Jeremiya 52:6 - Bhibhiliya Nya Guage

⁶ Khu litshigu nya livbandre na mana nya ngima nya wu na, gu di manega ndzala nya yikhongolo dhoropani, avbo vathu vatshavbo va tigoni va nga hamugago gilo nya guhodze,

Jeremiya 52:6 Iomraidhean Croise

2 Dzipfhumu 25:3

Khu litshigu nya livbandre na mana nya ngima nya wu na, ndzala yi di tshinga ngudzu dhoropani, vathu va di hamuga guhodza.

Isaya 3:1

Kholu, wonani nya gukhenu: Mune, Pfhumu Nungungulu Nya Tshivba Yatshavbo, a na wandrela Jerusalema ni Judha iso si va vbanyisago ni siseketelo satshavbo, a na va dzegela guhodza gwawe gwatshavbo ni mati nya gusele.

Jeremiya 15:2

Va gu gu wudzisa, khavo: Hi naya hayi? U na va embela, khuwe: Pfhumu Nungungulu a ngu ganela kharati, khuye: Avo va lumbwago khu gufa, va naya gufani; avo va lumbwago gu songwa khu matshari, va na songwa khu matshari; avo va lumbwago gufa khu ndzala, va nafa khu ndzala; ni vale va lumbago gu yiswa wugumbitunu, va na yiswa iyoyo.

Jeremiya 19:9

“Nyi na va ninga va hodza nyama nya sanana sawe nya sikhwathana ni sagadzyana, moyo ni moyo a na hodza nyama ya muakelane waye khu kotani nya ndzala, khu gu randredwa khu valala vawe gasi va songwa.”

Jeremiya 21:9

Avo va na tshalago dhoropani momu, va na songwa khu matshari, ndzala mwendro tungu; aholu avo va na guya dzi ningelago ga Vakalidhiya, va mi randredego, va na vbanyisa womi wawe.

Jeremiya 25:10

Nyi na degudza mikulungwane yawe nya litsako ni gunengela, ni malito ya vadzegani kha ma na pwala, ni ligwaha nya gitshindro ni safa nya kandriya.

Jeremiya 37:21

Khavbo avbo, mufumeli Zedhekiya a di leletela gukhuye, Jeremiya a khothedwa hubheni nya dzighadhi, gasi khu litshigu ni litshigu a ningwe gibaba nya guningwe khavo va vawulago, kala dhoropani gwatshavbo gu vbela sibaba. Khu kharati, Jeremiya a di khala hubheni nya dzighadhi.

Jeremiya 38:9

“Ama mufumeli, ni mune wangu, vama vava kha va gira silo nya sadi khiso va nga girelago muprofeti Jeremiya. Avo va di mu rinya namboni; khu lisine uye a nafa khu ndzala wulangani a guromo, kholu dhoropani gumwalo gambe sibaba.”

Jeremiya 39:2

Khu litshigu nya livbandre na mana, nya ngima nya wu na, nya mwaga nya likhumi na moyo nya gufume ga Zedhekiya, gu di tudwa gihogo vbalibhiyotunu nya lidhoropa.

Gililo 1:11

Vathu vaye vatshavbo va gu keta khu gu vbweta guhodza. Va rengisede dzithomba dzawe gasi gu renga guhodza va vbanye. “Nyi wone, Pfhumu Nungungulu, nyi khade muthu nya gusolege!” Lamed

Gililo 5:10

Tshonge yathu ya guvbisa nga gikho, khu kotani nya wuvi nya ndzala.

Ezekiyeli 14:13

“Mwamana wa muthu, litigo nya gukari la gu nyi ghohela khu gumba tumbega, nyi na thawuludza libogo langu nyi li dzegela guhodza, nyi li rumela ndzala, nyi songetela vathu vaye gumogo ni sirengo saye.”

Ezekiyeli 14:21

Kholu Mune Pfhumu Nungungulu a ngu ganela kharati, khuye: “Ahati nya gu rumela sitsayiso sangu nya sina dhoropani ga Jerusalema, a gu nyimbi, ndzala, sirengo nya wurena ni mitungu, gasi guya songetela vathu vaye gumogo ni sifuyo sawe!”

Ezekiyeli 31:1

Khu litshigu nya guhegule, nya ngima nya wuraru, nya mwaga nya likhumi na moyo, Pfhumu Nungungulu a di nyi embela, khuye:

Ezekiyeli 5:16

Gikhati nyi na gu khwandrelago sighalala sangu nya guthise nya ndzala, iso nyi na gu si rumelago gasi guta mi mbembisa, nyi na engedzela ndzala yi dandra bwelo khavbo gu si manegi guhodza.

Ezekiyeli 7:15

Vbavbandze yomo nyimbi, ndrani womo tungu ni ndzala; vale va guromo vbavbandze nya lidhoropa, va nafa khu matshari, vale va na gu bani varomo dhoropani, va nafa khu tungu ni ndzala.

Levhi 26:26

Vbavbandze nya isoso, nyi na mi vbungulela guhodza gwanu, avbo nya gu likhumi vanyamayi va na phula guhodza khu khali mweyo muya khu gupimedwa; mu na hodzani, aholu kha mu na khura.

Zakariya 8:19

Pfhumu Nungungulu nya Tshivba Yatshavbo a ngu ganela kharati, khuye: “Guhala nya ngima nya wu na mwendro nya livbandre, nya livbandre na mivili ni owu nya likhumi, gu na vbindrugedza gu khala matshigu nya gutale khu gunengela, buzo nya gutsake ga vathu va Judha. Khu guralo golani lisine ni gurula.”

Dhewuteronome 32:24

Va na mbemba khu ndzala, ni gu hodzwa khu dzingumbe ni mitungu nya guvbise, nyi na va rumela magwaha nya sirengo nya likhabi, ni wuhungu nya gusonge nya sirengwanana nya gukhwirire khu lididi.