Jeremiya 49:15 - Bhibhiliya Nya Guage

¹⁵ Kholu wona nya gukhuwe nyi gu giride nuri gyanana vbakari nya mayigo, u hembuludwa vbakari nya vathu vatshavbo.

Jeremiya 49:15 Iomraidhean Croise

Dzindzimo 53:5

Va ngu tala khu hwanga nya wukhongolo, avbo gu gumwalo ni gilo nya guthavise; kholu Nungungulu a ngu phalalegisa marambo ya wule a gu randrelago; uwe u na va thela dzitshoni, kholu Nungungulu a va digide.

Jeremiya 49:14

Nyi pwide mahungu na ma guta khu ga Pfhumu Nungungulu; rumede mwango ga mayigo a ma embela, khuye: “Tshanganani, mu mu wugela, hongoleni hi ya mu dwanisa!”

Jeremiya 49:16

Matshandza ni gu dzi khusedza nya monyo wago si gu kanganyiside, uwe u vbanyago dziphagoni nya siwindri, u khalago vbatshani nya sigomo, ambari wa gu vbaha gihaga gyago vbatshani ngudzu kha nga lighama, Eni nyi na gu reledza vbavbatshi; khu Pfhumu Nungungulu a ganelago.

Obhadhiya 1:2

Wona nya gukhuwe nyi gu giride nuri moyo nya dugwana vbakari nya mayigo; va gu hembulude ngudzu.

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Luka 1:51

Giride silo sikhongolo khu mandza yaye, phalalegiside va nya matshandza.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.