Jeremiya 9:3 - Bhibhiliya Nya Guage

³ Va gu peta lidimi li fanana ni wulaho wu ghwimbidwego, gasi gu ganela malipha; va gu dzi tiyisa tigoni, aholu khandri khu lisine, kholu va gu tsakela guvivba, kha va khathali khu Eni; a ngu ganela Pfhumu Nungungulu.

Jeremiya 9:3 Iomraidhean Croise

Genesi 39:16

A di vegedza guambala gwa Josefa kala mune waye a gu wuya.

Mavingu 12:5

Makungo ya vathu nya gululame khyadi, aholu wusingalagadzi wa va nya guvivbedwa khu monyo, khwa gu kanganyisa.

Isaya 1:3

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Isaya 3:5

Va na tshanisana khu gyawe; muthu ni muthu a na wugela muthu kwawe, gyanana gi na wugela lidhota, ni muthu nya nyalidede a na wugela muthu nya guthavisege.

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Isaya 9:18

Kholu guvivba gwa gu vbisa nga nilo, wu vbisago sirangalabwa ni miba, wu vbisa ni magabi nya gukhume, gasi wutshi wu gwela vbatshani nga mapfhi.

Jeremiya 12:6

Kholu ambari ni vandriyago gumogo ni ndranga ya babe wago, avo navo va gu logovedzide; avo kamwe va ngu gu lundra na va gu gira ligwaha nya likhongolo. Ambari va gu gu sengedzela khu silo nya gumbure u nga va tumbi.

Jeremiya 22:16

Uye a di vhikela sisiwana ni vahamugi; khu magirelo yoyo, uye a di katega; khu guralo, Pfhumu Nungungulu a ngu ganela khuye, ina khandriso esi si ganedwago pwani u ngu nyiti, gani?

Jeremiya 31:34

Mwalo ni moyo a na gu hevbudzago muakelane mwendro ndriyaye, khuye: “Hevbula guti Pfhumu Nungungulu.” Kholu vatshavbo va na bani va nyiti, gukhugela vakhongolo kala sanana, kholu nyi na bani nyi tsetselede guvivba ni sighoho sawe, gima kha nyi na nga si alakanya gambe.

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 5:4

Aholu eni nyi di alakanya gukheni: Avo sisiwana basi; sipumbu, kha va yiti ndzila ya Pfhumu Nungungulu; niso si godwago khu Nungungulu wawe.

Jeremiya 5:5

Nyi na hongola ga vathangeli nyi ya bhula navo; kholu avo va ngu yiti ndzila ya Pfhumu Nungungulu, ni nayo wa Nungungulu wawe; aholu avo vatshavbo va di fanyide kanga ni gu kavila dzitshinga.

Jeremiya 6:28

Vatshavbo va bangide mihungo, sidambane; kholu avo va gu gimbila va phalalegisa milembo, myonyo yawe yi lemede kha nga sugu ni simbi.

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Jeremiya 9:5

Maganani gwawe gu mwalo lisine, va gu kanganyisana khu gyawe, avo va di hevbudza lidimi lawe gu ganela malipha; va olovede gu gira guvivba, kha va kodzi gu dzi laya.

Jeremiya 9:8

Malimi yawe sighalala si songago, khu kanani gwawe gu duga basi magana nya guvivbe; muthu ni muthu a gu dzi gira muthu nya gurule ga muthu kwawe, aholu khu monyoni gwaye a gu mu riyela milaphwi.

Ezekiyeli 8:13

Uye a di engedza gambe a nyi embela, khuye: “U nga na gu wona simbe silo nya manyala guvbindra esi va girago.”

Dhaniyeli 11:27

Vafumeli vava navo va vavili, va na bani vari ni myonyo nya guvivbe, va na khala meza mweyo, va ganela malipha, aholu malipha yawe kha ma na phasa gilo. Kholu, mahegiso gu nata khu gikhati gya sa viredwago.

Levhi 19:11

Mu nga bi, mu nga liphi, mu nga pfhadzi muthu kwanu;

Marko 8:38

Kholu oyu a khalago dzitshoni khu eni ni magana yangu vbakari nya melego yoyu nya vathu nya sibhayi ni sighohi, Mwamana wa Muthu a na mu khalela nuye dzitshoni litshigu a na wuyago na tade khu wudhumo wa Babe waye, vbakari nya dzingilozi nya guage.”

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Mithumo 24:9

Vajudha navo va di sekela magana yaye khavo khidzo kamwe a ganelago.

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

Varoma 3:13

Ngolo wawe, lithowo li tudwego, Lidimi lawe va gu li thumisa gupemba vathu. Magana yawe ma gu gamba wuhungu nya dzinyoga.

1 Vakorinto 15:34

Digani mavbanyelo nya guvivbe, vbanyani khu ndruda kha nga edzi a dzinago khidzo Nungungulu! Kholu, vbakari gwanu vomo va si mutigo Nungungulu. Nya gu ganela esi khu gufela gu mi thela dzitshoni.

Vafilipi 1:28

Mu nga khalini hwanga khu kotani ya valala vanu, kholu silo sesi ga avo, si na khala giyeyedzo nya gumbembe. Aholu, ga enu, si na khala giyeyedzo nya guvbanyiswe. Silo satshavbo sa guta khu ga Nungungulu.

2 Thimoti 3:13

Aholu, vathu va nya guvivbedwa khu monyo ni vakanyisi va gu simamisa gu gira guvivba, va kanganyisa vakwawe, bwelo khavbo va kanganyiswa.

Judha 1:3

Sigodwa sangu, eni nyi di gira tshivba nya gu mi loveleni khu mahungu nya guvbanyiswe hi gu nago gumogo nanu. Nyi di dzipwa gukheni i tshukwana nyi mi lovela olu gasi gu mi tiyiselani litungani mu li dwanago khu kotani nya gukhodwe gu ningidwego sihathwa saye kala gupindruga.

Gutuledwa 12:11

Vandriyathu va mu pade khu tshivba nya novba wa Nvutana ni wufakazi wawe nya gutimisele; kholu kha va felela guvbanya gwawe, kala va gu dzumela gufa.

Valamuli 14:17

Ngadza Samisoni, a di lila mbeli gwaye ndrani nya livbandre na mavili matshigu nya buzo. Khu guralo, khu litshigu nya livbandre na mavili a di mu ninga tshamuselo, kholu a di simama gu mu garadza. Khavbo avbo, uye a diya ninga tshamuselo va na gyawe.

Valamuli 2:10

Ni melana watshavbo wowu nuwo, wu diya dzi pata gumogo ni vababe vawe; aholu khu hwane gwawe wu di tumbuluga wumbe melana wu nga bani wu si muti Pfhumu Nungungulu, ambari ni thumo nya wadi a wu giredego va na Israyeli.

1 Samuweli 2:12

Sanana sa Eli, si diri sanana nya guvivbedwe khu monyo; si di si khathali khu Pfhumu Nungungulu;