Jeremiya 9:18 - Bhibhiliya Nya Guage

¹⁸ Va na vbiredze, vata hi embelela ndzimo nya gililo, gasi gu thega marongo khu dzikhovbeni gwathu, ni dzitshi dzathu dzi tala khu mati.”

Jeremiya 9:18 Iomraidhean Croise

Dzindzimo 119:136

Marongo ma gu goga kha nga tsongo khu mahoni gwangu, kholu vathu kha va sayisi milayo yago. Tsadh

Isaya 22:4

Khu guralo, nyi ganede, kheni: Mu nga nyi khedzi; nyi digeni nyi lila khu wuvi, mu nga zami gu nyi tangadzisa khu kotani nya gumbembiswe ga nyamahegyane wa tigoni gwangu.

Jeremiya 13:17

Mwa gumba dzumela gu yingisa, nyi naya lila gusihalani, khu kotani nya matshandza yanu; maho yangu ma na lila khu wuvi wangu watshavbo nyi vbaladza marongo, kholu tshambi wa Pfhumu Nungungulu, wu vbagedwe wu yiswa wugumbitunu.

Jeremiya 14:17

Gasi uwe, u na va embela magana yaya, khuwe: Khu mahoni gwangu gwa gu vbalaga marongo wutshigu ni mihani nyamba hegisa, kholu nyamahegyane nya likendzi wa Siyoni, a thedwe gilondra nya gikhongolo nya gimange.

Jeremiya 3:24

Gukhugela wananani gwathu, vanungungulu nya malipha va vbedzide gyuma gya vavelegi vathu, gukhugela dzinvuta ni mitshambi yawe gumogo ni sanana sawe nya sikhwathana ni esi nya sagadzyana.

Jeremiya 3:25

Dzitshoni dzi na khale lidawu lathu, hi fenengedzwa khu milandru yathu, ethu gumogo ni vababe vathu; kholu gukhugela wudzahani wathu kala na muhuno, ethu gumogo ni vababe vathu hi ghohede Pfhumu, Nungungulu wathu, gambe kha ha yingisa lito la Pfhumu Nungungulu wathu.

Jeremiya 4:20

Gupwala gusasedwa vbatshani nya gusasedwe, litigo langu latshavbo li pfhungumudwe; khu githugedza gu di khungumudwa mitshatsha ni wuthavelo wangu.

Jeremiya 6:26

Uwe nyamahegyane wa vathu vangu, ambala gilendra nya gililo, u puluwundra ngumani; womba huwa u lila ngudzu gukhwatshi, u di fedwa khu gyanana gya gimwegyo; kholu nala a na vboha khu githugedza ata hi sasela.

Jeremiya 7:29

Vbalulani ndzudzu wa hungoni gwanu mu dzudzuga hwindzo; wombani huwa ni gu lila musigomoni nya gulaphe, kholu Pfhumu Nungungulu hambanide ni gitugulwana gegi gi wusidego likhulo laye, a gi diga.

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Jeremiya 9:10

Nyi na lila khu kotani nya sigomo ni gu womba huwa ni gu embelela dzindzimo nya gililo khu kotani nya wuhaviselo wa giwulani; kholu malanga yaya ma dagarede khu luvbya, olu mwalo ni moyo a vbindrago gambe khumo; mule kha gu nga gu pwala gambe ligwaha nya mitshambi; ambari sinyoni sa damboni gumogo ni sirengo si phalalegide.

Jeremiya 9:20

Enu vanyamayi yingisani magana ya Pfhumu Nungungulu, tulani dzindzeve dzanu dzi yingise magana ma dugago khu kanani gwaye; hevbudzani gililo sanana sanu nya sagadzyana; moyo ni moyo a na hevbudze mata waye ndzimo nya gililo.

Gililo 1:2

A gu lila khu wuvi wutshigu watshavbo; marongo ma goga khu sigundruni gwaye. Vbakari nya sigodwa saye, mwalo ni moyo a mu tangadzisago, dzipari dzaye dzi vbindrugedzide dzi khala valala vaye. Guimel

Gililo 2:11

Maho yangu guvbisa khu gu lila; hefemulo wangu wa gu garadzega, monyo wangu wu vbede tshivba khu guvbisega, khu gu wona gumbembiswa ga litigo langu, kholu nya gu wona sanana, niso sa beleni si titivalago dzindzilani nya lidhoropa Lamed

Gililo 2:13

Wufakazi muni nyi na gu girelago? Nyi na gu fananisa ni mani uwe nyamahegyane wa Jerusalema? Gasi nyi na gu fananisa ni mani? Gasi gu gu tangadzisa, uwe likendzi la tsindza wa Siyoni? Gilondra gyago gikhongolo nga linene; khu mani a na gi vbodzisago? Nuni

Gililo 2:18

Myonyo yawe yi di lila ga Pfhumu, khiyo: Uwe ndzari nya lidhoropa la Siyoni, marongo yago ma na goge nga tsongo wutshigu ni mihani! Maho yago ma nga garali khu gu lila! Qof

Gililo 3:48

Marongo ma gu goga khu mahoni kha nga tsongo, khu gu wona gumbembiswa ga nyamahegyane wa tigoni gwangu. Ain

Amosi 5:16

Khu guralo, Pfhumu Nungungulu nya Tshivba Yatshavbo, uye a gu Pfhumu a ngu ganela kharati, khuye: Dzindzilani gwatshavbo gu na manega gililo, ni mitalalani va na ganela, khavo: Yowe! Yowe! Va na rana mulimi gasi guta lila, ni vatshavbo avo va kodzago gulila.

Luka 19:41

Gikhati a nga vbohago dhoropani ga Jerusalema, a li khedza gwadi, a di lila, khuye: