Jeremiya 4:13 - Bhibhiliya Nya Guage

¹³ Mupfhungumuli a nata kha nga lipfhi nya gingulu, dzikareta dzaye dzi nata kha nga gipupwane; dzikavalu dzaye dzi na vbuvba guvbindra maghama. Libango avbo gwathu, kholu hi ngu mbemba!

Jeremiya 4:13 Iomraidhean Croise

2 Samuweli 1:23

Sawule ni Jonatane va di gu godwa ni gu haladzwa, guvbanyani ni gufani, gima kha va hambana! Va di gu vbuvba gu vbindra maghama, ni tshivba gu vbindra dzinghala.

Isaya 13:5

Va guta khu mayigoni ya hwindzo nya mahegiso nya lidambo. Khu Pfhumu Nungungulu ni matshari nya likhulo laye, a tago guta sasela litigo latshavbo.

Isaya 19:1

Gitiviso khu litigo la Egipito: Wonani gukhenu, Pfhumu Nungungulu, a nguta na khilede vbatshani nya lipfhi nya mazambo, ata tigoni ga Egipito. Sifananiso nya vanungungulu va Egipito, si na ndrendremela mbeli gwaye, ni myonyo ya Vagipiti yi na ghavata ndrani gwawe.

Isaya 3:8

Kholu Jerusalema gu tshunganede, Judha thegide, kholu magana ni mithumo yaye, khya gu wugela Pfhumu Nungungulu, va hembulula guwonega nya wudhumo waye.

Isaya 5:28

Siholoma sawe si na bani na si lodzidwe gwadi, malaho yawe yatshavbo, na ma khwandridwe; samba nya dzikavalu dzawe, sa gu fanana ni siwindri, ni marodha nya dzikareta dzawe, gukhwatshi gipupwane.

Isaya 66:15

Wonani nya gukhenu Pfhumu Nungungulu a nata kha nga nilo, ni dzikareta dzaye dzi na fanana ni gipupwane, gasi gu resa likhulo laye nya guvbise. A na va kawuka khu malavbelavbe nya nilo.

Jeremiya 10:19

Yowe! Libango langu khu kotani nya gumbembiswe gwangu, mbanga yangu yi mwalo rendre! Ambari khu guralo nyi di, kheni: Owu khu tsayiso wangu, nyi fanede gu wu rwala.

Jeremiya 4:12

Phuvbo yeyi nyi na yi resago yi na bani yiri ni tshivba ngudzu, gasi guta va lamula khiyo.

Jeremiya 4:31

Kholu nya gupwa lito nya miketo nya gufanane ni nyamayi a lumwago, miketo nya wuvi ya nyamayi nya tiwula. Lito la lidhoropa la Siyoni li lilago na li gu khusa mandza, khilo: Yowe! Nyi fude, hefemulo wangu wu vbede tshivba khu kotani nya vasaseli!

Jeremiya 46:18

Nyi ngu sambanya khu guvbanya gwangu, a ngu ganela mufumeli, lina laye a gu uye Pfhumu Nungungulu nya Tshivba Yatshavbo, uye a nata nga gigomo gya Tabhori vbatshani nya sigomo, nga gigomo gya Karimelo bambe nya linene.

Jeremiya 48:40

Kholu Pfhumu Nungungulu, a ngu ganela kharati, khuye: Wonani nya gukhenu nala wa Mowabhi, a nata na gu vbuvba nga lighama, a ta mbaka vbatshani gwaye.

Jeremiya 49:22

Wonani nala a tago khu gu vbuvba kha nga lighama, ata mbaka vbatshani ga Bhozira; khu litshigu lolo, myonyo nya dzindrena dza Edhomi yi na fanana ni monyo wa nyamayi a lumwago.

Jeremiya 6:23

Va nata na va somide malaho ni sighalala; avo vathu nya lunya ni gumbana gisiro; ligwaha lawe la gu dzuma kha nga libimbi nya linene; na va khilede dzikavalu, na va somide gu dwana nago uwe lidhoropa la Siyoni.”

