Jeremiya 5:2 - Bhibhiliya Nya Guage

² Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Jeremiya 5:2 Iomraidhean Croise

Isaya 48:1

Upwani esi, enu nyumba ya Jakobe, mu ranwago khu lina la Israyeli, mu dugelago lihundzuni la Judha, mu sambanyago khu lina la Pfhumu Nungungulu, mu khozelago Nungungulu wa Israyeli, aholu nasiri khu lisine ni gululama.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Jeremiya 44:26

Ambari khu guralo, enu mwatshavbo Vajudha mu khalago tigoni ga Egipito, yingisani magana ya Pfhumu Nungungulu a gukhuye: Wonani nya gukhenu Eni, nyi ngu sambanya khu lina langu nya likhongolo, a ngu ganela Pfhumu Nungungulu khuye, tigoni gwatshavbo ga Egipito, gima kha na manega ni moyo nya Mujudha a na gu sambanyago gambe khu lina langu, khuye: Khu lina la Pfhumu Nungungulu a vbanyago.

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Jeremiya 9:2

Nari pwani ga Nungungulu nya gu mana wulanga giwulani, gasi, nyi kodza gu hambana ni vathu vangu nyi ya khala hwindzo navo, kholu avo vatshavbo sibhayi, gambe tsawa nya vakanganyisi!

Hoseya 10:4

Va ganela magana nyamba phasa gilo, va sambanya malipha, va gu gira gidzumeledzwano; khu kotani nya isoso, malamulelo yawe, ma na buga nga mwasi nya kholowe wu hodzago dzimbewu dza mahangeni.

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Levhi 19:12

mu nga sambanyi malipha khu lina Langu, kholu mwa gu gira kharato, mu na nyenyezisa lina la Nungungulu wanu. Eni kheni Pfhumu Nungungulu.

Sofoniya 1:5

Nyi na fuvisa ni avo va litago vbatshani nya dzilangwe, vaya khidzima gasi gu khozela sivangwa sa damboni; ni vale va nogago va sambanya khu lina la Pfhumu Nungungulu, aholu na va gu sambanya gambe khu lina la Malikani

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

1 Thimoti 1:10

ni vale va girago guvivba, va bhayana khu wama wawe, ni vale va sanisago vakwawe, ni va nya malipha, ni vale va sambanyago malipha, ni vale va girago ni gevbini gilo nya guhambane ni sihevbulo nya lisine,

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.