. Khu lisine nyi ngu mi embelani nya gukheni: A na sumela mwendra mu giwununi, a gu si khadzisa vbavbatshi, gasi gu si phamela.

Luka 14:12

Khavbo avbo, a di embela wule a nga mu ranago, khuye: “Wa gu dongisela buzo nya gukari, u nga rani dzipari dzago, vandriyago, valongo, vaakelane vale nya sitetema; u pima gukhuwe avo navo va na gu rana, gasi va gu bweledzela.

Luka 22:27

Gasi khu mani a gu khongolo: Uye a khalago vbamezatunu mwendro khuye a ningago guhodza, gani? Khu lisine khongolo khu wule a khalago vbamezatunu! Gani olu eni nyi womo vbakari gwanu kha nga wule a mi thumelago.

Luka 5:29

Khavbo avbo, Levhi a di rana Jesu ndrangani gwaye, a gu mu girela buzo nya khongolo. Vbamezatunu va diromo vambe vahengisi nya khupho nya vangi ni vambe vathu.

Gutuledwa 3:20

Nyi womo vbalidimbatunu nyi khokhotha. Uye a na pwago lito langu a nyi tulela, nyi na bela nyumbani gwaye nyi hodza naye, uye nuye a hodza ni eni.