Jeremiya 34:22 - Bhibhiliya Nya Guage

²² Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Jeremiya 34:22 Iomraidhean Croise

2 Samuweli 16:11

Dhavhidhe a di engedza a embela Abhisayi, ni vathu vaye, khuye: “Ambari gyanana gya mahembeni gwangu gi vbwetago gu nyi songa, a na tandrega kharini mubhejami yoyu? Mu digeni a nyi hembulula kha nga a rumidwego khu Pfhumu Nungungulu.

2 Dzipfhumu 25:6

Va di mola mufumeli va mu yisa ga mufumeli wa Bhabhiloni, tigoni ga Ribala; aya lamudwa iyoyo.

2 Dzipfhumu 25:9

a ta vbisa Nyumba ya Pfhumu Nungungulu, nyumba ya mufumeli, gumogo ni dzinyumba dzatshavbo dza Jerusalema; a vbisa ni dzinyumba dzatshavbo dza vathangeli.

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Isaya 13:3

Nyi ningide nayo sihathwa sangu, ina, nyi ranide dzindrena dzangu, edzi dzi dwanelago wugulu wangu, gasi va thuma thumo nya likhulo langu.

Isaya 24:12

Lidhoropa li khade marumbi, ni malimba yaye ma pandreledwe.

Isaya 37:26

Ina khwa si pima gukhuwe gukhugela gale kheni nyi dongisedego makungo yaya, gani? Gasi olu, nya gu ma gira ma tadzisega, eni nyi dzinide gukheni uwe u khungumule madhoropa nya makhokhola, ma vbindrugedza ma khala marumbi.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Isaya 64:10

Madhoropa yago nya guage, ma khade giwula, Siyoni, khade mafu nya gihala; ni Jerusalema khade marumbi.

Jeremiya 2:15

Singhalana si di bhonga vbakari gwawe, na si gu ngurura khu lito nya gukhugege; va vbisa madhoropa yawe, litigo lawe li khala marumbi nyamba khadwa khu muthu.

Jeremiya 32:29

Vakalidhiya va saselago lidhoropa leli va na bela umo va li vbisa khu nilo, va na vbisa ni dzinyumba edzi va na Israyeli va nga wusa khidzo likhulo langu khu gu lita khu vbatshani nya sikoli va vbisa libani gasi gu girela dzimhamba Bhahali ni gu ninga miphaso nya wadwa vambe vanungungulu nya malipha.

Jeremiya 33:10

Pfhumu Nungungulu a ngu ganela kharati, khuye: Wulanga wowu mu wu ranago khenu giwula nyamba khadwa khu muthu ambari sirengo, khu guralo, madhoropani ya Judha ni dzindzilani ga Jerusalema, gu ghohetedwego nyamba manega muthu ambari gu khadwa khu vathu ni sirengo, gu nga na gu pwala gambe

Jeremiya 34:2

Pfhumu Nungungulu wa Israyeli, a ngu ganela kharati, khuye: Indra u ya embela Zedhekiya, mufumeli wa Judha, khuwe: Pfhumu Nungungulu a ngu ganela kharati, khuye: Nyi ngu ningela lidhoropa leli mandzani ga mufumeli wa Bhabhiloni, uye a na li vbisa khu nilo.

Jeremiya 38:23

Khu guralo, vagadzi vago gumogo ni sanana sago va na ningedwa ga Vakalidhiya, uwe nuwe khu na vbuluga mandzani gwawe; aholu u na modwa khu mufumeli wa Bhabhiloni, ni lidhoropa leli uye a na li vbisa khu nilo.

Jeremiya 39:8

Vakalidhiya va di vbisa nyumba ya mufumeli gumogo ni dzinyumba dza vathu, va khungumulela gambe mabhiyo ya Jerusalema.

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 44:22

Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Jeremiya 50:13

Khu kotani nya likhulo la Pfhumu Nungungulu, mwalo na moyo a na gu khalago umo, aholu li na bani liri marumbi nya guvbelele; ni vatshavbo va na vbindrago khu Bhabhiloni, va na samala ni gu womba ndrodzi, khu gu wona dzimhango dzatshavbo dzi na gu mu dugelelago.

Jeremiya 52:13

a ta vbisa Nyumba ya Pfhumu Nungungulu, nyumba ya mufumeli, dzinyumba dzatshavbo dza dhoropani ga Jerusalema gumogo ni dzinyumba dza vathu vatshavbo nya guthavisege.

Jeremiya 52:7

khu guralo, gu di podwa libhiyo nya lidhoropa gu manega gihogo, vama vatshavbo nya nyimbi va di duga va thava ni vbawutshigutunu, khu ndzila yi guromo khu vbakari nya mabhiyo ya mavili vbafuvbi ni lithembwe nya senge la mufumeli, kholu Vakalidhiya va di gu randrede lidhoropa khu maphuvbo yatshavbo. Avo va nga thavago va di bela khu ndzila yi thononago panini.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Gililo 1:1

Khu ginani li khadego marumbi lidhoropa leli gale li nga bani li tade khu vathu! Lidhoropa leli gale li nga bani liri likhongolo vbakari nya mayigo. Olu li vbindrugedzide li khala noni li nga bani liri ni wudhumo vbakari nya mayigo, olu li khade gisiwana! Bet

Ezekiyeli 13:22

Khu malipha yanu mu tshunganiside wongo wa muthu nya gululame, a diga gu gira gugola gwangu, mu tiyisela vathu nya guvivbedwe khu myonyo, va si digi dzindzila dzawe nya guvivbe gasi guvbulugisa womi wawe.

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Mikeya 7:13

Aholu, litigo leli li na khala giwula, khu kotani nya wuvivbi wu giridwego khu vathu va vbanyago umo ni kotani nya mihandro yawe va giridego.

Zakariya 1:12

Khavbo avbo, ngilozi ya Pfhumu Nungungulu, yi di wudzisa, khiyo: “Ama Pfhumu Nungungulu nya Tshivba Yatshavbo, u na kala lini nu si pweli wusiwana Jerusalema ni madhoropa yatshavbo ya Judha u ma tshanisago khu likhulo lago ndrani nya gipandre gegi nya livbandre na mavili magumi (70) myaga?”

Zakariya 7:14

Uye a di va phalalegisa khu phuvbo nya gingulu vbakari nya mayigo yatshavbo va nga bani va si mati; hwane gwawe, litigo li di tshala li phangwa khu gu avo na va dugide, mwalo muthu a na vbindrago, mwendro gu bela ni gu duga gambe khumo. Kholu va dzegide litigo nya ladi nya wurendra va li vbindrugedza li khala giwula.

Matewu 22:7

Mufumeli wule a di garadzega ngudzu, a gu rumela masotshwa maya songa sighevenga sile, gumogo ni gu si vbisela lidhoropa lawe.