Jeremiya 7:9 - Bhibhiliya Nya Guage

⁹ Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Jeremiya 7:9 Iomraidhean Croise

1 Dzipfhumu 18:21

Eliya a di hidzimela a ema mbeli ga vathu vatshavbo, khuye: “Kala lini mu na ndzodolago khu mipimiso mivili? Pfhumu a gu bani ari uye, mu landreleni; aholu, a gu bani nari Bhahali, landrelani uye.” Aholu, vathu kha va nga mu hakha.

Ekisodha 20:3

U nga manegi nuri ni vambe vanungungulu mbeli gwangu.

Isaya 1:13

Mu nga simami gu nyi reselani gambe miningelo yanu nyamba phasa gilo; kholu libani lanu, li ngu nyi nyenyeza, ni Mibuzo nya Gumege Ngima gambe, ni dzisabhadho, ni mitshangano nya yikhongolo; nyi garade khu guvivba gwanu, ambari khu mimbe mitshangano mu girago.

Isaya 58:2

Ambari khu guralo, khu litshigu ni litshigu li gyago, va gu nyi vbweta, gambe va gu yeyedza gugola guti dzindzila dzangu; kha nga vathu va girago gululama, va ngamba diga nayo wa Nungungulu wawe, va nyi lomba gu va yeyedza ndzila nya gululame, gambe va na ni ligolo ni Nungungulu.

Jeremiya 1:16

Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 11:13

Uwe Judha, tengo nya vanungungulu vago wungi ngudzu; va ninganago ni madhoropa yago, gukhedza khu tengo nya dzindzila dza Jerusalema, mu emiside siluvelo nya dzitshoni mu vbisela avbo libani Bhahali.

Jeremiya 11:17

Kholu Pfhumu Nungungulu nya Tshivba Yatshavbo, Uye a gu yadego a tiviside gu gu resela mhango khu kotani nya sighoho si giridwego khu ndranga ya Israyeli ni ya Judha, kholu mu nyi wusede likhulo khu gu vbisela libani Bhahali.

Jeremiya 13:10

Vathu vava nya guvivbedwe khu monyo, va si dzumeligo gu yingisa magana yangu, va gimbilago khu dzindzila dzi godwago khu myonyo yawe, ni gu landrisela vanungungulu nya valombo, va va khozela ni gu va thumela, va noga mbeli gwawe, va na fanana ni libhandri leli li si phasigo gilo.

Jeremiya 18:15

Kholu vathu vangu va nyi divade, vaya vbisela libani vanungungulu nya sifananiso; si va tshunganisa ndzilani gwawe va thega va diga ndzila yawe ya gale, gasi va ndreya va gimbila khu dzindzila dza khabini nyamba lulama;

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 32:29

Vakalidhiya va saselago lidhoropa leli va na bela umo va li vbisa khu nilo, va na vbisa ni dzinyumba edzi va na Israyeli va nga wusa khidzo likhulo langu khu gu lita khu vbatshani nya sikoli va vbisa libani gasi gu girela dzimhamba Bhahali ni gu ninga miphaso nya wadwa vambe vanungungulu nya malipha.

Jeremiya 44:3

khu kotani nya wuvivbi va giridego va wusa likhulo langu, khu gu vbisela libani ni gu khozela vambe vanungungulu, va si vatigo, avo ambari vababe vawe va ngamba vati.

Jeremiya 44:8

Khu ginani mu wusago likhulo langu khiso mu girago, nya guvbisele libani vambe vanungungulu tigoni ga Egipito, umo mu dzudego guta vbanya umo? Khu ginani mu dzi vangedego lufu, avbo mayigo yatshavbo ma mi wonago kha nga gilo nya gihegiso ni givalo mbeli gwawe.

Jeremiya 44:9

Gasi mu di divaledwa khu sighoho si giridwego khu vababe vanu, ni guvivba gu giridwego khu vafumeli va Judha, ni guvivba ga vanyamayi nugo ga vagadzi vanu va gu giridego tigoni gwa Judha ni dzindzilani dza Jerusalema, gani?

