Jeremiya 44:22 - Bhibhiliya Nya Guage

²² Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Jeremiya 44:22 Iomraidhean Croise

Genesi 19:13

Kholu ha gu vbweta gupfhungumula wulanga wowu, kholu huwa yi vbohidego ga Pfhumu Nungungulu yikhongolo ngudzu khu kotani gwawe, Pfhumu Nungungulu a hi rumede guta va mbembisa.”

Genesi 6:3

Pfhumu Nungungulu a di ganela, khuye: “Liphuvbo langu kha li na simama gu khala kala gupindruga ga vathu. Uye nyama, a na ni tumbunugo nya gufe, guvbanya gwaye kha gu na lapha guvbindra lizana ni magumavili myaga.”

2 Dzipfhumu 17:15

Va di bomba sileletelo saye ni gidzumeledzwano gyaye a giridego ni vababe vawe, ni gululeka a va lulekidego khugo, va landrisela mithumo ya manyala, va khala sipumbu, va landrisela mavbanyelo ya mayigo ya vaakelane vawe, esi Pfhumu Nungungulu a va layidego gumba gira kha nga avo.

Isaya 1:24

Khu guralo, a ngu ganela Pfhumu Nungungulu nya Tshivba Yatshavbo, nya Dzitshivbe wa Israyeli, khuye: Wonani! Nyi na guhula likhulo langu vbatshani ga vale va nyi vengago, nyi na phodza ga valala vangu.

Isaya 43:24

Kha wa nyi rengela misimbo nya gunungele khu dzitsapawu, ambari gu nyi tsakisa khu mafura nya sifuyo nya miphaso, aholu u di nyi tshanisa khu sighoho sago, u nyi garadza khu guvivba gwago,

Isaya 7:13

Khavbo avbo, muprofeti Isaya, a di ganela, khuye: Olu yingisani gwadi, enu lihundzu la Dhavhidhe; Ina kha mu garali khu gu hodzisa mbukuta vathu, gani? Mwa guvbweta gambe gu hodzisa mbukuta Nungungulu wangu, gani?

Jeremiya 15:6

Pfhumu Nungungulu a ngu ganela, khuye: Mu nyi digide mu nyi pfhurarela. Khu guralo, nyi na thawuludza gyandza gyangu vbatshani gwago, nyi gu mbembisa; nyi garade khu gu gu divalela.

Jeremiya 18:16

gasi gu gira litigo lawe li khala gisamadziso, vavbindri nya ndzila va samala, va kutsunga mihungo khilo.

Jeremiya 21:12

Uwe nyumba ya Dhavhidhe! Pfhumu Nungungulu a ngu ganela kharati, khuye: Vbadzimindrutunu lamulani khu gululama, tshudzisani avo va tshaniswago, gasi likhulo langu li si dzuri nga nilo, li vbisa nyamba tshimwa khu muthu, khu kotani nya mithumo yanu nya guvivbe.

Jeremiya 23:2

Khu guralo, Pfhumu Nungungulu wa Israyeli a ngu ganela kharati ga vahavisi va havisago vathu vangu, khuye: Mu phalalegiside dzinvuta mu dzi dzimedza mu si khathali khidzo; khu guralo, nyi na mi tsayisa khu kotani nya mithumo yanu nya guvivbe.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 25:11

Tigoni momu gwatshavbo gu na vbindrugedza gu khala giwula ni gisamadziso; mayigwana yaya, ma na thumela mufumeli wa Bhabhiloni gipimo nya livbandre na mavili magumi myaga.

Jeremiya 25:18

Jerusalema, madhoropa ya Judha, vafumeli ni manganagana yawe, gasi nyi va gira marumbi, ni gisamadziso, gihegiso ni givalo kha nga mu si wonago muhuno;

Jeremiya 25:38

A fanana ni nghala yi dugidego khu wulangani gwaye; kholu litigo lawe li vbindrugedzidwe li khala giwula, khu kotani nya gukhondre nya likhulo la Pfhumu Nungungulu.

Jeremiya 26:6

khu guralo, nyumba yeyi nyi na yi gira yi fanana ni Silo, ni lidhoropa leli nyi na li vbindrugedza li khala givalo ga mayigo yatshavbo ya mafuni.

Jeremiya 29:18

Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 29:19

Pfhumu Nungungulu a ngu ganela, khuye: Nyi di va rumela sithumi sangu vaprofeti gikhati gyatshavbo, aholu, avo kha va yingisa magana yangu.

