Jeremiya 44:12 - Bhibhiliya Nya Guage

¹² Nyi na dzega mitshaledwa ya na Judha, avo va fungidego guya luvela tigoni ga Egipito; vatshavbo va na sasedwa vafa khu matshari ni ndzala tigoni ga Egipito; gu nafa sanana ni vakhongolo, va na khala gilo nya gisamadziso ni gihegiso.

Jeremiya 44:12 Iomraidhean Croise

Isaya 1:28

Aholu, va nya guvivbedwa khu myonyo ni sighohi, va na pfhungumudwa gumogo vatshavbo; avo va pfhurarelago Pfhumu Nungungulu, va na mbembiswa.

Isaya 65:15

Malina yanu ma na tshala na mari givalo vbakari ga sihathwa sangu, Mune, Pfhumu Nungungulu, a na mi songa; aholu sithumi saye, a na si rana khu limbe lina.

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 18:16

gasi gu gira litigo lawe li khala gisamadziso, vavbindri nya ndzila va samala, va kutsunga mihungo khilo.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 26:6

khu guralo, nyumba yeyi nyi na yi gira yi fanana ni Silo, ni lidhoropa leli nyi na li vbindrugedza li khala givalo ga mayigo yatshavbo ya mafuni.

Jeremiya 29:18

Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 29:22

Gu na dzegwa avbo gwawe magana nya givalo nya dzikhumbi dza Judha dzi guromo Bhabhiloni, khavo: “Pfhumu Nungungulu a na gu gire nga Zedhekiya ni Akabi, avo va nga vbiswa khu nilo na va guvbanya khu mufumeli wa Bhabhiloni;

Jeremiya 42:1

Khu guralo, vagimbidzisi vatshavbo nya nyimbi, Jowanani, mwamana wa Kareya, Jezaniya, mwamana wa Hosaya, ni vathu vatshavbo va tigoni; gukhugela vakhongolo ni avo nya vadugwana,

Jeremiya 42:22

Khu guralo, muhuno dzitini nya gukhenu mu na songwani khu matshari, ndzala ni mitungu tigoni mu gu godego guya khala umo.”

Jeremiya 43:11

Uye a nata sasela litigo leli la Egipito. Avo va lumbwago khu gufa, va nafa! Avo va na lumbago gu vbagedwa, va na vbagedwa! Avo va lumbago gu songwa khu matshari, va nafa khu matshari!

Jeremiya 44:22

Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Hoseya 9:6

Kholu wonani nya gukhenu va ngu tutuma va thava gusasedwa, aholu va na tombaniswa khu Egipito, va dzingwa khu Menifisi. Thomba yawe nya parata va yi golago, yi na pfhurela yi hodzwa khu muhwa; mitshatshani gwawe, gu na buga mwasi ni miba.

Zakariya 8:13

Kha nga mu nga bani muri givalo vbakari nya mayigo, enu linyumba la Judha ni Israyeli, kharato gambe olu nyi na mi vbanyisa gasi mu khale gikategiso; mu nga thavi, tiyani longo.”

Mitengo 5:27

Hwane nya gu bani a mu sedzide mati, uye a gu bani a dzi nyenyeziside, ni gu bani a ghohede mwama waye, mati nya gugire givalo ma na bela ndrani gwaye ma mu pwisa wuvi, girumbu gyaye gi na simba, ni gu a na khala gyumba; nyamayi yoyo a na khala givalo vbakari ga vathu vawe.