Jeremiya 51:11 - Bhibhiliya Nya Guage

¹¹ Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso

Jeremiya 51:11 Iomraidhean Croise

1 Dzipfhumu 11:14

Pfhumu Nungungulu a di rumela nala ga Solomoni, a gu Hadhadhi Muedhomi, a nga bani ari wa lihundzu la mufumeli wa Edhomi.

1 Dzipfhumu 11:23

Nungungulu a di wusa gambe mumbe nala wa Solomoni, Razomi, mwamana wa Eliyadha, a nga bani na tutumide a thava mune waye Hadhadhezeri, mufumeli wa Zobha.

1 Dzikoronika 5:26

Avbo Nungungulu wa Israyeli a nga kutsedzelago liphuvbo la Puli, mufumeli wa Asiriya, gumogo ni liphuvbo la Tigelati-Pileseri, mufumeli wa Asiriya, gu mola va na Rubheni, va na Gadhi ni gipandre nya lihundzu la na Manasi a va yisa Hala, Habhori ni Hara ni tsongoni wa Gozani, a va vbagela a va gira dzikhumbi umo va vbahidego umo kala na muhuno.

2 Dzikoronika 36:22

Aholu khu mwaga nya guphele nya gufume ga Kiro, mufumeli wa Perisiya, (gasi gu tadzisega magana ya Pfhumu Nungungulu, ma nga dugago khu kanani ga Jeremiya), Pfhumu Nungungulu a di khendzugisa Kiro, mufumeli wa Perisiya, a gimbila a huwelela mufumoni gwaye gwatshavbo, bwelo khavbo a lova ni khwepa a ganela, khuye:

Ezira 1:1

Khu mwaga nya guhegule nya gufume ga Kiro, mufumeli wa Perisiya (gasi gu tadzisega magana ya Pfhumu Nungungulu, ma nga dugago khu kanani ga muprofeti Jeremiya). Pfhumu Nungungulu a di khendzugisa liphuvbo la Kiro, mufumeli wa Perisiya, a huwelela tigoni gwaye gwatshavbo bwelo khavbo a lova khu khwepa a ganela, khuye:

Isaya 10:26

Kholu, Pfhumu Nungungulu nya Tshivba Yatshavbo a na khusedza gisephu gyaye vbatshani gwawe, a va veta kha nga edzi a vetidego khidzo Vamedhiyani vbagiwindritunu ga Horebhi; a na khusa ndronga yaye a veta yiphwa, kha nga edzi a giredego Vagipiti.

Isaya 21:2

Gu dita gwangu giwoniso nya gusamadzise ngudzu gi ta nyi embela, khigyo: “Mukanganyisi a ngu kanganyisa, ni muphangi a ngu phanga. Enu va na Elamo indrani mu ya dwana, enu Vamedhiyani, randrelani lidhoropa; dzihuwa dzawe dzatshavbo nyi ngu dzi vbedza.

Isaya 21:5

Va ngu dongisela meza, va ladza malawu va hodza, va sela. Enu vathangeli nya dzinyimbi, khugani mu eme, dongiselani sitshangu.”

Isaya 41:25

Nyi ranide mumbe muthu, khu Wuronga; a nata, khu Khugadambo, uye a na rungudza lina langu; a na gandredzela vafumeli kha nga maraga; kha nga muwumbi a gandredzelago libumba, a na va gandredzela kharato.

Isaya 45:1

Pfhumu Nungungulu a ngu ganela ga Kiro, a mu todzidego khu mafura, uye a mu pharide khu libogo laye la nyamudye, a mu ninga tshivba gasi a pala mayigo mbeli gwaye, nyi na thela hwanga vafumeli gasi va tule malimba nya lidhoropa, nyamba segwa gambe.

Isaya 45:5

Eni kheni Pfhumu Nungungulu, vbavbandze gwangu, mwalo mumbe Nungungulu Eni nyi na gu tiyisa, ambari olu u si nyitigo,

Isaya 46:11

Nyi ngu rana lighama khu Khugadambo, khu tigoni ga hwindzo, nyi rana muthu a na ta landrisago guhaladza gwangu, kholu nyi mu embede kharato, gambe si na girega; nyi si hungide, gambe si na girega.

Jeremiya 25:25

ni vafumeli vatshavbo va Ziniri, ni vafumeli vatshavbo va Elamo ni vafumeli vatshavbo va Medhi;

Jeremiya 46:3

Dongiselani sitshangu, enu vakhongolo ni sanana, muya nyimbitunu!

Jeremiya 46:4

Thelani sighwabhata dzikavalu mu khilele, enu vakhileli mu folani! Lodzani matshari ni gu ambala sihugu! Ambalani sivhikelo sanu vbakhanatunu.

