Jeremiya 4:22 - Bhibhiliya Nya Guage

²² Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 4:22 Iomraidhean Croise

Genesi 39:16

A di vegedza guambala gwa Josefa kala mune waye a gu wuya.

2 Samuweli 13:3

Aholu, Amoni a diri ni pari, lina laye nya gupwani Jonadhabhi, mwamana wa Simaya, ndruye wa Dhavhidhe; Jonadhabhi yoyu a di gengede ngudzu.

Dzindzimo 36:3

Khu kanani gwaye gu duga magana nya guvivbe ni malipha, mano nya gugire esi nya sadi, a ma tsukude gale.

Dzindzimo 36:4

Vbadawutunu gwaye, a gu hingigedzela guvivba basi; a gu simama gubela khu ndzila nyambasi yadi, gima kha nyenyi guvivba.

Dzindzimo 53:4

Ina kha va pimi avo va girago guvivba; va tsagudzelago vathu vangu kha nga guhodza, gani? Avo kha va alakanyi Nungungulu.

Dzindzimo 82:5

Sipumbu kha siti gilo, sa gu vbanya gidemani; giseketelo nya nayo ni gululama tigoni, gi ngu tsekatsekiswa.

Mavingu 28:5

Vathu nya guvivbedwe khu myonyo kha va siti iso nya gululame, aholu avo va vbwetago Pfhumu Nungungulu, va nguti silo satshavbo.

Isaya 1:3

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Jeremiya 10:8

Aholu vatshavbo va dhadhavade va vbindrugedza va khala sipumbu; kholu vanungungulu vawe va di girwa khu misimbo.

Jeremiya 13:23

Ina Muetiyopi a ngu dzi kodza gu vbindrugedza tshonge yaye, mwendro likhamba mavalavala yaye, gani? Khu guralo, enu nenu, olu mu nga olovela gu gira guvivba kha mu na dzi khodza gu gira ugo nya gwadi.

Jeremiya 2:8

Vaphasi nya mhamba kha va wudzisa gilo, khavo: Womo hayi Pfhumu Nungungulu? Vahevbudzi nya nayo kha va khathala khu eni, vathangeli va di nyi wugela, vaprofeti va di profeta khu lina la Bhahali, va landrisela vanungungulu nyamba phasa gilo.

Jeremiya 4:21

Kala lini nyi na gu wona ngavbya, ni gupwa lito nya gudzume nya mipundru, na?

Jeremiya 5:21

“Olu yingisani esi enu vathunu nya mapemi ni gumbana mapimo, mu gu na ni maho, aholu mu si woni; ni dzindzeve gambe kha mu yingisi.”

Jeremiya 5:4

Aholu eni nyi di alakanya gukheni: Avo sisiwana basi; sipumbu, kha va yiti ndzila ya Pfhumu Nungungulu; niso si godwago khu Nungungulu wawe.

Jeremiya 9:2

Nari pwani ga Nungungulu nya gu mana wulanga giwulani, gasi, nyi kodza gu hambana ni vathu vangu nyi ya khala hwindzo navo, kholu avo vatshavbo sibhayi, gambe tsawa nya vakanganyisi!

Jeremiya 9:3

Va gu peta lidimi li fanana ni wulaho wu ghwimbidwego, gasi gu ganela malipha; va gu dzi tiyisa tigoni, aholu khandri khu lisine, kholu va gu tsakela guvivba, kha va khathali khu Eni; a ngu ganela Pfhumu Nungungulu.

Jeremiya 9:5

Maganani gwawe gu mwalo lisine, va gu kanganyisana khu gyawe, avo va di hevbudza lidimi lawe gu ganela malipha; va olovede gu gira guvivba, kha va kodzi gu dzi laya.

Ezekiyeli 16:30

Mune Pfhumu Nungungulu, wari khuye, u nyi goroside ngudzu khu gu gira silo satshavbo nya nga esi, u vbanya gukhwatshi u liphuphulu nya guvbelele.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Hoseya 5:4

Mithumo ya vathu vava kha yi va dzumedzisi gu wuya ga Nungungulu wawe. Kholu myonyoni gwawe, va taledwe khu liphuvbo nya wubhayi; kha va muti Pfhumu Nungungulu.

Amosi 3:10

Kholu avo kha va kodzi gu gimbila khu gululama, a ngu ganela Pfhumu Nungungulu, va gu wungedzela dzinyumbani gwawe nya wufumu esi va nga phangago khu wurena ni dzihanyi.

Mikeya 2:1

Libango, ga vale va na gu bani va lade malawuni gwawe, va luga makungo nya wuvivbi, gikhati gugyago va tadzisa esi va hungidego, kholu somo tshivbani nya mandza yawe.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Luka 16:8

Pfhumu yi di zundza muthangeli wule nyamba tumbega khu wugengeli waye. Khu lisine, vathangeli nya silo nya mafu va gengede guvbindra vathangeli nya silo sa Nungungulu umo nya wugwewo wawe ni vathu vakwawe.

Johane 16:3

Va na gira kharato kholu kha va muti, Babe wangu ni eni.

Varoma 1:22

Va gu dzi randra vathu nya guti, aholu na vari sipumbu.

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

Varoma 16:19

Mahungu nya gutumbege gwanu ga Kristo ma pwade malangani gwatshavbo, ma nyi tsakisa ngudzu. Aholu nya guvbweta gukheni mu gengela gasi mu kodze gu landra esi nya sadi; mu rula gasi mu kodze gu dzi vhikela ga esi nya guvivbe.

Varoma 3:11

Mwalo muthu a gu ni mapimo nya yadi. Mwalo a vbwetago Nungungulu.

1 Vakorinto 14:20

Vandruye, mu nga khali sanana mapimoni gwanu, aholu, khalani sanana ga esi nya guvivbe, mu khala vagulu nya vathu khu gu pima.

Dhewuteronome 32:28

Kholu vathu vangu va mwalo wusingalagadzi, sipumbu nya vathu, va gu mwalo mapimo.

Dhewuteronome 32:6

Ina khidzo kharati, mu bongago khidzo Pfhumu Nungungulu, enu vathu nya sipumbu, nya guhandruge, gani? Gasi khandruye babe wago, ni muvangi wago, gani? Khuye a gu wumbidego a wuya a gu tiyisa!