Jeremiya 49:3 - Bhibhiliya Nya Guage

³ Womba huwa uwe Hesibhoni, Wombani huwa enu vanyamahegyane va Rabha! Ambalani silendra mu lila! Dzundrulugelani eno ni eno, kholu Malikani a na vbagedwa a yiswa wugumbini gumogo ni vaphasi vaye nya mhamba ni dzindruna dzaye.

Jeremiya 49:3 Iomraidhean Croise

2 Samuweli 11:1

Khu mwaga wu nga landrelago, gikhati vafumeli va nga bani va duga guya nyimbitunu, Dhavhidhe a di rumela Jowabhi, gumogo ni vathu vaye vatshavbo va na Israyeli guya sasela va na Amoni; avo va diya ghova tigoni ga Rabha, aholu Dhavhidhe a di tshade Jerusalema.

1 Dzipfhumu 11:33

Nyi na gira kharato kholu va nyi pfhurarede vaya khozela Asitaroti, nungungulu wa Vasidhoni, ni Khemosi nungungulu wa va na Mowabhi, ni Milikomu, nungungulu wa sanana sa Amoni, va si gimbili khu dzindzila dzangu, gasi va gira silo nya gululame mahoni gwangu, ni guti milayo ni sileletelo sangu, kha nga babe waye Dhavhidhe.

1 Dzipfhumu 11:5

Kholu Solomoni a di khozela Asitaroti, nungungulu wa Vasidhoni, ni Malikomi, nungungulu nya manyala wa va na Amoni.

2 Dzipfhumu 23:13

Mufumeli a di tshipisa gambe malanga nya gukhugege ma nga bani ma khedzanide ni Jerusalema, nyamudye ga gigomo gya Masiti, ayo ma nga bani ma vbahedwe Asitaroti khu Solomoni, mufumeli wa Israyeli, nungungulu nya manyala wa Vasidhoni, ni ga Khemosi, manyala ya va na Mowabhi, ni ga Milikamo, manyala ya sanana sa Amoni.

Ezira 2:28

Vathu va Bheteli ni Ayi va diri mazana mavili ni magumavili na vararu (223).

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 14:31

Womba huwa uwe nyangwa, lila uwe lidhoropa, ndrendremelani enu Vafilisitiya mwatshavbo; kholu, gu nguta wutshi khu Wuronga, ni moyo a nga khugi khu wulangani gwaye.

Isaya 15:2

Vavbanyi va Bhajiti Dhibhoni va gu gwela malangani nya miphaso ya musigomoni, vaya lila; Mowabhi a ngu lila khu kotani ya Nebhu ni Medhebha. Vatshavbo va vbalude ndzudzu ni guvila giledzo.

Isaya 16:7

Khu guralo, enu va na Mowabhi, lilelani litigo lanu; mu lilela ngudzu mihandro nya dziuvha dza Kiri-Hareseti.

Isaya 23:1

Gitiviso nya gusasedwe litigo la Tiro. Wombani dzihuwa enu mataro ya Tarisisi! Kholu Tiro mbembisidwe, avbo gu si wonegigo gambe ni nyumba mweyo, ambari ni lisiwo nya gutshegeme avbo dzingalava, mahungu yaya ma tivisidwe gukhugela tigoni ga Kipre.

Isaya 23:6

Tshatugani mu wuya Tarisisi, wombani huwa, enu vavbanyi va bambe nya linene.

Jeremiya 4:8

Khu guralo, ambalani silendra mu lila ni gu womba dzihuwa; kholu nilo nya likhulo la Pfhumu Nungungulu kha wa ndreya mbeli gwathu.

Jeremiya 46:25

Pfhumu Nungungulu nya Tshivba Yatshavbo, Nungungulu wa Israyeli, a ngu ganela, khuye: Nyi na tsayisa Amoni wa No, Faro ni Egipito, vanungungulu vaye ni vafumeli vaye; nyi na tsayisa uye mune Faro ni vale va mu tumbago.

Jeremiya 48:2

Wudhumo wa Mowabhi wu vbede; khu Hesibhoni, valala va di luga gikungo nya gu mu dwanise, khavo: Hongoleni hi fuvise vathu vava, litigo lawe li si vegwi gambe tengoni nya mayigo. Uwe nuwe Madimeni, kha wu na ganela gilo; kholu nyimbi yi ngu landra khu hwane gwago.

Jeremiya 48:20

Mowabhi tade khu dzitshoni, kholu pfhungumudwe! Laledzani na mu gu lila! Mu embela Arinoni khenu Mowabhi khungumudwe.

Jeremiya 48:37

Kholu mihungoni gwawe gu na vbaludwa ni siledzo sawe si na vidwa; va na thedwa dzimbanga mandzani gwawe, siwununi gwawe gu fenengedzidwe khu silendra.

Jeremiya 48:7

Kholu, kha nga u tumbago sigiro sago ni dzithomba dzago, uwe nuwe u na wandrwa. Kemosi u na vbagedwa u yiswa wugumbitunu, gumogo ni vaphasi nya mhamba ni vathangeli vago.

Jeremiya 49:1

Mayelano khu va na Amoni. Pfhumu Nungungulu a ngu ganela kharati, khuye: Ina kamwe uwe Israyeli, u mwalo sanana, gani? U mwalo avo va na gu tshalago va hodza thomba yago, gani? Khu ginani Malikani a fumedego Gadhi, ni gu vathu vaye va khala madhoropani gwago?

Jeremiya 51:8

Khu githugedza, Bhabhiloni thegide a khala marumbi; lilani khu uye, vbwetani rendre mu todze dzimbanga dzaye; mwendro saye a na hawuluga.

Jeremiya 6:26

Uwe nyamahegyane wa vathu vangu, ambala gilendra nya gililo, u puluwundra ngumani; womba huwa u lila ngudzu gukhwatshi, u di fedwa khu gyanana gya gimwegyo; kholu nala a na vboha khu githugedza ata hi sasela.

Amosi 1:15

Mufumeli waye a na vbagedwa a yiswa wugumbitunu, uye gumogo ni dzindruna dzaye,” a ngu ganela Pfhumu Nungungulu.

Sofoniya 1:5

Nyi na fuvisa ni avo va litago vbatshani nya dzilangwe, vaya khidzima gasi gu khozela sivangwa sa damboni; ni vale va nogago va sambanya khu lina la Pfhumu Nungungulu, aholu na va gu sambanya gambe khu lina la Malikani

Jakobe 5:1

Olu, enu sitetema, upwani! Lilani, mu wombe dzihuwa khu kotani nya sisaniso mu na si wonago.

Josuwa 7:2

Khu guralo, Josuwa, a di rumela vama nya gukari nari khu Jeriko tigoni ga Ayi, gu khadego vbafuvbi ni Bheti-Avheni, gu khadego khu Khugadambo ga Bheteli, a di va embela, khuye: “Indrani mu ya holelela gwadi litigo.” Khu guralo, vama vale va di gwela va ya holelela litigo la Ayi.

Josuwa 8:1

Pfhumu Nungungulu a di embela Josuwa, khuye: “U nga thavi gambe u nga vbeli tshivba, dzega vama vatshavbo va somidego, u gwela u ya dwana ni Ayi; wona gukhuwe nyi ningede mandzani gwago mufumeli wa Ayi, gumogo ni vathu vaye, lidhoropa laye ni litigo laye.

Josuwa 8:28

Josuwa a di vbisa lidhoropa la Ayi li khala marumbi kala na muhuno.