Jeremiya 46:9

Enu dzikavalu, kirigani! Enu dzikareta nya nyimbi thelani mazambo! Thangani mbeli enu dzindrena, enu vama Vaetiyopiya, ni enu va Pute, mu pharidego sitshangu, Validhiya, mu kodzago gu phara wulaho, mu khwandra siholoma.”

Jeremiya 50:25

Pfhumu Nungungulu a di tula malanga a vegago matshari yaye, a ma dusa vbavbandze khu likhulo laye; kholu Mune Pfhumu Nungungulu nya Tshivba Yatshavbo a na ni thumo a vbwetago gu wu gira tigoni ga Vakalidhiya.

Jeremiya 50:3

Kholu, litigo li dugelago Wuronga, li nguta guta sasela litigo lawe, li na li vbindrugedza li khala marumbi; vathu ni sirengo sawe, vatshavbo va na tutuma va thava.

Jeremiya 50:45

Khu guralo, yingisani iso Pfhumu Nungungulu a hungidego, ni makungo a fungidego khu Bhabhiloni, gumogo ni iso a vbwetago gu gira mayelano khu litigo la Vakalidhiya; khu lisine ni mitshambi yawe nya yidugwane yi na kukulutwa, ni wuhaviseloni gwawe gu na khala giwula.

Jeremiya 50:9

Kholu wonani nya gukhenu eni nyi na resela Bhabhiloni mitsawa ni sidzemo sa mayigoni nya makhongolo si tago khu Wuronga, va nata wumba gikwata va dwana naye kala va mu pala; matshari yawe, ma na fanana ni ya ndrena yi gengedego ni limwedo kha li na wuya mahala.

Jeremiya 51:12

Ghwimbani ngavbya mudzindzarini ga Bhabhiloni, engedzelani vaemeledzi mu vega dzighadhi, va vandrameleni, kholu Pfhumu Nungungulu a ngu tadzisa gikungo a hungidego khu gale nya guwugele vavbanyi va Bhabhiloni.

Jeremiya 51:24

Nyi na bweledzela Bhabhiloni ni vavbanyi vatshavbo va Kalidhiya guvivba gwatshavbo va giredego Siyoni na mu gu si wona khu maho yanu, a ngu ganela Pfhumu Nungungulu.

Jeremiya 51:35

Vavbanyi va Siyoni va na ganele, khavo: Khu iso va hi giredego milini gwathu, novba wathu wu na thegele vbatshani ga Bhabhiloni. Jerusalema nuye a na ganele, khuye: Novba wathu wu na vbalage vbatshani ga vavbanyi va Kalidhiya.

Jeremiya 51:36

Kholu, Pfhumu Nungungulu a ngu ganela kharati, khuye: Wona nya gukhuwe nyi na gu vhikela nyi gu phodzela khu satshavbo a gu giredego; nyi vbwisa mitsongo yawe, gumogo ni sifefe sawe si na banga, nyambana mati.

Dhaniyeli 5:30

Khu wutshigu wowo kamwe, a di songwa Bhalitazari, mufumeli wa Vakalidhiya.

Joyele 3:10

Pfhulani matshari khu mavbadza yanu, ni sighalala khu migala yanu, embelani uye a vbedego tshivba, khenu: “Eni nyi na ni tshivba.

Joyele 3:9

Huwelelani esi ga mayigo, khenu: Dzi lulamiseleni guya nyimbitunu, khendzugisani dzindrena, masotshwa yatshavbo nya nyimbi ma tshangane ma ya litungatunu.

Levhi 26:25

Khu kotani nya gu hambaniseni gidzumeledzwano gyangu, nyi phodza khu gu mi rumela dzinyimbi; mwa gu tshanganani madhoropani gwanu, nyi na rumela vbakari gwanu mitungu, nyi na mi ningelani mandzani ga valala vanu.

Zakariya 14:12

Owu khuwo tungu a nga wu thumisago Pfhumu Nungungulu gasi gu bayisa khuwo mayigo yatshavbo ma nga wugelago Jerusalema; nyama yawe yi na hina na va nga gu vbanya; maho yawe ma na hina musikodoni gwawe, ni malimi yawe ma na hina maganani gwawe.

Zakariya 14:2

Kholu nyi na tombanisa mayigo yatshavbo ma ta hengela gu dwanisa Jerusalema; lidhoropa li na wandrwa, dzinyumba dzi na pfhungumuledwa, vanyamayi va na pfinywa, gipandre nya vathu va dhoropani va na vbagedwa va yiswa wugumbini, aholu avo va na tshalago kha va na tutumiswa dhoropani.