Jeremiya 9:7 - Bhibhiliya Nya Guage

⁷ Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Wonani, nyi na va nyiviligisa niloni gasi gu va linga; kholu ma mwalo mambe magirelo nyi yelago gu gira khu kotani ya nyamahegyane wa vathu vangu?”

Jeremiya 9:7 Iomraidhean Croise

2 Samuweli 13:26

Khavbo avbo, Abhisalamo a di khuye: “Uwe wa gu tandrega, hi ninge ndriyathu Amoni hi hongole naye;” mufumeli, khuye: “Gasi u fela guya mu rini?”

2 Dzikoronika 36:15

Pfhumu Nungungulu wa vababe vawe, a di va rumela magana yaya khu ga sirumwa saye, gasi gu va dundrugisa; kholu a di gu pwela gisiro vathu vaye gumogo ni Nyumba yaye.

Dzindzimo 120:4

Siholoma nya gulodzwe sa ndrena si vbisidwego niloni nya magala nya renge.

Dzindzimo 55:22

“Vega womi wago ga Pfhumu Nungungulu, uye a na gu sayisa; gima kha na dzumedzisa muthu nya gululame gu a thega vbavbatshi.”

Dzindzimo 62:5

Hefemulo wangu wa gu khevisela Nungungulu basi, kholu gutumba gwangu gwa guta khavbo gwaye.

Isaya 1:25

Nyi na gu wugela nyi gu veta khu mandza yangu, nyi na gu agisa u vbelela, nyi gu guha kha nga gikete nya gupfhurele, gi nyiviligago khu nilo. Ndzilo mu gu nayo, nyi na yi dusa yatshavbo.

Isaya 48:10

Wona nya gukhuwe nyi gu hutide ambari u gu siri parata; nyi gu lingide umo nya nilo nya guthise.

Isaya 59:3

Kholu mandza yanu ma nyenyezisidwe khu novba, ni dzinyala dzanu dzi tade khu guvivba; khu maganani gwanu gu duga malipha, ni malimi yanu, ma gu ganela guvivba.

Jeremiya 31:20

Ina kamwe Efrayimi khandri uye gyanana gyangu nya gigodwa, gani? Gyanana gi godwago khu monyo wangu, gikhati nya gingi mapimo yangu kha ma digi gu mu alakanya; ni monyo wangu wa gu salala mbeli gwaye, khu guralo, nyi na mu pwela wuhindzi; a ngu ganela Pfhumu Nungungulu.

Jeremiya 5:1

Dzundrulugelani dzindzilani gwatshavbo ga Jerusalema, mu khedzani mitendrelani mu ta nyi embela mwendro saye mu na mana muthu moyo basi a tsakelago gululama ni gu gira ugo a gu lisine. Khavbo avbo, eni nyi na tsetselela Jerusalema.

Jeremiya 6:27

Gasi uwe Jeremiya, nyi gu vegide u khala mulingi nya vathu vangu, gasi uti mapimo ni mavbanyelo yawe.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Malakiya 3:3

A na khala vbavbatshi a lodza ni gu huta parata; a na agisa sanana sa Levhi a va huta gu fanana ni ndralama ni parata. Khavbo avbo, va na resa ga Pfhumu Nungungulu miningelo nya gululame.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Pedro 4:12

Sigodwa sangu, mu nga liwugi khu gu wona silingo sesi nya gulemele si mi dugelelago, nga khwatshi silo siphya nya gusamadzise mu si wonago.