Jeremiya 4:1 - Bhibhiliya Nya Guage

¹ Pfhumu Nungungulu a ngu ganela, khuye: Wa gu vbindrugedza mavbanyelo uwe Israyeli, u na wuya avbo gwangu. Wa gu ndreyisa mbeli gwangu manyala yago, khu na legalega gambe,

Jeremiya 4:1 Iomraidhean Croise

Genesi 35:2

Jakobe a di embela ngamo yaye ni vatshavbo a nga bani nari navo, khuye: “Fuvisani vanungungulu nya valombo va guromo vbakari gwanu, dzi agiseni mu vbindrugedza guambala.

2 Dzipfhumu 23:13

Mufumeli a di tshipisa gambe malanga nya gukhugege ma nga bani ma khedzanide ni Jerusalema, nyamudye ga gigomo gya Masiti, ayo ma nga bani ma vbahedwe Asitaroti khu Solomoni, mufumeli wa Israyeli, nungungulu nya manyala wa Vasidhoni, ni ga Khemosi, manyala ya va na Mowabhi, ni ga Milikamo, manyala ya sanana sa Amoni.

2 Dzipfhumu 23:24

Josiya, a di lundra gambe vanyadzisolo, va nya gufemba, sithungulu, sifananiso ni manyala yatshavbo ma nga bani na ma gu wonega tigoni ga Judha ni Jerusalema, gasi gu tiyisa magana nya Nayo, ma nga bani ma lovidwe umo nya Libhuku li nga tugudwago khu muphasi nya khongolo nya mhamba Hilikiya, Nyumbani ga Pfhumu Nungungulu.

2 Dzikoronika 15:8

Asa na pwide magana yaya, ni wuprofeti wa muprofeti Azariya, mwamana wa Obhedhi, a di tiya longo a dusela manyala yatshavbo nya gunyenyeze tigoni ga Judha ni ga Bhejami, gumogo ni madhoropani gwatshavbo a nga ma dwanela a ma wandra, gipandre gya mugigomoni gya Efrayimi; a wusedza giluvelo gya Pfhumu Nungungulu gi nga bani gi romo mbeli nya Nyumba ya Pfhumu Nungungulu.

2 Dzikoronika 33:8

Gima kha nyi na dusa gambe migondro ya Israyeli ga litigo leli nyi li hathidego gu khala la vababe vanu; va gu thela kota khu gu landrisa sileletelo nyi va embedego, va gu sayisa milayo yatshavbo, ni sihevbudzo ni sileletelo nyi va ningidego khu mandzani ga Mosi.”

2 Dzikoronika 34:33

Khu magirelo yaya, Josiya a di fuvisa manyala yatshavbo ya tigoni gwatshavbo ga Israyeli a guruvedza vatshavbo va nga bani va gu manega tigoni ga Israyeli, gu va thumela Pfhumu Nungungulu wawe. Na nga gu vbanya Josiya, avo gima kha va nga hambana ni Pfhumu Nungungulu wa vababe vawe.

Isaya 31:6

Khu guralo, olu enu va na Israyeli vbindrugedzani mu wuya gwaye enu mu nga bani mu hambanide naye.

Jeremiya 15:19

Khu guralo, Pfhumu Nungungulu a ngu ganela kharati, khuye: “Wa gu dzi laya, u wuya eno gwangu, nyi na gu hakha u ta khala mbeli gwangu; wa gu ganela silo nya lisima u hambana niso nya guvivbe, uwe u na khala kha nga likana langu, vathu va na wuya iyo gwago, khandri uwe u na gu bwelelago iyo gwawe.

Jeremiya 15:4

Nyi na va ningela va khala gihegiso ga mifumo yatshavbo ya mafuni; khu kotani ya Manasi, mwamana wa Ezekhiya, mufumeli wa Judha, khu satshavbo iso a giridego Jerusalema.

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 25:5

avbo va nga bani va mi embela, khavo: Olu, vbindrugedzani mavbanyelo, muthu ni muthu a diga ndzila yaye nyamba yadi ni mithumo yaye nya guvivbe, gasi mu kodze gu khala ga litigo Pfhumu Nungungulu a ningidego enu ni vababe vanu, gukhugela matshiguni ya gale kala gupindruga.

Jeremiya 3:1

Gu ngu ganedwa gupwani: “Mwama a gu hula mwangadzi waye, nyamayi yoyu aya dzegwa khu mumbe mwama, ina gu ngu kodzega gu bwelo khavbo ata hakhwa khuye nya guphele, gani? Ina kha na nga nyenyezisa litigo latshavbo, gani? Uwe u dzi ningedego ga sibhayi nya singi, ina uwe u ngu dzi kodza gu bwelelela gambe eno gwangu, gani?” A ngu wudzisa Pfhumu Nungungulu.

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 3:14

Wuyani gwangu enu sanana nya gukanyise, a ngu ganela Pfhumu Nungungulu; kholu eni kheni Pfhumu yanu, nyi na mi dzegani, moyo ni moyo khu madhoropani ni vavili-vavili khu lihundzu ni lihundzu nyi mi hetedza kala Siyoni.

