Jeremiya 36:12 - Bhibhiliya Nya Guage

¹² a di hongola nyumbani nya wufumu, umo nya huwo ya mulovi, gu nga bani gu tshanganide manganagana yatshavbo; mulovi Elisama, Dhelaya, mwamana wa Simaya, Elinatani, mwamana wa Akibhori, Gemariya, mwamana wa Safani, Zedhekiya, mwamana wa Hananiya ni dzimbe dzindruna.

Jeremiya 36:12 Iomraidhean Croise

2 Dzipfhumu 22:12

mufumeli a leletela muphasi nya mhamba Hilikiya, Ayikamo, mwamana wa Safani, Akibhori, mwamana wa Mikeya, ni mulovi Safani ni Asaya githumi gya mufumeli, a va embela, khuye:

2 Dzipfhumu 22:14

Khavbo avbo, muphasi nya mhamba Hilikiya, ni Ayikamo, Akibhori, Safani ni Asaya, va diya ga muprofeti nya nyamayi Hulidha, mwangadzi wa Salumi, mwamana wa Tikivha, mwamana wa Harasi, musayisi nya dzingandzu; a di vbahide Jerusalema; khu gipandre nya wuvili nya lidhoropa, va ya ganela naye.

2 Dzipfhumu 22:3

Khu mwaga nya likhumi na livbandre na miraru nya gufume ga mufumeli Josiya, mufumeli a di rumela Nyumbani ga Pfhumu Nungungulu, mulovi Safani, mwamana wa Azaliya, mwamana wa Mesulamo, a mu embela, khuye:

2 Dzipfhumu 24:8

Jowakimi a diri ni likhumi na livbandre na miraru myaga nya guvelegwe, gikhati a nga phelago gu fuma; fumide migima miraru Jerusalema. Lina la mayi waye a diri uye Newusita, nyamahegyane wa Elinatani, givelegwa gya Jerusalema.

Jeremiya 26:10

Avbo manganagana ya tigoni ga Judha ma ngapwago magana yaya, va di khuga khu ndrangani ga mufumeli va gwela Nyumbani ga Pfhumu Nungungulu va ya khala vbanyangwatunu yi ranwago gupwani: “Nyangwa nya Yiphya ya Pfhumu Nungungulu.”

Jeremiya 26:22

Aholu mufumeli Jowakimi, a di rumela Elinatani, mwamana wa Akibhori, ni vambe vama va mu landra tigoni ga Egipito.

Jeremiya 26:24

Ayikamo, mwamana wa Safani, khuye a nga vbulugisago muprofeti Jeremiya gu songwa khu gidzemo.

Jeremiya 36:25

Ambari khu gilombo gya Elinatani, Dhelaya ni Gemariya va nga khongotela mufumeli gukhavo a si vbisi libhuku, uye kha nga va yingisa.

Jeremiya 38:4

Khavbo avbo, manganagana ma di embela mufumeli, khayo: “Oyu muthu a ngu yela gufa; kholu a ngu vbedza tshivba masotshwa ma tshadego dhoropani momu ni gu rerekisa mandza nya vathu vatshavbo, khu gu ganela magana nya nga aya. Kholu mwama yoyu a gu suvela guvivba litigo leli, wulangani nya gu vbwete gurula.”

Jeremiya 41:1

Khu ngima nya livbandre na wuvili, Ismayeli, mwamana wa Netaniya, mwamana wa Elisama, wa nyumbani nya wufumu, a nga bani ari moyo nya ndruna ya mufumeli, na gu bangaladzwa khu likhumi vama, va di hongola Misipa va ya wonana ni Gedhaliya, mwamana wa Ayikamo, va diya hodza naye gumogo.