Jeremiya 7:7 - Bhibhiliya Nya Guage

⁷ Khu guralo, nyi na mi girani mu khala ga wulanga wowu, tigoni momu nyi ningidego vababe vanu, gukhugela matshiguni ya gale kala gupindruga.

Jeremiya 7:7 Iomraidhean Croise

2 Dzikoronika 33:8

Gima kha nyi na dusa gambe migondro ya Israyeli ga litigo leli nyi li hathidego gu khala la vababe vanu; va gu thela kota khu gu landrisa sileletelo nyi va embedego, va gu sayisa milayo yatshavbo, ni sihevbudzo ni sileletelo nyi va ningidego khu mandzani ga Mosi.”

Ekisodha 22:22

Mu nga tshanisi noni mwendro khulungu.

Isaya 1:19

Mwa gu bani mu dzi emisede gu nyi yingisa, mu na hodza nya sadi sa tigoni momu.

Jeremiya 25:5

avbo va nga bani va mi embela, khavo: Olu, vbindrugedzani mavbanyelo, muthu ni muthu a diga ndzila yaye nyamba yadi ni mithumo yaye nya guvivbe, gasi mu kodze gu khala ga litigo Pfhumu Nungungulu a ningidego enu ni vababe vanu, gukhugela matshiguni ya gale kala gupindruga.

Jeremiya 26:13

Gasi olu, vbindrugedzani mavbanyelo yanu ni sigiro sanu mu yingisani lito la Pfhumu Nungungulu wanu; khavbo uye a na gu bweledzago tsayiso a wu ganedego khu kotani yanu.

Jeremiya 3:18

Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 4:1

Pfhumu Nungungulu a ngu ganela, khuye: Wa gu vbindrugedza mavbanyelo uwe Israyeli, u na wuya avbo gwangu. Wa gu ndreyisa mbeli gwangu manyala yago, khu na legalega gambe,

Sofoniya 3:7

Eni nyi di, kheni: Khu lisine, olu mu na nyi ninga githawo; mu dzumela gulaywa; khu kharato ndranga yanu ya sa mbembiswa, kha nga idzo nyi nga bani nyi na hungide khidzo, aholu avo va di vindrugela guwuga ni dzimindru va gu ghohetela sigiro sawe.

Dhewuteronome 4:40

Khu guralo, vegedza milayo yaye ni sileletelo saye nyi gu leletelago muhuno, gasi si kodza gu gu dugela gwadi uwe gumogo ni sanana sago hwane gwago, ni gasi u engedzedwa matshigu yago tigoni mule Pfhumu Nungungulu wago, a na gu ningago kala gupindruga.”