Jeremiya 33:6 - Bhibhiliya Nya Guage

⁶ Nyi na hungelela silondra sawe, nyi va vbodzisa ni gu va vbanyisa, nyi bwelo khavbo nyi va ninga gurula nya gungi ni lisine.

Jeremiya 33:6 Iomraidhean Croise

Dzindzimo 147:3

A ngu tangadzisa myonyo yi khuvekidego, a hungelela silondra sawe!

Dzindzimo 37:11

aholu va nya gurula va na fumela litigo, va na nengela khu gurula nya gungi.

Dzindzimo 67:2

gasi vathu nya mayigo yatshavbo vati gugola gwaye, guvbanyisa gwaye gu wonwa khu mahundzu yatshavbo.

Dzindzimo 72:7

Gu na manege gululama matshiguni nya gufume gwaye, gurula gu na manege kala ngima wu si wonegi.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Muhevbudzi 3:3

gikhati nya gusonge, ni gikhati nya guvbanyise; gikhati nya gupfhungumule, ni gikhati nya guvbahe;

Isaya 2:4

Uye a na khala mulamuli vbakari nya mayigo, ni gu tsayisa mafumbo nya mangi. Matshari yawe ma na vbindrugedza ma khala mavbadza, ni siholoma sawe si khala sivbwero; li mwalo litigo li na gu wugelago litigo li kwawe, ambari vathu kha va na hevbula gu dwana nyimbi.

Isaya 30:26

Ngima wu na ngangamela kha nga lidambo, ni gungangamela nya lidambo gu na engedzedwa livbandre na dzimbili dzinyondro, kha nga gungangamela nya livbandre na mavili matshigu, litshigu Pfhumu Nungungulu a na hungelelago dzimbanga dza vathu vaye ni gu vbodzisa silondra nya dziphandza a va pandridego.

Isaya 39:8

Khavbo avbo, Ezekhiya a di embela Isaya, khuye: “Magana ya Pfhumu Nungungulu u nyi embedego khyadi.” A engedza gambe khuye, eni nyi di gu pimisa gukheni gu na manega gurula ni gukhadzisega matshiguni nya guvbanye gwangu.

Isaya 54:13

Sanana sago satshavbo, si na khala vapizane va Pfhumu Nungungulu; sanana sago si na mana gurula nya gukhongolo ngudzu.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Isaya 57:18

Eni nyi wonide dzindzila dzawe, aholu nyi na va vbanyisa; gambe nyi na va gimbidzisa khu ndzila bwelo khavbo nyi va tangadzisa nyaluphye, ni vale va lilago.

Isaya 57:19

Nyi na va embela vatshavbo, kheni: “Gurula ga vale va guromo hwindzo ni vale va guromo vbafuvbi.” Eni nyi na va vbanyisa, a ngu ganela Pfhumu Nungungulu.

Isaya 58:8

Wa gu gira kharalo, mwenge wago wu na wenga kha nga Wuronga, silondra sago kha si na hwela guvbola, gululama gu na thanga mbeli gwago, u na vhikedwa khu wudhumo wa Pfhumu Nungungulu.

Isaya 66:12

Kholu Pfhumu Nungungulu a ngu ganela kharati, khuye: Wonani nya gukhenu nyi na mi resela gurula nya gungi, nya gukhwatshi tsongo wu khulungago, gumogo ni thomba nya mayigo, gukhwatshi gitsongwana gi gogago. Khavbo avbo, mu na mama, va mi wugarela mawogoni, va mi ladzisa vbamarumbitunu gwawe.

Jeremiya 17:14

Pfhumu Nungungulu, nyi thume gasi nyi kodze gu vbanya, nyi vbulugise gasi nyi kodze gu vbuluga; kholu uwe khuwe wuzundzo wangu.

Jeremiya 29:11

Eni kheni nyi matigo gwadi makungo nyi gu navo khu enu, a ngu ganela Pfhumu Nungungulu; makungo yangu khya gu mi kategisa nasiri gu mi reselani dzimhango, makungo nya gu mi ningeni gitumbo ga matshigu ma nga gutago.

Jeremiya 3:22

Vbindrugedzani mu wuya eno gwangu enu sanananu nyamba tumbega, eni nyi na mi vbanyisa madwali nya gukanyise gwanu.” Avo va di hakha, khavo: Hi womo avba; kholu uwe khuwe Pfhumu Nungungulu wathu.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Mikeya 4:3

A na lamula vbakari nya mafumbu nya mangi, a na tsayisa mayigo nya tshivba a ma yisa hwindzo, va na dzega matshari va gira mavbadza, sighalala va si gira sivbwero; litigo kha li na khusa litshari li wugela litigo likwawe, vathu kha va na hevbula gambe gu dwana nyimbi.

Mikeya 7:20

U na yeyedza gutumbega gwago ga Jakobe, ni ga Abrahama, wuwadi wago, kha nga u sambanyedego ga vababe vathu gukhugela matshiguni ya gale.

Malakiya 4:2

Aholu gwanu enu mu ningago githawo lina langu, gu na ngangamela lidambo nya wululamo li na resago guvbanyisa dzimbapini gwaye; enu mu na duga na mu gu ndragandraga kha nga simombyana si dugago khu phandroni.

Johane 10:10

Mbafa kha yi teli gimbe gilo, ya gu tela gu taba, guta songa ni guta phanga. Eni nyi dzude, gasi dzinvuta dzangu dzi mane guvbanya; dzi gu mane khu gutala.

Vaefeso 6:23

Gurula ni lihaladzo ni gukhodwa si na tshige ga vandruye vatshavbo, khu ga Nungungulu Babe ni ga Pfhumu Jesu Kristo.

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.