Jeremiya 9:11 - Bhibhiliya Nya Guage

¹¹ Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Jeremiya 9:11 Iomraidhean Croise

Nehemiya 4:2

A di ganela mbeli ga vandriyaye ni ga masotshwa ya Samariya, khuye: “Ginani si girago sisiwana sesi nya Vajudha? Ina hi va diga va gira esi gani? Olu va girago miphaso, va na li wusa khu litshigu limwedo, gani? Ina va na wusa siwindri sesi si khadego litala nya nguma khu gu vbiswa, gani?”

Dzindzimo 107:43

Oyu a gengedego a ngu thela kota khu silo sesi, a pimisa gwadi lihaladzo la Pfhumu Nungungulu.

Dzindzimo 44:19

gasi gu hi pfara avbo yi vbanyago migehe, u hi fenengedza khu gidema nya lufu.

Dzindzimo 79:1

Uwe Nungungulu, tigoni gwago gu bede va nya mayigo va nyenyezisa nyumba yago nya guage, lidhoropa la Jerusalema va li giride marumbi.

Isaya 13:22

Dzinyumbani gwawe nya wufumu, gu na emba migehe, makhokholani gwawe, gu na emba vanyadugwi; gikhati gyawe gyomo vbafuvbi ni gu vboha, ni matshigu yawe ma rode.”

Isaya 25:2

U giride lidhoropa, li khala litala nya siwindri, ni lidhoropa nya likhokhola, u li pfhungumudwe li khala marumbi, lidhoropa nya gutiye la va nya mayigo, li thegide, khandri lidhoropa gambe, gima kha li na wusedzwa gambe.

Isaya 34:13

Dzinyumbani gwawe nya wufumu gu na buga miba, ni makhokholani gwawe gu na buga sirangalabwa ni maheho; gu na khala gambe wuvbanyelo nya masolwa ni dzimbowa.

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Jeremiya 1:15

Khu guralo, nyi na ramba mahundzu yatshavbo nya mifumo ya Wuronga, a ngu ganela Pfhumu Nungungulu. Mufumo ni mufumo a nata vega gikhalo gyaye nya wufumu dzinyangwani ga Jerusalema, gasi gu wugela mabhiyo ma bhiyidego madhoropa yatshavbo ya Judha.

Jeremiya 10:22

Yingisani! Gupwala ligwaha nya likhongolo litago khu Wuronga, gasi guta sasela madhoropa ya Judha ma khala giwula, ma vbindrugedza ma khala mavbala nya migehe.

Jeremiya 16:10

Aholu gikhati u na va tivisago mahungu yaya yatshavbo, va gu wudzisa, khavo: Gasi khu ginani Pfhumu Nungungulu a fungidego khu gu hi tsayisa khu dzimhango dzedzi? Gasi gighoho muni hi ghohedego Pfhumu Nungungulu wathu?

Jeremiya 25:11

Tigoni momu gwatshavbo gu na vbindrugedza gu khala giwula ni gisamadziso; mayigwana yaya, ma na thumela mufumeli wa Bhabhiloni gipimo nya livbandre na mavili magumi myaga.

Jeremiya 25:18

Jerusalema, madhoropa ya Judha, vafumeli ni manganagana yawe, gasi nyi va gira marumbi, ni gisamadziso, gihegiso ni givalo kha nga mu si wonago muhuno;

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 26:9

Khu ginani u profetago khu lina la Pfhumu Nungungulu, khuwe: Ndranga yeyi yi na fanana ni Silo, ni lidhoropa leli li na khala marumbi nyamba khadwa khu vathu?” Vathu vatshavbo va nga bani vari Nyumbani ga Nungungulu va di randrela Jeremiya.

Jeremiya 34:22

Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Jeremiya 4:27

Kholu Pfhumu Nungungulu a ngu ganela kharati, khuye: Litigo latshavbo li na pfhungumudwa li khala giwula; aholu kha nyi na li mbembisela muphelo.

Jeremiya 44:2

“Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu mu si wone idzo nyi nga tsayisago khidzo Jerusalema gumogo ni madhoropa yatshavbo ya na Judha; ayo ma khade muhuno marumbi nyamba khadwa gambe khu muthu;

Jeremiya 49:33

Lidhoropa la Hazori li na vbindrugedza li khala liphala nya migehe, gikhati gyatshavbo li na bani liri marumbi; mwalo a na vbahago umo, ambari gu khadwa khu vathu.

Jeremiya 50:3

Kholu, litigo li dugelago Wuronga, li nguta guta sasela litigo lawe, li na li vbindrugedza li khala marumbi; vathu ni sirengo sawe, vatshavbo va na tutuma va thava.

Jeremiya 51:37

Bhabhiloni a na vbindrugedza a khala litala nya siwindri umo yi na vbanyelago umo migehe, gilo nya gisamadziso ni gihegiso, wulanga wu si khadwigo khu muthu.

Jeremiya 8:22

Gasi Gileyadhi mwalo gambe mafura nya gugondredzele khayo, gani? Ina gu mwalo gambe nyanga iyoyo, gani? Khu ginani gu ngamba vbodziswa gilondra gya vathu vangu?

Gililo 1:4

Dzindzila nya guhongole Siyoni dzomo gililoni; Mwalo ni moyo atago ga mibuzo yaye, myanya yaye yi pfhungumudwe, vaphasi vaye nya mhamba va gu tsikwila khu marongo, vanyamahegyane vaye va gu tshaniseka, uye mune wurumba tade khu wuvi. He

Gililo 2:2

Pfhumu kha gira gisiro khu dzinyumba dzatshavbo dza Jakobe. Khu kotani nya likhulo laye, khungumude makhokhola ya nyamahegyane wa Judha, a ma thesa vbavbatshi; a poyila mifumo ni manganagana aye. Guimel

Gililo 3:47

va hi thela hwanga va hi mola khu milaphwi, va hi mbembisa hi fuva.

Levhi 26:32

Nyi na ghohetela litigo leli, valala vanu va nata khalago umo, va na liwuga ni gu samala.

Mikeya 1:6

Khu guralo, nyi na gira gu Samariya a khala litala nya siwindri sa khabini, wulanga nya gu yale misimbo nya vhinya; siwindri saye si na thindriligela kovani, kala nyi tugula giseketelo gyaye.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Dhewuteronome 29:23

Va na wona litigo latshavbo na li vbisidwe khu nilo nya sulufa ni munyu, nyamba dzumela gu yadwa gilo, mwendro gu buga gilo ambari gu manega ni mwasi, kha nga iso si giregidego gukhungumudwani gwa Sodhoma ni Ghomora, Adhimani ni Zebhoyimi, madhoropa ma khungumudwego khu kotani nya likhulo la Pfhumu Nungungulu.

Gutuledwa 18:2

Yi di huwata khu tshivba khu lito nya gukhugege, khiyo: “Thegide! Thegide Bhabhiloni nya khongolo, gu vbindrugedzide gu khala wulanga nya madhimoni, phago nya maphuvbo yatshavbo nya guvivbe, ni wuthavelo nya sinyoni satshavbo nya gunyenyeze, si vengegago.