Jeremiya 50:34 - Bhibhiliya Nya Guage

³⁴ Aholu uye a gu Mutshudzisi wawe a na ni tshivba, lina laye khu Pfhumu Nungungulu nya Tshivba Yatshavbo. A na ema navo a va vhikela gasi litigo lawe li mana gurula, a ndrendremedzisa vatshavbo vavbanyi va Bhabhiloni.

Jeremiya 50:34 Iomraidhean Croise

2 Dzikoronika 6:39

Uwe nuri khu ndzadzini yoyo, wulangani U khalago avbo, yingisa milombelo yawe, U gira fanelo yawe, U tsetselela vathu vago va gu ghohedego.

Joba 19:25

Kholu nyi ngu dziti gukheni muvhikeli wangu a ngu vbanya, ni gukheni, guhegisani a na ema vbatshani nya mafu.

Dzindzimo 35:1

Pfhumu Nungungulu, thethisa avo va nyi singedzago, u dwana ni avo va nyi dwanisago.

Dzindzimo 43:1

Nyi lamule Nungungulu, u nyi emela ga vathu nya va nya mayigo! Nyi vbulugise ga muthu nya guvivbe ni gidambane.

Ekisodha 6:6

Khu guralo, embela sanana sa Israyeli, khuwe: Eni kheni Pfhumu Nungungulu, nyi na mi dusani vbavbatshi nya rwalo nya gulemele wa Egipito, nyi na mi tshulani wugumbini gwawe, nyi na thawuludza libogo langu nya tshivba nyi mi dzegisa ni gu mi phodzela.

Mavingu 22:23

kholu Pfhumu Nungungulu a na vhikela mahungu yaye gulamudwani, gambe a na songa vatshavbo avo va va phangago.

Mavingu 23:11

kholu muphodzeli wawe a na ni tshivba, a na dzi emela a dzi vhikela.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 43:14

Pfhumu Nungungulu, mutshudzisi wago, Nyaguage wa Israyeli, a ngu ganela kharati, khuye: “Khu kotani nya lihaladzo nyi gu nalo khu enu, nyi na rumela mabutho guya sasela Bhabhiloni, Vakalidhiya vatshavbo, va na tutuma khu mataro yawe va nga bani va dzi zundza khayo.

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Isaya 47:4

Lina la Mudzegisi wathu khu Pfhumu Nungungulu nya Tshivba Yatshavbo, Nyaguage wa Israyeli.

Isaya 49:25

Aholu Pfhumu Nungungulu a ngu ganela, khuye: “Khu lisine nyi ngu tiyisa, kheni: Vathu va modwego khu ndrena, nyi na va tshudzisa, nyi bwelo khavbo nyi wandra phango ga mufumeli nya dzihanyi, kholu nyi na dwana ni avo va gu dwanisago, nyi tshudzisa sanana sago.

Isaya 51:22

Mune, Pfhumu Nungungulu wago, oyu a dwanelago litigo laye, a ngu ganela kharati, khuye: “Wona nya gukhuwe nyi duside khu mandzani gwago gikombe nya likhulo langu li gu levisago, gima khu na gi sela gambe.

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Jeremiya 10:16

Nungungulu wa Jakobe kha fanani navo, kholu uye khuye a vangidego satshavbo hi si wonago; uye a gu lumba va na Israyeli, lina laye khuye Pfhumu Nungungulu nya Tshivba Yatshavbo.

Jeremiya 15:21

Nyi gu vbulugisa mandzani ga va nya guvivbedwa khu monyo, ni gu gu vbulugisa mandzani ga va nya tshivba.”

Jeremiya 30:20

Sanana sawe si na katega kha nga guhegulani, ni tshangano wawe wu na tiyiswa mbeli gwangu; kholu nyi na tsayisa vatshavbo vale va nga bani va va tshanisa.

Jeremiya 31:11

Kholu Pfhumu Nungungulu dzegiside Jakobe ni gu mu vbulugisa mandzani ga wule a nga bani ari ni tshivba guvbindra uye.

Jeremiya 31:35

Pfhumu Nungungulu a ngu ganela kharati, khuye: Uye a rumago lidambo li wenengedza mihani, ngima ni dzinyeledzi si wenengedza wutshigu, a kutsungago mavimbi nya linene; lina laye khuye Pfhumu Nungungulu nya Tshivba Yatshavbo.

Jeremiya 32:18

Uwe u ngu pwela wuhindzi mazanazana nya situgulwana, gambe u ngu tsayisa sanana khu kotani nya sighoho sa vavelegi; uwe Nungungulu u khongolo nuri ni tshivba, lina lago khuwe Pfhumu Nungungulu nya Tshivba Yatshavbo!

Jeremiya 48:15

Va na Mowabhi va sasedwe va vbela, ni madhoropa yawe ma ngu khungumudwa; madzaha yawe nya yadi ma ngu ya gusongwatunu; a ngu ganela Mufumeli, lina laye a gu uye Pfhumu Nungungulu nya Tshivba Yatshavbo.

Jeremiya 51:19

Aholu Nungungulu wa Jakobe, kha fanani ni vanungungulu vovo, kholu uye khuye Muvangi nya silo satshavbo, Israyeli lihundzu nya thomba yaye, lina laye khuye Pfhumu Nungungulu nya Tshivba Yatshavbo.

Jeremiya 51:36

Kholu, Pfhumu Nungungulu a ngu ganela kharati, khuye: Wona nya gukhuwe nyi na gu vhikela nyi gu phodzela khu satshavbo a gu giredego; nyi vbwisa mitsongo yawe, gumogo ni sifefe sawe si na banga, nyambana mati.

Gililo 3:58

Pfhumu, u nyi vhikede mahunguni gwangu, u vbanyisa hefemulo wangu.

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Mikeya 4:10

Uwe lidhoropa la Siyoni, vbisega nga nyamayi a vbwetago gu velega, kholu u na duga dhoropani u ya khala khabini, u vboha kala Bhabhiloni; khiyo u na gu ya tshudziswago iyo. Khiyoyo Pfhumu Nungungulu, a na gu tshudzisa mandzani ga valala vago.

Mikeya 7:9

Nyi na rwala likhulo la Pfhumu Nungungulu, kholu nyi mu ghohedego; kala a vhikela mahungu yangu a nyi lamula; a na nyi yisa guwonegelani nyi nata wona gululama gwaye.

Gutuledwa 18:8

Khu kharato, khu litshigu limwedo yi nata mitungu yaye khu gipitipiti: Gufa, gililo, ndzala; a na tsagamiswa khu nilo, kholu Pfhumu Nungungulu a mu lamudego, a na ni tshivba.”