Jeremiya 4:2 - Bhibhiliya Nya Guage

² wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Jeremiya 4:2 Iomraidhean Croise

Genesi 22:18

Mayigo yatshavbo ya mafuni, ma na kategiswa khu ga melego wago, kholu uwe u yingiside magana yangu.”

1 Dzipfhumu 3:6

Solomoni a di hakha, khuye: “U girede wuhindzi nya wadi ga githumi gyago babe wangu, Dhavhidhe; kholu gimbide nago khu lisine ni gululama, ni monyo nya gurule mbeli gwago, u mu ningide wuhigo wago nya wukhongolo, khu gu mu ninga gyanana gi khadego vbagikhalotunu gwaye nya wufumu, kha nga u si wonago muhuno.

Dzindzimo 72:17

Lina la mufumeli li na simame kala gupindruga ndruma yaye yi na pwale, yi na simame vbavbatshi nya lidambo; khavbo gwaye va na kategiswe vathu vatshavbo, mayigo ma na mu rane oyu a kategidego.

Dzindzimo 99:4

Uwe u Pfhumu nya tshivba u golago gululama, U tiyiside esi si lulamidego, u ngu lamula sanana sa Jakobe khu nayo ni lisine.

Isaya 45:23

Eni nyi sambanyide nyabune; khu kanani gwangu gu di duga esi nya gululame, ni magana yangu kha ma na bwelela hwane, mazolo yatshavbo ma na khidzima mbeli gwangu, ni malimi yatshavbo ma na sambanya khu eni.

Isaya 45:25

Aholu, situgulwana satshavbo sa Israyeli si na sayedwa gululama avbo ga Pfhumu Nungungulu, va dzi zundza khavbo gwaye.

Isaya 65:16

Ni wevbini a lombago gikategiso omu mafuni, a na kategiswa khu Nungungulu nya lisine, ni wevbini a na gu sambanyago mafuni, a na sambanya khu Nungungulu nya lisine; kholu gugaradzega gwaye gwa gale gu na divaledwa; gu sihidwe mbeli gwangu.

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Jeremiya 12:15

Aholu, khu hwane nya gu bani nyi va duside, nyi na bwelo khavbo nyi va pwela wusiwana, nyi na va bweledza moyo ni moyo thombani gwaye, muthu ni muthu a bwelela tigoni gwaye.

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 3:17

Khu gikhati gyogyo, Jerusalema gu na ranwa Gikhalo nya wufumu wa Pfhumu Nungungulu; gu na ya tombana gwaye mayigo yatshavbo guya rungudza lina la Pfhumu Nungungulu, kha va na gira gambe iso si godwago khu gudzina nya myonyo yawe nya guvivbe.

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Jeremiya 5:2

Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Jeremiya 7:5

Aholu, phelani khu gu ndreya ndzilani gwanu ni mithumoni gwanu nya guvivbe, mwa gu lamulani khu gululama vbakari gwanu, ni ga vaakelane vanu;

Jeremiya 9:24

gasi uye a vbwetago gu dzi zundza, a na dzi zundze khesi: A ngu yela gu nyiti ni gukhuye eni kheni Pfhumu Nungungulu nyi girago wuhindzi, ni gu lamula khu gululama omu mafuni; kholu khiso si nyi nengedzisago; a ngu ganela Pfhumu Nungungulu.

Hoseya 2:19

Nyi na gu dzega u khala mwangadzi wangu kala gupindruga; nyi na dzegana nago khu lisine ni gululama, khu lihaladzo ni gutsetselelana.

Joyele 2:12

Khu guralo, olu kamwe, a ngu ganela Pfhumu Nungungulu, khuye: Vbindrugedzani mu wuye gwangu khu monyo wanu watshavbo; isoso na mu gu hala khu gu lila ni gu womba dzihuwa.

Zakariya 8:8

nyi na va resa, va ta khala vbakari ga Jerusalema; va na bani vari vathu vangu, Eni neni nyi na bani nyiri Nungungulu wawe khu lisine ni gululama.”

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

1 Vakorinto 1:31

Khu magirelo yoyo, kha nga idzo yi ganelago Milowo nya Guage, khiyo: “Oyu a vbwetago gu dzi khusedza, a na dzi khusedze khu esi Pfhumu a girago.”

2 Vakorinto 10:17

Oyu a vbwetago gu dzi khusedza, a na dzi khusedze Pfhumuni.

Vagalatiya 3:8

Milowo nya Guage yi tugude gale gukhiyo Nungungulu a na ninga gululama vale va si gu Vajudha, khu kota nya gukhodwe. Gu di tiviswa ga Abrahama Mahungu Yadi yaya nya gupwani: “Ma na kategiswa khavbo gwago mayigo yatshavbo ya mafuni.”

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Dhewuteronome 4:30

Gikhati u na manago sigaradzo, ni silo satshavbo soso si na gu vbohelago khu matshigu nya guhegise, u wuya ga Pfhumu Nungungulu wago, u yingisa lito laye,

Dhewuteronome 6:13

U na ninga githawo Pfhumu Nungungulu wago, u mu thumela, u sambanya khu lina laye.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.

Rute 3:13

Wutshigu wowu lala avba! Ga gugya mindru, uye a gu dzina guta gu hambela, ma tshambide; aholu a guta bomba gu gu hambela, eni nyi ngu sambanya khu Pfhumu Nungungulu a vbanyago gukheni nyi na gu hambela. Lala avba kala mindru.”

1 Samuweli 20:3

Khu guralo, Dhavhidhe a di gira gisambanyo a ganela, khuye: “Babe wago a ngu dziti gwadi gukhuye eni nyi manide wuwadi nya wukhongolo monyoni gwago, a di pimisa, khuye: Jonatane a nga siti esi gasi a si khuveki. Khu guralo, eni nyi ngu sambanya khu Pfhumu Nungungulu a vbanyago gukheni nyi womo ndzilani nya gufe.”