Jeremiya 44:3 - Bhibhiliya Nya Guage

³ khu kotani nya wuvivbi va giridego va wusa likhulo langu, khu gu vbisela libani ni gu khozela vambe vanungungulu, va si vatigo, avo ambari vababe vawe va ngamba vati.

Jeremiya 44:3 Iomraidhean Croise

Nehemiya 9:33

Ga satshavbo si hi dugelelago, Uwe U thumide khu gululama, ethu hi gira guvivba.

Isaya 3:8

Kholu Jerusalema gu tshunganede, Judha thegide, kholu magana ni mithumo yaye, khya gu wugela Pfhumu Nungungulu, va hembulula guwonega nya wudhumo waye.

Jeremiya 11:17

Kholu Pfhumu Nungungulu nya Tshivba Yatshavbo, Uye a gu yadego a tiviside gu gu resela mhango khu kotani nya sighoho si giridwego khu ndranga ya Israyeli ni ya Judha, kholu mu nyi wusede likhulo khu gu vbisela libani Bhahali.

Jeremiya 16:10

Aholu gikhati u na va tivisago mahungu yaya yatshavbo, va gu wudzisa, khavo: Gasi khu ginani Pfhumu Nungungulu a fungidego khu gu hi tsayisa khu dzimhango dzedzi? Gasi gighoho muni hi ghohedego Pfhumu Nungungulu wathu?

Jeremiya 22:9

Khavbo avbo, va na ningwa phindrulo, pwani: “Kholu va nga diga gidzumeledzwano va hungidego ni Pfhumu Nungungulu wawe, va ya khozela vambe vanungungulu ni gu va thumela.”

Jeremiya 29:19

Pfhumu Nungungulu a ngu ganela, khuye: Nyi di va rumela sithumi sangu vaprofeti gikhati gyatshavbo, aholu, avo kha va yingisa magana yangu.

Jeremiya 32:30

Kholu va na Israyeli ni va na Judha, gukhugela wudzahani gwawe kha va kodza gu nyi girela silo nya sadi, aholu va di gira basi guvivba mbeli gwangu; va di nyi gorosa basi khu mithumo nya guvivbe nya gugirwe khu mandza yawe, a ngu ganela Pfhumu Nungungulu.

Jeremiya 44:23

Libango leli, li mi thegede kholu enu mu di vbisela libani sifananiso, mu ghohela Pfhumu Nungungulu, mu si yingisi magana yaye, ni gu landrisa nayo ni sileletelo saye, kha nga mu si wonago muhuno.”

Jeremiya 44:8

Khu ginani mu wusago likhulo langu khiso mu girago, nya guvbisele libani vambe vanungungulu tigoni ga Egipito, umo mu dzudego guta vbanya umo? Khu ginani mu dzi vangedego lufu, avbo mayigo yatshavbo ma mi wonago kha nga gilo nya gihegiso ni givalo mbeli gwawe.

Jeremiya 5:19

Aholu va gu wudzisa, khavo: “Khu ginani Pfhumu Nungungulu wathu, a hi giredego silo satshavbo sesi?” Khavbo avbo, va hakheni, khenu: Kha nga olu enu mu nyi digidego mu ya thumela vambe vanungungulu nya va nya mayigo, tigoni gwanu, kharato nugo, mu naya thumela va nya mayigo ga litigo li gu siri lanu.

Jeremiya 5:29

Ina kha nyi yeli gu tsayisa silo sesi, gani? A ngu ganela Pfhumu Nungungulu; ina kha nyi yeli gu dzi phodzela ga vathu nya nga ava, gani?

Jeremiya 7:19

Ina va gu pwisa eni wuvi, gani? A ngu ganela Pfhumu Nungungulu, va gu dzi pwisa vabune wuvi, va dzi thela dzitshoni dzikhovbeni gwawe.

Gililo 1:8

Jerusalema ghohide ngudzu; khu guralo, a dzi nyenyeziside. Vatshavbo va nga bani va mu zundza, olu va gu mu poyila, khu gu wona wumbwiri waye. Uye abune a ngu dzi wona a sihala khu dzitshoni. Tet

Gililo 4:13

Libango leli, li vangidwe khu sighoho sa vaprofeti ni sihoso sa vaphasi vawe nya mhamba, va gu avo va songidego vathu nya gululame, va vbaladza novba wawe dhoropani. Nuni

Ezekiyeli 9:9

Uye a di nyi hakha, khuye: “Guvivba ga va na Israyeli ni ga va na Judha, gukhongolo ngudzu; litigo li tade khu novba wu vbaladzidwego, ni lidhoropa li tade khu wudambane. Avo va gu ganela, khavo: Pfhumu Nungungulu dugide tigoni momu; kha hi woni.

Dhaniyeli 9:5

Hi ghohide, hi gira silo nya guvivbe, hi dzi vangede libango khu gu gu pfhurarela, hi hambana ni milayo ni sileletelo sago.

Dhewuteronome 13:6

Ndriyago, u velegidwego naye khu mayi moyo, mwendro gyanana gyago nya mwama mwendro nya nyamayi, mwendro mwangadzi wago nya gu mu haladze, mwendro pari yago nya gu yi gole kha nga hefemulo wago, a gu ganela khu gisihaledza, khuye: Hongole hi khozela vambe vanungungulu, avo uwe u ngamba vati, ambari vababe vago,

Dhewuteronome 29:25

Khavbo avbo, va na ganela, khavo: Kholu va nga diga gidzumeledzwano egi Pfhumu Nungungulu wa vababe vawe a giridego navo, gikhati a nga va dusago tigoni ga Egipito;

Dhewuteronome 29:26

va hongola va ya thumela vambe vanungungulu ni gu va khozela; vanungungulu va ngamba vati, avo va ngamba ningwa gu khala thomba yawe.

Dhewuteronome 32:17

Va phasede mandriki ni maphuvbo nya guvivbe a si gu nungungulu, ni vanungungulu va si vatigo, vanungungulu nya vaphya va gu ngari gu vboha, va ngamba khozedwa khu vababe vanu.

Vahebheru 3:16

Gasi khu va mani va ngapwa lito la Nungungulu bwelo khavbo va mu wugela? Khu vatshavbo vale va nga duswago khu Mosi tigoni ga Egipito.