Jeremiya 42:1 - Bhibhiliya Nya Guage

¹ Khu guralo, vagimbidzisi vatshavbo nya nyimbi, Jowanani, mwamana wa Kareya, Jezaniya, mwamana wa Hosaya, ni vathu vatshavbo va tigoni; gukhugela vakhongolo ni avo nya vadugwana,

Jeremiya 42:1 Iomraidhean Croise

2 Dzipfhumu 25:23

Avbo vathangeli vatshavbo nya nyimbi, gumogo ni vathu vawe va ngapwago gupwani mufumeli wa Bhabhiloni, a vegide Gedhaliya gu khala mwamangulu, va dita Misipa ga Gedhaliya, a gu ava: Ismayeli, mwamana wa Netaniya, Jowanani, mwamana wa Kareya, Seraya, mwamana wa Tanumeti, nya gudugele Netofati, ni Jazaniya, mwamana wa Mahakati na vari ni vathu vawe.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Isaya 48:1

Upwani esi, enu nyumba ya Jakobe, mu ranwago khu lina la Israyeli, mu dugelago lihundzuni la Judha, mu sambanyago khu lina la Pfhumu Nungungulu, mu khozelago Nungungulu wa Israyeli, aholu nasiri khu lisine ni gululama.

Jeremiya 37:3

Khu guralo, mufumeli Zedhekiya, a di rumela Jukali, mwamana wa Selemiya, muphasi nya mhamba Sofoniya, mwamana wa Mahaseya, ga muprofeti Jeremiya va ya mu embela, khavo: “Lombelela khu ethu ga Pfhumu Nungungulu wathu.”

Jeremiya 40:13

Jowanani, mwamana wa Kareya, ni vatshavbo va gimbidzisi nya nyimbi va nga bani na va sihade magabini, va di hongola ga Gedhaliya, dhoropani ga Misipa,

Jeremiya 40:8

Va dita wonana ni Gedhaliya dhoropani ga Misipa vathangeli vava: Ismayeli, mwamana wa Netaniya, Jowanani ni Jonatane, sanana sa Kareya, Seraya, mwamana wa Tanumeti, ni sanana sa Efayi, wa Netofati, ni Jazaniya, mwamana wa moyo nya Muhaka, gumogo ni vathu vaye.

Jeremiya 41:11

Avbo Jowanani, wa Kareya, gumogo ni dzindruna dzaye nya nyimbi, va ngapwago wusaseli watshavbo wowu wu nga girwago khu Ismayeli, mwamana wa Netaniya,

Jeremiya 41:16

Khavbo avbo, Jowanani, mwamana wa Kareya, gumogo ni dzindruna dzaye dzatshavbo nya nyimbi a nga bani nari nadzo, ni vathu vatshavbo a nga va tshudzisago mandzani ga Ismayeli, mwamana Netaniya, gukhugela dhoropani ga Misipa, hwane nya gu bani na songide Gedhaliya, mwamana wa Ayikamo, va nga bani vari vama nya dzindrena nya nyimbi, vanyamayi ni sanana, ni mithenwa va nga bani va bweledzidwe khu Gibheyoni.

Jeremiya 41:18

khu kotani nya guthave Vakalidhiya, kholu Ismayeli, mwamana wa Netaniya a nga songago Gedhaliya, mwamana wa Ayikamo, uye a nga ningwago ndronga nya wufumu khu mufumeli wa Bhabhiloni, gu khala mwamangulu nya litigo la Judha.

Jeremiya 42:20

Kholu mu dzi girede mwabune libango khu gu nyi rumani nyi mu lombelela ga Pfhumu Nungungulu wathu, khenu: Satshavbo a na gu hi rumago hi embele, hi na si gira.

Jeremiya 42:8

uye a di ramba Jowanani, mwamana wa Kareya, ni dzindruna dzatshavbo nya nyimbi a nga bani nari nadzo, gumogo ni vathu vatshavbo, gukhugela vakhongolo ni vadugwana.

Jeremiya 43:2

Azariya, mwamana wa Hosaya, ni Jowanani, mwamana wa Kareya, ni vatshavbo va nya matshandza, va di embela Jeremiya, khavo: “Malipha isoso u ganelago! Pfhumu Nungungulu wathu, kha gu rumela guta hi embela khuye, hi nga hongoli hiya khala tigoni ga Egipito.

Jeremiya 44:12

Nyi na dzega mitshaledwa ya na Judha, avo va fungidego guya luvela tigoni ga Egipito; vatshavbo va na sasedwa vafa khu matshari ni ndzala tigoni ga Egipito; gu nafa sanana ni vakhongolo, va na khala gilo nya gisamadziso ni gihegiso.

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Ezekiyeli 11:1

Khavbo avbo, Liphuvbo li di nyi khusedzela, li nyi yisa vbamwanyatunu wu manegelago khu phuvbo ga Khugadambo nya Nyumba ya Pfhumu Nungungulu. Vbale, vbanyangwatunu nya mwanya, gu diromo magumavili na livbandre vama, nyi di wona vbakari gwawe, Jazaniya, mwamana wa Azuri, gumogo ni Pelatiya, mwamana wa Bhenaya, vathangeli nya vathu.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Ezekiyeli 8:11

Mbeli gwawe, gu diromo livbandre na mavili magumi (70) madhota ya na Israyeli, gumogo ni Jazaniya, mwamana wa Safani, a diri vbakari gwawe. Khu gyomboni nya guvbisele umo libani, gi nga bani giri mandzani ga moyo ni moyo, gu di gu gwela lipfhi nya likhongolo nya mahema nya gunungele.

Matewu 15:8

Vathu vava va gu nyi rungudza khu likana, aholu myonyo yawe yomo hwindzo ni eni.

Mithumo 8:10

Vathu vatshavbo, vakhongolo ni sanana, va di gu mu yingisa khu githawo, va ganela, khavo: “Muthu yoyu khuye tshivba ya Nungungulu, yi ranwago pwani ‘Tshivba yikhongolo.’ ”