Jeremiya 47:1 - Bhibhiliya Nya Guage

¹ Aya khu magana Pfhumu Nungungulu a ma tivisidego ga muprofeti Jeremiya, khu kotani ya Vafilisitiya, Faro nasi gu saseli lidhoropa la Gaza.

Jeremiya 47:1 Iomraidhean Croise

Genesi 10:19

Litigo lawe li di ladza gukhugela Sidhoni kha guhongola Gerari, vbafuvbi ni Gaza, kala Sodhoma ni Ghomora, Adhama, Seboyimi kala Lasa.

1 Dzipfhumu 4:24

Solomoni a di gu fumela gipandre gyatshavbo gya khisikheyi nya tsongo wa Ewufrate, gukhugela Tifisa kala Gaza, a di vbanya khu gurula ni mayigo yatshavbo ma mu randredego.

Isaya 14:29

Enu Vafilisitiya mwatshavbo mu nga nengeli, kholu yi fanyeledzedwego ndronga yi nga bani yi mi tshanisa, kholu girumbi nya nyoga gya gu dusa wuhungu, ni umo nya litandra nya nyoga gu duga mwamilambo.

Jeremiya 25:20

ni vathu nya mafumbu nya guhambanelane va vbanyago umomo, ni vafumeli vatshavbo va tigoni ga Uzi, vafumeli va tigoni nya Vafilisitiya, va Asikaloni, va Gaza, va Ekoroni ni mitshaledwa ya Asidhodhi;

Ezekiyeli 25:15

Mune Pfhumu Nungungulu, a ngu ganela kharati, khuye: “Kha nga olu Vafilistiya va nga gira magirelo yaya nya guphodze nari ni wuvivbi monyoni gwaye, va khungumula Judha khu livengo nyamba vbela;

Ezekiyeli 25:16

khu guralo, Mune Pfhumu Nungungulu, a ngu ganela kharati, khuye: Nyi womo vbafuvbi ni gu khusedza libogo langu nyi wugela Vafilistiya. Nyi na mbembisa Vakereti ni gu mbembisa vale va nga tshalago siwoni.

Joyele 3:4

Gasi mahungu muni mu gu nawo ni eni, enu vathu va Tiro, va na Sidhoni ni maphuvbo yatshavbo ya Finisiya? Khuwo owu tshatshazelo mu nyi ningago, gani? Kholu mwa gu nyi livbisa khu malivbiselo yaya, khu guvbiredza nyi na thesa tshatshazelo yanu mihungoni gwanu.