Jeremiya 44:10 - Bhibhiliya Nya Guage

¹⁰ Kala na muhuno mu si gu dzi layi, ambari gu yeyedza githawo ni gu landrisa nayo ni sileletelo nyi si vegidego mbeli gwanu ni ga vababe vanu.”

Jeremiya 44:10 Iomraidhean Croise

1 Dzipfhumu 21:29

“U wonide idzo Akabi a dzi thesidego khidzo mbeli gwangu, gani? Kha nga olu a giridego kharati, kha nyi na mu tsayisa matshiguni nya guvbanye gwaye, aholu matshiguni ya mwanaye, nyi na resa tsayiso nyumbani gwaye.”

2 Dzipfhumu 22:19

Kha nga monyo wago wu thurugidego, u dzi thesa mbeli ga Pfhumu Nungungulu, gikhati u pwidego magana nyi ganedego khu mahungu nya wulanga wowu, ni ga vavbanyi vaye, gupwani wu na mbembiswa wu khala giwula ni gihegiso, u pferula dzingandzu dzago u lila mbeli gwangu, Eni neni nyi gu yingiside; a ngu ganela Pfhumu Nungungulu.

2 Dzikoronika 32:26

Aholu, Ezekhiya, avbo a nga dzi nogisa khu kotani nya matshandza ya monyoni gwaye uye ni vavbanyi va Jerusalema, likhulo la Pfhumu Nungungulu li di bosa li siti gwawe khu matshiguni ya Ezekhiya.

2 Dzikoronika 33:12

Nari vbakari nya wuvi, a di lombelela ga Pfhumu Nungungulu waye, a dzi thesa ngudzu vbavbatshi ga Nungungulu wa vababe vaye;

2 Dzikoronika 33:19

Nombelo waye, ni idzo Nungungulu a mu hakhidego khidzo, ni gighoho gyaye, guyeyisa gwaye, malanga a ma vbahidego nya sigomo, umo a nga emisago sifananiso nya guvatwe na si gu dzi thesi vbavbatshi, ma lovidwe yatshavbo umo nya Libhuku la Vaprofeti.

2 Dzikoronika 34:27

Kha nga olu monyo wago wu vbevbugidego u dzi nogisa mbeli ga Nungungulu, u yingisa magana ma ganelago khu mahungu nya wulanga wowu gumogo ni vathu vaye, u dzi nogisa mbeli gwangu, u pferula dzingandzu dzago, u lila mbeli gwangu, Eni neni nyi gu yingiside, a ngu ganela Pfhumu Nungungulu.” Khavbo avbo, avo va di yisa phindrulo yeyi ga mufumeli.

Dzindzimo 34:18

Pfhumu Nungungulu womo vbafuvbi ga vale myonyo yawe yi vbisegago, a vbanyisa avo mihefemulo yawe yi khuvekidego.

Dzindzimo 51:17

Dzimhamba dzi tsakisago Nungungulu khu hefemulo wu dzi layago; Uwe Nungungulu khu nyenyi monyo wu tshanisekago.

Dzindzimo 78:10

Kha va landrisa gidzumeledzwano gya Nungungulu, va di bomba gu landrisa milayo yaye.

Ekisodha 10:3

Khu kharati, Mosi ni Aroni va di ya ganela ni Faro, va mu embela, khavo: “Pfhumu Nungungulu wa Vahebheru, a ngu ganela kharati, khuye: “Kala lini na wu gu bomba gu dzi nogisa mbeli gwangu? Diga vathu vangu va hongola gasi va ya nyi thumela.

Ekisodha 9:17

Aholu, uwe u nga gu simama sago gu dzi gugumugisa, u bomba gu tshula vathu vangu va hongola, gani?

Ekisodha 9:30

Aholu eni nyi ngu dziti gukheni uwe gumogo ni madhota yago ni olu gambe kha mu na nga thava mbeli ga Pfhumu Nungungulu.”

Mavingu 14:16

Muthu nya mapimo a ngu thava a ndreya whindzo nya gihoso, aholu gipumbu gya gu dzi tumba gi hunisela.

