Jeremiya 6:6 - Bhibhiliya Nya Guage

⁶ Kholu Pfhumu Nungungulu nya Tshivba Yatshavbo a ngu ganela, khuye: Pilani matamo nya misimbo yawe mu gira khayo laba nya gu bhiye Jerusalema. Kholu eli lidhoropa nya malipha, li tadego khu wukanganyisi.

Jeremiya 6:6 Iomraidhean Croise

Isaya 37:33

Kholu Pfhumu Nungungulu a ngu ganela kharati khu mahungu ya mufumeli wa Asiriya, khuye: “Uye kha na bela dhoropani momu, ambari gu rinya ni giholoma gimwegyo, gambe kha na hidzimela vbafuvbi gwaye ni gitshangu, ambari gu wungedzela mafu vbandzaritunu a lita khavbo.”

Jeremiya 20:8

Kholu gikhati gyatshavbo nyi ganelago nya gu keta ni gu womba huwa, kheni: “Wusaseli ni gu pfhungumudwa! Kholu magana ya Pfhumu Nungungulu ma khade gihegiso gwangu ni tshanisa matshigu yatshavbo!”

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Jeremiya 32:24

Wona nya gukhuwe dzitshivba nya dzinyimbi ya valala dzi emide gasi gu dhumela lidhoropa dzi li wandra; olu lidhoropa leli li na ningedwa mandzani ga Vakalidhiya, gasi va li sasela khu matshari, ndzala ni mitungu. Iso u si ganedego si ngu tadzisega, kha nga u si wonago.

Jeremiya 32:31

Kholu gukhugela litshigu li phedwego gu vbahwa lidhoropa leli kala na muhuno, va nyi goroside va wusa likhulo langu nya likhongolo, khu guralo, Eni nyi na li dusa mbeli gwangu.

Jeremiya 33:4

Kholu Pfhumu Nungungulu wa Israyeli, a ngu ganela kharati khu kotani nya dzinyumba dza dhoropani momu, ni kotani nya dzinyumba dza vafumeli va Judha, dzi nga khungumudwago khu gu fela gu gira mabhiyo nya gu dzi vhikele gusasedwa khu matshari.

Jeremiya 39:1

Khu mwaga nya livbandre na wu na nya gufume ga Zedhekiya, khu ngima nya likhumi, a dita Nabhukodhonosori, mufumeli wa Bhabhiloni, gumogo ni masotshwa yaye yatshavbo, ata dhumela Jerusalema ni gu li randrela.

Jeremiya 5:29

Ina kha nyi yeli gu tsayisa silo sesi, gani? A ngu ganela Pfhumu Nungungulu; ina kha nyi yeli gu dzi phodzela ga vathu nya nga ava, gani?

Jeremiya 5:9

Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Ezekiyeli 4:2

U gira giyeyedzo nya gukhuwe lidhoropa leli li randredwe khu valala; u wungedzela mafu nya gulite khavbo vbalikhokholatunu nya lidhoropa u vega mazumbo, u emisa gambe madingo nya gukhungumule khayo, ma dzundruluga lidhoropa.

Ezekiyeli 5:5

Mune Pfhumu Nungungulu, a ngu ganela kharati, khuye: “Eli khu lidhoropa la Jerusalema; nyi li vegidego vbakari nya vathu ni mayigo nya vaakelane vaye.

Dhaniyeli 11:15

Mufumeli wa Wuronga a nata randrela lidhoropa a wungedzela mafu ma khala sigomo nya gulite khumo a sasela lidhoropa nya likhokhola. Masotshwa ya Marandzi ma nata zama gu dwana, aholu kha va na dugelela; ambari na va hathede dzindrena dza tigoni gwawe vata nadzo, kha va na ngata mana tshivba nya gupale.

Sofoniya 3:1

Libango ga lidhoropa nya wuwugeli, nya gutale khu manyala ni dzihanyi!

Luka 19:43

Ma na vboha matshigu u na gu randredwago khu valala vago, va gu randrela khu maphuvbo yatshavbo.