Jeremiya 48:35

Nyi na fuvisa va na Mowabhi, a ngu ganela Pfhumu Nungungulu vale va gwelago musigomoni gasi guya gira dzimhamba ni gu vbisela libani vanungungulu vawe.

Jeremiya 5:2

Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Jeremiya 5:7

Nyi na dzi kodza kharini gu gu divalela na nyi gu wona esi? Kholu sanana sago si nyi digide, va sambanya khu avo va gu siri vanungungulu; hwane nya gubani nyi mi ningide siningwa nya gutale, kha mwa tumbega, mu di tadzani migondro dzinyumbani nya maphuphulu mu ya tshangana iyoyo;

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Ezekiyeli 18:18

Aholu babe waye, khuye a nafago khu kotani nya guvivba a gu giridego, kholu tshaniside ni guba dzithomba dza vandriyaye, ni gu gira ugo nyamba yela vbakari ga vathu vaye.

Ezekiyeli 20:30

Khu guralo, ganela u embela va na Israyeli, khuwe: Mune, Pfhumu Nungungulu a ngu ganela kharati, khuye: Ina enu khandri mwa gu dzi nyenyezisa gu fanana ni edzi va dzi nyenyezisidego khidzo vababe vanu, gani? Khandri mwa gu namarela ga sifananiso sawe nya gunyenyeze, gani?

Ezekiyeli 23:39

Ga litshigu la limwedo va nga bani va gu phasela sanana sawe ga sifananiso sawe, avo va di gu bela nyumbani gwangu nya miphaso va gu nyenyezisa. Khiso va giridego nyumbani gwangu.

Ezekiyeli 5:11

Khu guralo, Mune, Pfhumu Nungungulu, a ngu ganela kharati, khuye: Nyi ngu sambanya khu guvbanya gwangu, khu kotani nya olu u nyenyezisidego Nyumba yangu nya miphaso khu sifananiso sago satshavbo nya gunyenyeze ni mithumo nya guvivbe, eni nyi na dusa gwago gikategiso gyangu. Kha nyi na gu khedza khu maho nya wuhindzi, gambe kha nyi na gu pwela gisiro.

Hoseya 2:13

Nyi na mu tsayisa khu kotani nya olu uye a nga girago matshigu nya khuwo nya guvbisele libani Vabhahali a dzi mburisela khu dziphera ni wulungu, a landrisela sibhayi saye aholu a divaledwa khu eni, a ngu ganela Pfhumu Nungungulu.

Hoseya 6:9

Vaphasi nya mhamba va gu fanana ni sighevenga, si sihalelago vathu, si va songa ndzilani ga Sikemi; mithumo yawe khya gunyenyeza ni wughevenga.

Amosi 4:5

Ningelani miphaselo nya gubonge khu sibaba nya guthedwe mela, mu huwelela khu miphaso yanu nya guningele khu gugola; kholu khiso enu, sanana sa Israyeli, khiso mu si golago, a ngu ganela Pfhumu Nungungulu.

Sofoniya 1:5

Nyi na fuvisa ni avo va litago vbatshani nya dzilangwe, vaya khidzima gasi gu khozela sivangwa sa damboni; ni vale va nogago va sambanya khu lina la Pfhumu Nungungulu, aholu na va gu sambanya gambe khu lina la Malikani

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Varoma 2:2

Hi ngu dziti gwadi gukhethu Nungungulu kha hosisi a gu lamula a ninga nandru muthu a vbanyago khu mavbanyelo nya nga ayoyo.

Dhewuteronome 32:17

Va phasede mandriki ni maphuvbo nya guvivbe a si gu nungungulu, ni vanungungulu va si vatigo, vanungungulu nya vaphya va gu ngari gu vboha, va ngamba khozedwa khu vababe vanu.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.

Valamuli 5:8

Avbo va na Israyeli, va nga bani va vbweta vambe vanungungulu, nyimbi yi di bela dzinyangwani gwawe, gu di si manegi gitshangu mwendro litshari, vbakari nya magumana magumi mazana (40. 000) ya Israyeli.