Jeremiya 9:19

Kholu gu ngu pwala lito nya gililo li dugago khu Siyoni, khilo: “Yowe, yowe! Libango lathu hi mbembisidwe! Hi tade khu dzitshoni, kholu hi ngu duswa tigoni gwathu, va hafumude dzinyumba dzathu!”

Gililo 4:19

Avo va hi lundrago va na ni mazambo guvbindra maghama ya damboni, va di hi tutumisa sigomoni va hi demba khu milaphwi giwulani. Resi

Ezekiyeli 26:10

A na gu fenengedza khu kudzudzwane khu gutala nya dzikavalu dzaye, mabhiyo yago ma na tsekatseka khu sikingo nya vakhileli nya dzikavalu, ni ligwaha nya dzikareta ni dzimovha, gikhati uye a na belago khu myanya yago mwendro khu dzinyangwa nya lidhoropa nya gukari li gu bani li podwe gihogo.

Ezekiyeli 38:9

Khu guralo, uwe ni masotshwa yago yatshavbo, ni mayigo nya mangi mu na va dhumelani kha nga gingulu, u na gira kha nga lipfhi li fenengedzago litigo.

Dhaniyeli 11:40

Khu mahegiso nya gikhati, mufumeli wa Marandzi a nata dwana naye, aholu mufumeli wa Wuronga a na mu khinga khu dzikareta, vakhileli nya dzikavalu ni dzingalava nya dzingi. A na bela mayigoni a va kukuluta nga ndrambi nya mati.

Dhaniyeli 7:4

Igyo nya guhegule, gi di fanana ni nghala na giri ni mambapi nya lighama. Nyi di gi khedza kala mambapi yaye ma duswa, gi khuswa gi emiswa mafuni nga muthu, gi ningwa monyo nya muthu.

Hoseya 8:1

Thela pundru kanani gwago! Kholu nala a nguta khu guvbuvba kha nga lighama, guta dhumela Nyumba ya Pfhumu Nungungulu, kholu mu hambanide ni gidzumeledzwano gyangu, mu wugela nayo wangu.

Mikeya 2:4

Khu litshigu lolo va na embelela ndzimo nya gu mu hege khiyo, va emba ndzimo yeyi nya gililo, khavo: Hi mbembisidwe muphelo! A dzega thomba ya tigoni gwathu a ninga vambe vathu! Uye a di hi wandrela! A dzega marembwe yathu a ningela avo va hi tshanisago.”

Nahume 1:3

Pfhumu Nungungulu a ngu hwela gu goroga, gambe khongolo khu Tshivba; kha na diga gu tsayisa gighohi. Ndzila yaye yomo omu nya gingulu numo nya gipupwane; mapfhi i kudzudzwane nya migondro yaye.

Habhakuka 1:8

Dzikavalu dzawe dzi na ni mazambo guvbindra magamba, dzi gira gigaha guvbindra masolwa vbawutshigutunu, vakhileli nya dzikavalu dzawe va gu phalalega malangani yawe va vbuvba nga maghama ma tutumelago guhodza.

Zakariya 6:1

Nyi di engedza gambe nyi khusa maho yangu: Nyi di wona dzikareta dzina na dzi gu duga khu vbakari nya sigomo sivili; sigomo sesi si diri sa sugu.

Matewu 24:30

Khavbo avbo, gu na wonega Ndzadzini giyeyedzo gya Mwamana wa Muthu, giyeyedzo gi na gu girago vathu vatshavbo nya mafu va lila khu gu wona Mwamana wa Muthu na guta vbakari nya lipfhi, na tade khu tshivba nya yikhongolo ni gidhumo.

Dhewuteronome 28:49

Pfhumu Nungungulu a na guresela khu hwindzo, khu mahegiso nya litigo, mufumo wu vbuvbago gu fanana ni lighama; vathu vaye u si litigo ni lidimi va ganelago,

Gutuledwa 1:7

Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.