Johane 1:18 - Bhibhiliya Nya Guage

¹⁸ Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 1:18 Iomraidhean Croise

Genesi 16:13

Agari a di rana Pfhumu Nungungulu a nga ganelago naye khu lina nya gukhuye “Nungungulu khuwe U nyi wonago”, kholu a di khuye: “Kha nya mu wona neni wule a nyi wonago, gani?”

Genesi 18:33

Pfhumu Nungungulu na vbedzide gu ganela ni Abrahama, a di hongola. Abrahama a di bwelela wulanga waye.

Ekisodha 23:21

Thela kota khu ngilozi yangu, u yingisa lito laye. U nga yi tshanisi kholu iyo kha yi na timisela guvivba gwanu, kholu yi na thuma khu lina langu.

Ekisodha 24:10

va ya wona Nungungulu wa Israyeli. Vbavbatshi nya migondro yaye gu di romo gilo nya gufanane ni giwindri nya guvatwe nya safira, nya guphatime kha nga ndzadzini.

Mavingu 8:30

nyi di khade bambe gwaye, nyi fanana ni muthu a wutigo thumo, khu litshigu ni litshigu nyi gu mu tsakisa, gikhati gyatshavbo nyi di gu tsaka mbeli gwaye.

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Gililo 2:12

Sanana sa gu lila ga vamayi vawe, khiso: Gomo hayi guhodza ni mati? Va gira isoso na va gu titivala dzindzilani nya lidhoropa gukhwatshi vathu va bayisidwego na va hadza gufa na va gu ningela mihefemulo yawe na vari mandzani ga vamayi vawe. Mem

Mitengo 12:8

Uye nya gu ganela naye likana khu likana, khovbe ni khovbe, nasiri khu sipimaniso; kholu uye a ngu wona mufananiso wa Pfhumu Nungungulu. Olu, khu ginani mu ngamba thava gu lemba githumi gyangu Mosi, na?”

Matewu 11:27

Satshavbo nyi ningidwe khu Babe wangu. Mwalo a mu tigo Mwamana vbavbandze ga Babe ekha, gambe mwalo a mu tigo Babe vbavbandze ga Mwanaye ekha ni wule Mwamana a dzinago gu mu tulela.

Luka 10:22

Satshavbo nyi ningidwe khu Babe wangu. Mwalo a mutigo khu mani Mwamana vbavbandze ga Babe ekha, gambe mwalo a mutigo khu mani Babe vbavbandze ga Mwanaye ekha, ni wule Mwamana a dzinago gu mu tulela.”

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 12:41

Isaya ganede esi kholu a di tuledwe gu wona gidhumo gya Jesu.

Johane 13:23

Moyo nya vapizane, wule a nga bani a godwa khu Jesu, a di ninganide naye vbamezatunu.

Johane 14:9

Jesu a di khuye: “Gale na nyiri nanu, gasi ni olu u si gu nyiti, Filipi? Uye a nyi wonago, a ngu wona Babe. Khu ginani u gukhuwe: ‘Hi yeyedze Babe?’

Johane 17:26

Nyi va tiviside lina lago; nyi ngu nga gu va tivisa gambe, gasi lihaladzo u nyi golago khilo li khale gwawe, eni neni nyi khale gwawe.”

Johane 17:6

“Nyi tiviside lina lago ga vathu nya litigo u nyi ningidego. Va diri vago, aholu u nyi ningide. Avo va vegedzide milayo yago.

Johane 3:11

Khu lisine, nyi ngu gu embela, kheni: Ethu ha gu ganela esi hi si tigo, ni gufakaza esi hi si wonego, gasi enu mwa gu nyenya wufakazi wathu.

Johane 6:46

Mwalo a wonidego Babe vbavbandze ga wule atago khu ga Nungungulu; uye khuye a wonidego Babe.

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

Dhewuteronome 4:12

Khavbo avbo, Pfhumu Nungungulu a di ganela gwanu nari khu vbakari nya nilo; mu dipwa magana a nga ganelago basi; aholu kha mwa wona giemo gyaye.

Vakolosi 1:15

Khuye giwonelo nya Nungungulu a si wonegigo; velegidwe khu Babe na li si gu vangwi litigo.

1 Thimoti 1:17

Khu guralo, ga uye Pfhumu nya gupindruge, rungudzo ni gidhumo si na vegwe gwaye Nungungulu nyamba fa nyamba wonwa khu maho khu gupindruga ni gupindruga Amen.

1 Thimoti 6:16

Khuye basi a sifigo. Uye khade gungangamelani gu si vbohedwigo khu muthu. Mwalo a mu wonidego, gambe mwalo a dzi kodzago gu mu wona. Ga uye, wudhumo ni tshivba kala gupindruga! Amen.

Josuwa 5:13

Josuwa nari vbafuvbi ni Jeriko, na khuside maho a di wona mwama moyo na emide mbeli gwaye, na pharide litshari mandzani. Josuwa a di hidzimela gwaye aya mu wudzisa, khuye: “U moyo wathu, mwendro moyo ya valala vathu, gani?”

1 Johane 4:12

Mwalo na moyo a nga wona Nungungulu; ethu ha gu haladzana khu gyathu, Nungungulu a ngu vbanya ni ethu ni lihaladzo laye gambe li tadzisegide avbo gwathu.

1 Johane 4:20

Muthu a gu ganela, khuye: Eni nyi ngu mu haladza Nungungulu, na gu nyenya ndriyaye, a gu lipha. Kholu, mwalo a dzi kodzago gu haladza Nungungulu a si mu wonigo, a gumba haladza ndriyaye a mu wonago.

1 Johane 4:9

Khidzo kharato Nungungulu a nga yeyedza lihaladzo laye ga ethu. Nungungulu a di rumela Mwamana waye wa Moyo tigoni, gasi ethu hi mane guvbanya khu kotani yaye.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.