Jeremiya 5:15 - Bhibhiliya Nya Guage

¹⁵ Pfhumu Nungungulu a ngu ganela, khuye: Wonani nya gukhenu nyi na mi resela litigo la hwindzo, ga linyumba la na Israyeli li ta mi sasela; vathu vakone va na ni tshivba nari gale na varomo na va gu ganela lidimi u si litigo ambari gu li ganela.

Jeremiya 5:15 Iomraidhean Croise

Genesi 11:7

Hongoleni hi relela vbavbatshi yeyi, hi ya hambanisa malimi gasi vathu va si mani gupwanana khu gyawe.”

Dzindzimo 81:5

Uye vegide kha nga nayo ga Josefe, gikhati a dugidego guya dwana ni litigo la Egipito. Nyi ngupwa lito nyi si litigo li gu, khilo:

Isaya 28:11

Kholu Pfhumu Nungungulu a na ganela ga vathu vava khu lidimi nya gukhukhumele ni lidimi la vambe vathu,

Isaya 29:3

Kholu nyi na gu randrela khu lizumbo langu, nyi gu randrela khu mabutho yangu, nyi gu segela u si kodzi gu duga.

Isaya 29:6

Pfhumu Nungungulu nya Tshivba Yatshavbo, a nata gu tsayisa khu mabara, sirevareva, ni gudzuma nya guthise, ni singulu ni sipupwane ni malavbelavbe nya nilo nya gumbembise.

Isaya 33:19

Gima khu na wona gambe vathu vale nya dzihanyi, va ganelago lidimi hi si li pimigo, vathu nya gu khukhumele gu ganela, nyamba si pima iso va ganelago.

Isaya 39:3

Khavbo avbo, muprofeti Isaya a dita ga mufumeli Ezekhiya, a ta mu wudzisa, khuye: “Gasi vama vale va di khavo ginani ni gu va guta khu hayi?” Ezekhiya a di hakha, khuye: “Va guta khu ga litigo la hwindzo tigoni ga Bhabhiloni.”

Isaya 5:26

Pfhumu Nungungulu a na khusedza ngavbya yaye a rana mayigo ya hwindzo, a na ma wombela ndrodzi a ma ranisa khu mahegiso gwatshavbo nya mafu; ayo ma nata khu guvbiredza khu gututuma.

Isaya 5:7

Kholu lithembwe nya miuvha la Pfhumu Nungungulu nya Tshivba Yatshavbo, khu nyumba ya Israyeli, ni vathu va Judha, khavo dzimbewu a nga bani a dzi lirela gu mu tsakisa; Uye a di gu lirela gu wona gwawe gululama, aholu gu di wonega basi gusongana; a di gu lirela gu wona nayo ni lisine, aholu a dipwa basi dzihuwa ni miketo.

Jeremiya 1:15

Khu guralo, nyi na ramba mahundzu yatshavbo nya mifumo ya Wuronga, a ngu ganela Pfhumu Nungungulu. Mufumo ni mufumo a nata vega gikhalo gyaye nya wufumu dzinyangwani ga Jerusalema, gasi gu wugela mabhiyo ma bhiyidego madhoropa yatshavbo ya Judha.

Jeremiya 2:26

Kha nga mbafa ya gu manwa, yi khalago dzitshoni, gu na gira nugo kharato ga linyumba la Israyeli; avo gumogo ni vafumeli vawe, vathangeli, vaphasi nya mhamba ni vaprofeti vawe.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 4:16

Huwelelani esi ga mayigo, mu tivisani ga Jerusalema, khenu: “Libutho ya valala va nguta khu mayigoni ya hwindzo na va gu laledza khu lito nya gukhugege guta sasela madhoropa ya Judha.”

Jeremiya 5:11

Kholu nyumba ya Israyeli ni ya Judha dzi di nyi wugela, a ngu ganela Pfhumu Nungungulu.

Jeremiya 6:22

Pfhumu Nungungulu a ngu ganela kharati, khuye: “Wonani vathu vatago khu litigo la Wuronga, litigo nya likhongolo li na dugela mahegiso nya mafu.

Jeremiya 9:26

Egipito, Judha, Edhomi ni sanana sa Amoni, ni va na Mowabhi, ni vatshavbo va vbahidego giwulani, avo va gayidwego ndzudzu dzibambe gwawe; kholu avo mafumbu nyamba hana wugwera, ni nyumba yatshavbo ya na Israyeli, myonyoni gwawe kha va hana wugwera.”

Ezekiyeli 18:31

Dzudzugani hwindzo guvivba gwatshavbo mu gu giridego, ambalani monyo ni hefemulo nya wuphya; kholu, khu ginani mu dzi vangelago lufu, enu va na Israyeli?

Dhaniyeli 1:4

Madzaha nyamba hasa, nya wumburi, va hevbudego, nya gugengele ni guti, na vari ni mapimo, na va vbelede gululama, na va hevbude ni tshivba, gasi guya vegwa nyumbani nya wufumu, va hevbudzwa milowo ni lidimi nya Vakalidhiya.

Dhaniyeli 7:7

Khu guhegisa, nyi di simama gu khedza nyi wona siwoniso nya wutshigu, nyi di wona girengo nya wu na, na giri ni tshivba nya guthise, na giri ni magwaha mana nya makhongolo nya gikete; igyo gya gu vbadzulela gu tshala khu sipandre, isoso si tshalago gi gandredzela khu migondro. Igyo gi di hambanide ni simbe sirengo si nga wonegago khu hwane gwaye na giri ni likhumi dzikheho.

Amosi 6:14

Kholu wonani nya gukhenu nyi na emisa vbakari gwanu, enu va na Israyeli, litigo li na guta mu sasela, a ngu ganela Pfhumu Nungungulu nya Tshivba Yatshavbo, li nata mi tshanisa gukhugela dzinyangwani dza Hamati kala gitsongwanani gya panini ga Arabha.

Habhakuka 3:16

Avbo nyi nga mupwago, monyo wangu wu di ndrendremela, khu lito laye, sigundru sangu si di ndrendremela, maramboni gwangu gu bela guhina, eni na nyi gu ndrendremela; a na nyi hefemudze litshigu nya wuvi na nyi tangade, avbo a na gutago ata wugela vathu a va tsayisa.

1 Vakorinto 14:21

Umo nya Milowo nya Guage, Pfhumu wari, khuye: “Nyi na ganela ga ava vathu khu lito nya vathu nya guganele limbe lidimi, ni likana nya valombo. Ambari ulo kha va na tula dzindzeve va nyi yingisa, a ngu ganela Pfhumu Nungungulu.”

Dhewuteronome 28:33

Mihandro ya mahangeni gwago, ni thumo wa mandzani gwago, si na hodzwa khu vathu u gumba vati; uwe u na tshaniswa ni gu tshonigiswa matshigu yatshavbo;

Dhewuteronome 28:49

Pfhumu Nungungulu a na guresela khu hwindzo, khu mahegiso nya litigo, mufumo wu vbuvbago gu fanana ni lighama; vathu vaye u si litigo ni lidimi va ganelago,