Jeremiya 8:11 - Bhibhiliya Nya Guage

¹¹ Thumo nya guvbodzise dzimbanga dza vathu vangu va di wu gira kha nga thumo nya wudugwane, na va gu ganela, khavo: “Gurude, gurude;” nari gu gumwalo gurula.

Jeremiya 8:11 Iomraidhean Croise

1 Dzipfhumu 22:13

Mwango wu nga rumedwago guya rana Mikeya, wu di mu embela kharati, khuwo: “Wona nya gukhuwe vaprofeti vatshavbo va ganede lito limwedo, nya tshivba nya gupale ga mufumeli. Magana yago ma na khale kha nga aya yawe, u tivisa nuwe mahungu nya yadi.”

1 Dzipfhumu 22:6

Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

Jeremiya 14:13

Khavbo avbo, eni nyi di mu phindrula, kheni: “Oh! Pfhumu Nungungulu, wona nya gukhuwe vaprofeti va gu va embela, gukhavo: Gima kha mu na sasedwa khu matshari, ni gu wona ndzala; aholu a na mi resela gurula nya gutiye wulangani wowu.”

Jeremiya 23:17

Va gu simama va embela vale va bombago magana yangu, khavo: Pfhumu Nungungulu a ngu ganela, khuye: Mu na khalega khu gurula; va tiyisa gambe vale va si khathaligo khu magana yaye, khavo: “Li mwalo libango li na gu mi dugelelago.”

Jeremiya 6:14

Kha va khathali khu gu vbodzisa dzimbanga dza vathu vangu na va gu ganela, khavo: Satshavbo si ngu gimbila gwadi! Gomo gurula! Gurula! Aholu gurula na guri mwalo.

Jeremiya 8:15

Hi di gu lirela gukhethu hi na mana gurula, aholu kha ha mana gilo nya gutsakise; hi di khethu hi na mana gikhati nya gu vbodzisedwe, aholu hi di wona wughevenga.

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.