Jeremiya 9:12 - Bhibhiliya Nya Guage

¹² Khu mani muthu nya gugengele a yelago gu siti silo sesi? Khu mani a layidwego khu Pfhumu Nungungulu, gasi a tshamusela khuye magana yaye? Khu ginani litigo li mbembidego ni gu dagarela kha nga giwula, avbo nya gu mwalo ni muthu a vbindrago khumo?

Jeremiya 9:12 Iomraidhean Croise

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Dzindzimo 107:43

Oyu a gengedego a ngu thela kota khu silo sesi, a pimisa gwadi lihaladzo la Pfhumu Nungungulu.

Isaya 42:23

Khu mani vbakari gwanu a na pwago silo sesi? A na pwago ni gu pima iso si na gu dugelelago ga matshigu ma nga gutago?

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Jeremiya 23:16

Pfhumu Nungungulu nya Tshivba Yatshavbo a ngu ganela kharati, khuye: “Mu nga theli kota khu magana ya vaprofeti va mi embelago situmbiso nya malipha; va gu mi pwadzelani siwoniso nya myonyo yawe, yi si tigo khu ga Pfhumu Nungungulu.”

Jeremiya 23:22

Aholu nari pwani va di landrisa gugola gwangu, na va tiviside vathu magana yangu, gasi va vbindrugedze mavbanyelo yawe nya guvivbe va wuya ndzilani nya gululame.

Jeremiya 23:28

Pfhumu Nungungulu a ngu ganela kharati, khuye: “Muprofeti a lorago ndroro a na yi tshamusele, aholu uye a gu ni giningwa nya gupwe magana yangu a na ma huwelele khu gutumbega. Khu ginani mu pfangago muru ni sivbila?”

Jeremiya 9:20

Enu vanyamayi yingisani magana ya Pfhumu Nungungulu, tulani dzindzeve dzanu dzi yingise magana ma dugago khu kanani gwaye; hevbudzani gililo sanana sanu nya sagadzyana; moyo ni moyo a na hevbudze mata waye ndzimo nya gililo.

Ezekiyeli 14:23

“Mu na tangala khu gu wona dzindzila dzawe ni mithumo yawe; khu guralo, mu na khodwa gukhenu satshavbo nyi giridego mule, khandri nyi di gira mahala. A ngu ganela Pfhumu Nungungulu.”

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Hoseya 4:10

Va na hodza, aholu kha va na khura, va na dzi ningela muwubhayini, gambe kha va na velegelana va andra, kholu va digile gu khedza Pfhumu Nungungulu.

Joyele 1:11

Valimi va va vbede tshivba, va yali nya miuvha va womba huwa khu kotani nya tirigu ni mala, kholu dzimbewu dza mahangeni dzi fuvisidwe.

Sofoniya 3:6

Nyi mbembiside mayigo, nyi thesela vbavbatshi makhokhola yawe, nyi vbindrugedzide dzindzila dzawe dzi khala giwula. Avbo nya gu, ni muthu a si vbindri khumo; madhoropa yawe ma khungumuledwe, kala a si manegi ni muthu a vbanyago umo.

Matewu 24:15

“Khu kharato, mwa gu wona manyala nya guthavise, ma thudwago khu muprofeti Dhaniyeli na ma romo vbawulangatunu nya gukatege, uye a hevbulago a na si pimise gwadi,

Dhewuteronome 32:29

Naripwani avo va diri vathu nya guti, na va si pimide, va di hadza gu alakanya mahegiso yawe.

Gutuledwa 1:3

Kategide wule a hevbulago libhuku leli; ni vale vapwago magana yaya nya wuprofeti, va ma vegedza myonyoni gwawe silo si lovidwego, kholu satshavbo sesi, somo vbafuvbi nya gugirege.