Mavingu 16:6

Muthu a gu ni wuhindzi ni gutumbega, a na handzwa sighoho saye, avo va ningago githawo Pfhumu Nungungulu, va na duga ndzilani nya guvivbe.

Mavingu 28:14

Kategide muthu wule a thavago Pfhumu Nungungulu gikhati gyatshavbo, aholu uye a bangisago monyo waye, a na thegedwa khu mhango.

Mavingu 8:13

Uye a thavago Pfhumu Nungungulu, a gu nyenya silo nya guvivbe; nyi ngu nyenyana ni matshandza, gu dzi khusedza, dzindzila nya guwegele, ni magana nya gunyenyeze.

Isaya 42:24

Khu mani a ningedego Jakobe a phangwa, ni Israyeli mandzani nya vaphangi? Ina khandri Pfhumu Nungungulu, oyu va mu ghohedego, gani. Khuye va nga ndreyago ndzilani gwaye, va si dzumeli gu yingisa nayo waye.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Jeremiya 10:7

U Mufumeli nya mayigo, khu mani a si yeligo gu gu ninga githawo? U fanede gu ningwa githawo; kholu vbakari ga va nya guti nya mayigo yatshavbo ni mifumo yawe yatshavbo, mwalo a fananago nago.

Jeremiya 26:4

Khu guralo, va embele, khuwe: Pfhumu Nungungulu a ngu ganela kharati, khuye: Mwa gumba nyi yingisa ni gumba gimbila khu nayo wangu, nyi wu vegidego mbeli gwanu,

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 36:24

Mufumeli ni manganagana yaye, ambari avbo va ngapwago magana yaya, kha va thurugiswa khayo va pferula dzingandzu dzawe va lila.

Jeremiya 44:23

Libango leli, li mi thegede kholu enu mu di vbisela libani sifananiso, mu ghohela Pfhumu Nungungulu, mu si yingisi magana yaye, ni gu landrisa nayo ni sileletelo saye, kha nga mu si wonago muhuno.”

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Jeremiya 6:15

Ina va na dzipwa dzitshoni, khu gu bani va giride gihoso nyi gi nyenyago, gani? Ahihi! Avo va mwalo dzitshoni. Gambe kha va giti gilo gi va thelago dzitshoni; khu guralo, va na thega gumogo ni vambe, va mbembiswa muphelo litshigu nya gulamudwe. A ngu ganela Pfhumu Nungungulu.

Jeremiya 8:12

Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela Pfhumu Nungungulu.

Ezekiyeli 9:4

A di mu embela, khuye: “Gimbila-gimbila dhoropani ga Jerusalema, u vega gifungo giwomboni ga vale va lilago ni gudilela khu kotani nya guvivbe gwatshavbo gu girwago umomo.”

Malakiya 4:2

Aholu gwanu enu mu ningago githawo lina langu, gu na ngangamela lidambo nya wululamo li na resago guvbanyisa dzimbapini gwaye; enu mu na duga na mu gu ndragandraga kha nga simombyana si dugago khu phandroni.

Matewu 27:54

Muthangeli nya gikwata nya lizana masotshwa, gumogo navo a nga bani a gu ghadha navo Jesu, na va wonide girevareva gile, gumogo niso si nga bani si dugelela, va di tala khu hwanga, va ganela, khavo: “Khu lisine oyu a diri Gyanana gya Nungungulu!”

Luka 23:40

Aholu gimbe, na gi khuside lito, gi di mu kawuka, khigyo: “Ina uwe khu thavi Nungungulu. Olu u nga lamuledwa gu songwa naye, gani?

Varoma 11:20

Lisine ilolo. Avo va kokidwe khu kotani nya gumba khodwa, gasi uwe olu u vegidwe wulangani wowo khu kotani u khodwago. Ambari ulo, u nga dzi giri matshandza khu kotani nya isoso. Aholu gu vbwetega gu dzi wonela.

1 Pedro 5:6

Khu guralo, dzi nogiseni vbavbatshi nya mandza nya tshivba ya Nungungulu, gasi a mi khusedze khu gikhati gi enedego.

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”