Jeremiya 30:14

Vatshavbo avo u nga bani u gu haladzana navo olu va gu divade, kha va wudzisi gambe khuwe; kholu nyi gu bayiside kha nga idzo nyi bayisago khidzo nala, nyi gu ningide tsayiso nya guthise, kholu guvivba gwago gukhongolo ngudzu ni sighoho sago singi ngudzu.

Jeremiya 34:22

Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Jeremiya 4:4

Khalani vathu va hanidego wugwera mahoni gwa Pfhumu Nungungulu, dusani guvivba gwa myonyoni gwanu enu vathu va Judha ni enu vavbanyi va Jerusalema, gasi mu sivbyi khu nilo nya likhulo langu, nyamba manega ni moyo nya gu wu tshime, khu kotani nya mithumo yanu nya guvivbe.

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 44:12

Nyi na dzega mitshaledwa ya na Judha, avo va fungidego guya luvela tigoni ga Egipito; vatshavbo va na sasedwa vafa khu matshari ni ndzala tigoni ga Egipito; gu nafa sanana ni vakhongolo, va na khala gilo nya gisamadziso ni gihegiso.

Jeremiya 44:2

“Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu mu si wone idzo nyi nga tsayisago khidzo Jerusalema gumogo ni madhoropa yatshavbo ya na Judha; ayo ma khade muhuno marumbi nyamba khadwa gambe khu muthu;

Jeremiya 44:6

Kotani nya isoso, nyi di guhula likhulo ni khorodza yangu si ta vbisa madhoropa ya Judha gumogo ni dzindzila dza Jerusalema; muhuno ma khade marumbi ni giwula nyambana muthu kha nga mu si wonago.”

Jeremiya 48:9

Ningani dzimbapi Mowabhi, kholu a gu vbuvba a na duga, kholu madhoropa yaye ma na khala giwula, mwalo a na gu khalago umo.

Jeremiya 5:9

Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Ezekiyeli 39:23

Va nya mayigo va na dziti nya gukhavo va na Israyeli, va di yiswa wugumbini khu kotani nya guvivbe gwawe, kholu va nga nyi wugelago, Eni neni nyi di va sihela khovbe yangu, nyi va ningela mandzani ga valala vawe, vatshavbo va songetedwa khu matshari.

Ezekiyeli 5:13

Khu guralo, li na vbela likhulo langu, ni khorodza yangu yi na bosa, nyi tangala; khavbo va na dzitigo gukhavo Eni, kheni Pfhumu Nungungulu, nyi ganedego khu guvbisega gwangu, avbo gu na tadzisegago likhulo langu.

Dhaniyeli 9:11

Ina, vatshavbo va na Israyeli va ndragide nayo wago, va ndreya ndzilani, va yeyisa va si vbweti gu yingisa. Khu kotani nya isoso hi thegedwe khu libango, mitungu yi nga lowago Nayo ga Mosi, githumi gya Nungungulu, yi thegede vbatshani gwathu, kholu hi gu ghohede.

Dhaniyeli 9:12

U tadziside magana u ganedego vbakari gwathu, ni ga vathangeli vathu, u hi resede tshanisa nya yikhongolo. Mafuni gwatshavbo, gu si gu giregi nya nga esi si nga giregago Jerusalema.

Amosi 2:13

Wonani nya gukhenu nyi na mi pfugunyedzisa wulangani gwanu, kha nga kareta yi pfugunyelago ya gu bani yi tade khu dzinyandra.

Malakiya 2:17

Enu mu reride Pfhumu Nungungulu khu magana yanu; gambe mu nga gu ganela, khenu: “Hi mu reride khu ginani?” Kholu mu ganelago, khenu: Muthu watshavbo a ghohago a ngu golega mahoni ga Pfhumu Nungungulu, ni gukhenu, a ngu nengedziswa khu vathu vovo; mwendro avbo mu wudzisago, khenu: “Womo hayi Nungungulu nya gulamule?”

Varoma 9:22

Ha gupwa ginani ethu, Nungungulu a gu bani a dzinide gu yeyedza likhulo laye ni gu wonegisa tshivba yaye? Uye yeyedzide guhunisela nya gukhongolo ga vale va nga bani va gu yela gu mana sitsayiso nya likhulo laye, va nga bani va gu yela gu fuviswa.