Jeremiya 46:16 - Bhibhiliya Nya Guage

¹⁶ Nya vangi va gu tshunganela va thega, moyo a thega vbatshani ga mumbe, va embeledzelana, khavo: Hongoleni hi wuge hi bwelele ga va na gyathu tigoni gwathu nya mavelego, hi thava matshari ma hi saselago.

Jeremiya 46:16 Iomraidhean Croise

Jeremiya 46:21

Masotshwa nya guthodwe vbakari gwaye, ma gu tsakisa nga simombyana nya gunone; ayo nayo, ma bwelede khu gu tutuma ma tandrega gu mu vhikela, kha ma tiya, kholu litshigu lawe nya gumbembiswe li vbohide, gumogo ni gikhati nya tsayiso wawe.

Jeremiya 46:6

Muthu nya mazambo kha kodzi guthava, ndrena niyo kha yi na vbuluga! Khu Wuronga nya tsongo wa Ewufrate, va di tshunganela va thega.

Jeremiya 50:16

Fuvisani tigoni ga Bhabhiloni wule a yalago dzimbewu, ni wule a dzegago givbwero gikhatini nya guvbwere dzimbewu; valuveli vatshavbo va na khala hwanga, khu kotani nya nyimbi nya wusaseli, muthu ni muthu a na thavela ga va na gyawe moyo ni moyo a na thavela tigoni gwawe.

Jeremiya 51:9

Hi di zamide gu vbodzisa silondra sa Bhabhiloni, aholu hi tandregide. Olu mu digeni hi hongole, muthu ni muthu a na bwelele tigoni gwawe, kholu gulamudwa gwaye gu vbohide kala damboni, gulapha kala mapfhini.