Jeremiya 3:22

Vbindrugedzani mu wuya eno gwangu enu sanananu nyamba tumbega, eni nyi na mi vbanyisa madwali nya gukanyise gwanu.” Avo va di hakha, khavo: Hi womo avba; kholu uwe khuwe Pfhumu Nungungulu wathu.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 36:3

“A gu dzina saye, vathu va nyumbani ga Judha va napwa makungo nya dzimhango nyi vbwetago gu va resela, mwendro saye muthu ni muthu a na vbindrugedza ndzilani gwaye nyambasi yadi, nyi kodza gu va tsetselela guvivba ni sighoho sawe.”

Jeremiya 4:4

Khalani vathu va hanidego wugwera mahoni gwa Pfhumu Nungungulu, dusani guvivba gwa myonyoni gwanu enu vathu va Judha ni enu vavbanyi va Jerusalema, gasi mu sivbyi khu nilo nya likhulo langu, nyamba manega ni moyo nya gu wu tshime, khu kotani nya mithumo yanu nya guvivbe.

Jeremiya 7:3

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Lulamisani dzindzila dzanu, mu diga mavbanyelo yanu nyambasi yadi, gasi nyi kodze gu mi vega mu vbanye wulanga wowu.

Jeremiya 7:5

Aholu, phelani khu gu ndreya ndzilani gwanu ni mithumoni gwanu nya guvivbe, mwa gu lamulani khu gululama vbakari gwanu, ni ga vaakelane vanu;

Jeremiya 7:7

Khu guralo, nyi na mi girani mu khala ga wulanga wowu, tigoni momu nyi ningidego vababe vanu, gukhugela matshiguni ya gale kala gupindruga.

Ezekiyeli 11:18

Gikhati va vbohago tigoni momo, va na duse sifananiso satshavbo nya guvivbe, ni gu diga gukhozela sifananiso.

Ezekiyeli 18:13

A fiyarisa na gu lirela bhindzu ni guvelegisa. Muthu nya nga yoyo, a ngu yela guvbanya, gani? Ahihi, kha na vbanya! Khu kotani nya mithumo yatshavbo yoyo nya guvivbe, khu lisine a nafa, uye mune kamwe a na rwala nandru nya gufe gwaye.”

Ezekiyeli 43:9

Olu, va na ndreyise wubhayi wawe wuya hwindzo ni eni ni sifananiso nyambana hefemulo ni sirumbi sa vafumeli vawe, eni nyi na vbanya vbakari gwawe kala gupindruga.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Hoseya 2:2

Kawukani mayi wanu, mu kawukeni, kholu uye khandri mwangadzi wangu, eni neni kha nyiri nyi mwama waye. Mu layeni a duse wuphuphulu khovbeni gwaye, ni gu hambana ni wubhayi maveleni gwaye.

Hoseya 7:16

Ambari olu va vbindrugedzago va wuya, kha va wuyi ga uye a Khusegidego Ngudzu; va gu fanana ni wulaho nya guwegele. Vathangeli vawe va na songwa khu matshari, kholu khu maganani gwawe gu di duga magana nya gu dzi khusedze. Khu guralo, va na khala gihegiso tigoni gwatshavbo gwa Egipito.

Joyele 2:12

Khu guralo, olu kamwe, a ngu ganela Pfhumu Nungungulu, khuye: Vbindrugedzani mu wuye gwangu khu monyo wanu watshavbo; isoso na mu gu hala khu gu lila ni gu womba dzihuwa.

Zakariya 1:4

Mu nga girini kha nga vababe vanu, va nga huweledwa khu vaprofeti nya guhegule, va nga ganela gwawe, khavo: Pfhumu Nungungulu nya Tshivba Yatshavbo, a ngu ganela kharati, khuye: Vbindrugedzani, mu diga dzindzila dzanu nya guvivbe ni mithumo yanu nya gunyenyeze. Aholu avo kha va nyi yingisa, gambe gima kha va thela kota khu eni, a ngu ganela Pfhumu Nungungulu.

Dhewuteronome 27:15

Libango ga muthu a dzi girelago gifananiso nya guvatwe mwendro nya gupfhudwe, kholu manyala ga Pfhumu Nungungulu, gilo nya gugirwe khu thumo nya wumeseri, a gi vega gusihalani gasi gu gi khzela. Vathu vatshavbo va na hakha, khavo: “Amen!”

Dhewuteronome 4:30

Gikhati u na manago sigaradzo, ni silo satshavbo soso si na gu vbohelago khu matshigu nya guhegise, u wuya ga Pfhumu Nungungulu wago, u yingisa lito laye,

Josuwa 24:14

Gasi olu, ningani githawo Pfhumu Nungungulu, mu Mu thumela khu gutumbega nya lisine; dzudzugani hwindzo vanungungulu va nga thumedwa khu vababe vanu khisikheyi nya tsongo wa Ewufrate ni Egipito, mu khozela Pfhumu Nungungulu.

Valamuli 10:16

Khavbo avbo, va di khungumulela vanungungulu nyamba phasa gilo va nga bani varomo vbakari gwawe, va khozela Pfhumu Nungungulu; uye a di vbisega ngudzu khu kotani ya Israyeli.

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”