Jeremiya 8:15 - Bhibhiliya Nya Guage

¹⁵ Hi di gu lirela gukhethu hi na mana gurula, aholu kha ha mana gilo nya gutsakise; hi di khethu hi na mana gikhati nya gu vbodzisedwe, aholu hi di wona wughevenga.

Jeremiya 8:15 Iomraidhean Croise

Joba 30:26

Nyi di gu khevisela silo nya sadi, gambe nyi dugeledwa khu dzimhango, nyi di gu lirela wenengedzo, gu dita gidema.

Jeremiya 12:12

Vapfhungumuli va dita khu malangani yatshavbo nya sigomo ni ya giwulani; kholu litshari la Pfhumu Nungungulu li na vbiyela litigo leli gukhugela mahegiso kala mambe mahegiso nya litigo; mwalo ni moyo a na manago gurula.

Jeremiya 14:19

Ina va na Judha u va digede muphelo, gani? Ina kamwe monyo wago wa gu swihala khu Siyoni, gani? Khu ginani u hi podego dzimbanga dzi si vboligo, na? Ha gu lindrela gurula, aholu gimwalo nya gyadi hi gi wonago; Ha gu khedzisela gikhati nya guvbanyiswe, aholu ha guta mana wuvi.

Jeremiya 4:10

Khavbo avbo, eni nyi di ganela, kheni: “Ah! Pfhumu Nungungulu! Khu lisine U kanganyiside vathu vava gumogo ni Jerusalema, khuwe: Va na mana gurula; nga wona olu matshari ma va payago kala vbamonyotunu.”

Jeremiya 6:25

U nga dugi uya mahangeni ambari gu gimbila khu dzindzila, kholu nala a na ni litshari, malangani yatshavbo gu pwala dzihuwa.

Jeremiya 8:11

Thumo nya guvbodzise dzimbanga dza vathu vangu va di wu gira kha nga thumo nya wudugwane, na va gu ganela, khavo: “Gurude, gurude;” nari gu gumwalo gurula.

Ezekiyeli 7:25

Litshigu nya sigaradzo, avo va na vbweta gurula, aholu kha va na gu mana.

Mikeya 1:12

Kholu vathu va vbanyago Maroti vomo guvbisegani nya gukhongolo ngudzu na va gu lirela guvbanyiswa, aholu kha va na gu mana; kholu libango leli li rumedwe khu Pfhumu Nungungulu, li vboha kala vbanyangwatunu ga Jerusalema.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.