Jeremiya 5:10 - Bhibhiliya Nya Guage

¹⁰ Litani mabhiyo yaye mu ma khungumula, aholu, mu nga ma pfhungumuleli muphelo; duselani matamo yaye, kholu ayo kha ma lumbi Pfhumu Nungungulu.

Jeremiya 5:10 Iomraidhean Croise

2 Dzikoronika 12:4

A di wandra madhoropa nya makhokhola ma lumbago Judha, a vboha kala Jerusalema.

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Jeremiya 2:21

Eni kamwe nyi gu hathide kha nga simbo nya wadi nya vhinya nyi gu yala kha nga mbewu nya wuzundzo; khu ginani olu u nga dzi vbindrugedza u khala simbo nya limbe lifumbu nyamba phasa gilo?

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 30:11

Kholu, Eni Pfhumu Nungungulu nyi ngu ganela gukheni, nyi nago gikhati gyatshavbo gasi gu gu vbulugisa; nyi na sasela mayigo yatshavbo nyi nga bani nyi mi phalalegisede umo; aholu enu, kha nyi na diga gu mi tsayisa, gambe kha nyi na mi tsayisa khu tshivba, kholu kha nyi vbweti gukheni mu mbemba.

Jeremiya 39:8

Vakalidhiya va di vbisa nyumba ya mufumeli gumogo ni dzinyumba dza vathu, va khungumulela gambe mabhiyo ya Jerusalema.

Jeremiya 4:27

Kholu Pfhumu Nungungulu a ngu ganela kharati, khuye: Litigo latshavbo li na pfhungumudwa li khala giwula; aholu kha nyi na li mbembisela muphelo.

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.

Jeremiya 5:11

Kholu nyumba ya Israyeli ni ya Judha dzi di nyi wugela, a ngu ganela Pfhumu Nungungulu.

Jeremiya 5:18

Ambari khu kharato, Pfhumu Nungungulu a ngu ganela, khuye: “Khu matshigu yoyo kha nyi na mu mbembisa muphelo.”

Jeremiya 5:9

Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Ezekiyeli 12:16

“Aholu, nyi na tsetsa vadugwana vawe gu va songa khu litshari, ndzala ni mitungu, gasi va rwale guvivba gwawe gwatshavbo ga mayigo va na hongolago. Khavbo avbo, va na dzitigo gukhavo kheni Pfhumu Nungungulu.”

Ezekiyeli 14:17

Mwendro, nya gu rumela nyimbi ga litigo lile nyi ganela, kheni: Nyimbi yi na vbindre khu tigoni mule gwatshavbo, yi songetela umo vathu ni sifuyo;

Hoseya 1:9

Pfhumu Nungungulu a di mu embela, khuye: Mu riye lina la Lo-Ami, gutshamusago gupwani khandri vathu vangu, kholu kha mwi vathu vangu, eni neni kha nyiri Nungungulu wanu.

Amosi 9:8

Wonani nya gukhenu maho ya Pfhumu Nungungulu, ma ngu wugela mufumo yoyu nya gighohi. Nyi na wu mbembisa wu fuva mafuni; aholu kha nyi na mbembisa muphelo livelego la Jakobe,” a ngu ganela Pfhumu Nungungulu.

Matewu 22:7

Mufumeli wule a di garadzega ngudzu, a gu rumela masotshwa maya songa sighevenga sile, gumogo ni gu si vbisela lidhoropa lawe.