Jeremiya 44:1 - Bhibhiliya Nya Guage

¹ Aya khu magana ya Pfhumu Nungungulu ma ganedwego khu muprofeti Jeremiya ga Vajudha vatshavbo va nga bani vari tigoni ga Egipito, na va vbahide Migidholi, Tafinisi, Menfisi ni tigoni gwa Patrosi, khuye:

Jeremiya 44:1 Iomraidhean Croise

Genesi 10:14

ni ava gambe va Patrusi ni va Kasilu, va dugelago umo Vafilisitiya ni Vakafitori.

Ekisodha 14:2

“Embela va na Israyeli va bwelela hwane, vaya zumba vbafuvbi ni lidhoropa la Pi-Hayiroti, vbakari ni vbakari nya eno khu Migidholi eno khu yiphwa, na va gu wona Bhahali-Zefoni. Gu vbwetega mu tsitsa mitshatsha yanu bambe nya yiphwa.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 19:13

Vathangeli va Zowa va vbungugide mapimo, vathangeli nya lidhoropa la Menifisi va kanganyisidwe; va pengiside Egipito a bela gughohani, avo gu vathangeli nya dzinyumba dzawe.

Jeremiya 2:16

Ambari ni vathu va tigoni ga Menfisi ni va Tafenisi va mi pandride phandza hungoni.

Jeremiya 24:8

Gufanana ni dzindzawa nyamba yela gu hodzwa, khu kotani nya guvave nya idzo, a ngu ganela Pfhumu Nungungulu; kharato nugo, nyi na ningela Zedhekiya, mufumeli wa Judha, ni dzindruna dzaye ni vathu va Jerusalema, avo va nga tshalago tigoni momu, ni vale va nga ya vbanyago tigoni ga Egipito.

Jeremiya 43:13

A na pandrelela sifananiso satshavbo nya sikhongolo nya vanungungulu dhoropani ga Bheti-Semesi, tigoni ga Egipito, a bwelo khavbo a vbisa dzinyumba dza vanungungulu vawe.”

Jeremiya 44:15

Khavbo avbo, vama vatshavbo va nga bani va dziti nya gukhavo vagadzi vawe va ngu vbisela libani vambe vanungungulu, ni vanyamayi vatshavbo va nga bani varomo vbale, ni gidzemo gyatshavbo nya vathu va nga bani va vbanya tigoni ga Egipito, gipandre gya Patrosi, va di phindrula Jeremiya, khavo:

Jeremiya 46:14

Huwelelani esi tigoni ga Egipito ni gu pwadza Migidholi; mu huwelela gambe Menfisi ni Tafenisi, ganelani, khenu: Khugani mu dzi dongisele, kholu matshari momo ma sasela vaakelane vanu.

Jeremiya 46:19

Uwe nyamahegyane u vbanyago Egipito, dongisela mirwalo gasi guya wugumbini, kholu lidhoropa la Menfisi li na khungumudwa li khala marumbi nyamba khadwa gambe khu muthu.

Ezekiyeli 29:10

Olu u ganedego gukhuwe: Tsongo khwangu, kheni nyi wu giridego, eni nyi ngu wugela uwe gumogo ni mitsongo yago; nyi na gira litigo la Egipito li khala giwula, marumbi nya guvbelele, gukhugela Migidholi kala Seveni, nyi vboha kala mivbinganoni ga Etiyopiya.

Ezekiyeli 29:14

Nyi na wuyisa Vagipiti vale va nga bani va romo wugumbini, va wuya tigoni ga Patrusi, tigoni gwawe nya mavelego; avbo va naya wumbago mufumo nyambana tshivba.

Ezekiyeli 30:13

Mune Pfhumu Nungungulu, a ngu ganela kharati, khuye: Nyi na khungumula gambe sifananiso, ni gu vbedza vanungungulu va Menifisi; kha gu na manega gambe vathangeli tigoni ga Egipito, nyi na thela hwanga tigoni gwatshavbo.

Ezekiyeli 30:14

Litigo la Patrusi, nyi na li gira marumbi, nyi na rotha nilo tigoni ga Zowani, nyi tsayisa vathu va tigoni ga Nohi.

Ezekiyeli 30:16

Nyi na khondrisa nilo tigoni ga Egipito; Sine a na bani ari ni wuvi nya wukhongolo ngudzu, Nohi a na khungumudwa, ni Menifisi a na lundrwa khu valala vaye vbakari nya mihani.

Ezekiyeli 30:18

Tigoni ga Tafinisi, gu na manega gidema vbakari nya mihani, gikhati nyi na fanyeledzelago mikanga ya Egipito, nyi vbedza matshandza nya tshivba yaye; sanana saye nya vanyamahegyane, si na fenengedzwa khu lipfhi si yiswa wugumbini.

Hoseya 9:6

Kholu wonani nya gukhenu va ngu tutuma va thava gusasedwa, aholu va na tombaniswa khu Egipito, va dzingwa khu Menifisi. Thomba yawe nya parata va yi golago, yi na pfhurela yi hodzwa khu muhwa; mitshatshani gwawe, gu na buga mwasi ni miba.