Jeremiya 49:9 - Bhibhiliya Nya Guage

⁹ Ina wa gu vbohedwa khu vavbweri nya dziuvha, kha va na nga gu tshiyela dziuvha dzi dugwana, gani? Ahati wa gu vbohedwa khu dzimbafa vbawutshigutunu, kha dzi nata dzega basi iso va eneledwago khiso, gani?

Jeremiya 49:9 Iomraidhean Croise

Isaya 17:6

Aholu gu na tshala gwaye vadugwana nya guvbanye, gukhwatshi khu gu bani gu havedwe wuguhu gu tshaledzela wumbe nya gukari dzitshokhani nya matamo. Wa gu kutsungwa gu tshala dzikhongoba dzimbili mwendro dzitharu khu matamoni ya vbatshani, ni dzina mwendro livbandre, khu dzitshokhani nya matamo nya gunave. A ngu ganela Pfhumu Nungungulu wa Israyeli.

Jeremiya 6:9

Pfhumu Nungungulu nya Tshivba Yatshavbo a ngu ganela kharati, khuye: Roledzela mitshaledwa ya na Israyeli yi wuya khu mandzani gwago; kha nga mulimi a roledzelago esi si tshalago thembweni, kha va tshiyi gilo litamoni nya vhinya.

Levhi 19:9

Mwa gu vbwera mihandro marembweni gwanu, mu nga vbweri kala mahegiso nya lithembwe, gambe mu nga roleli ni esi si thegidego mwendro gutshaledzela.