Jeremiya 33:3 - Bhibhiliya Nya Guage

³ Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Jeremiya 33:3 Iomraidhean Croise

Dzindzimo 145:18

Pfhumu Nungungulu womo vbafuvbi ni vatshavbo va mu ranago, ni ga vatshavbo va mu lombago khu lisine.

Dzindzimo 25:14

Pfhumu Nungungulu a gu tulela guti sihalo waye vale va mu thavago, a va tivisa gidzumeledzwano gyaye.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Isaya 45:3

Nyi na gu ninga gyuma gi sihidwego ni thomba yi fenengedzidwego malangani nya gusihale, gasi u kodza gu dziti gukhuwe eni, kheni Pfhumu Nungungulu wa Israyeli, a gu ranago khu lina lago.

Isaya 48:6

U di si pwide silo sesi; wona nya gukhuwe satshavbo si tadzisegide. Ina kha mu dzumeli gu gira wufakazi khiso, gani? Gukhugela olu guya mbeli, nyi na mi pwadzela silo siphya niso nya misihalo u nga bani u si siti.

Isaya 65:24

Gikhati va lombelelago, nyi na va ninga phindrulo na va si gu vbedzi; na va nga guganela, eni nyi na va yingisa.

Jeremiya 23:35

Moyo ni moyo a na wudzisa pari gumogo ni ndriyaye, khuye: Gasi Pfhumu Nungungulu a di hakha khuye ginani? Ginani a ganedego Pfhumu Nungungulu?

Jeremiya 29:12

Mwa gu nyi rana ni gu nyi khozela, eni nyi na mi yingisa.

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Jeremiya 32:27

“Wona nya gukhuwe Eni Pfhumu Nungungulu nya vathu vatshavbo; ina gyomo gilo nyi tandrwago khigyo gu gira, gani?”

Dhaniyeli 2:18

gasi va lomba wuhindzi ga Nungungulu wa ndzadzini gu a va pwela wusiwana a va tugudzisa sihalo yoyu gasi va si mbembiswi gumogo ni vagengeli va Bhabhiloni.

Dhaniyeli 2:22

Uye a ngu tugudzisa silo nya guete niso si sihadego; khuye atigo iso si guromo gidemani guwonegela gwa gu khala avbo gwaye.

Dhaniyeli 2:23

Eni nyi ngu gu bonga ni gu gu rungudza, uwe Nungungulu wa vababe vangu; khuwe u nyi ningidego guti ni tshivba, olu u nyi yeyedzide iso hi gu lombidego, kholu u hi tugudziside mahungu yaya ya mufumeli.

Joyele 2:32

Watshavbo wule a ranago lina la Pfhumu Nungungulu a na vbanyiswa; kholu gigomoni gya Siyoni dhoropani ga Jerusalema, gu na manega gutshudziswa, kha nga edzi Pfhumu Nungungulu a ganedego khidzo, ni vbakari nya mitshaledwa va na manega vale va na gu bani va ranidwe khu Pfhumu Nungungulu.

Amosi 3:7

Khu lisine, Pfhumu Nungungulu, kha na gira gilo nyamba phela khu gu ninga giwoniso ga sithumi saye, a gu vaprofeti.

Mikeya 7:15

Eni nyi na mi yeyedza sisamadziso, kha nga matshiguni u dugidego khayo khu tigoni ga Egipito.

Matewu 13:35

Gasi gutadzisega kharati, magana ya muprofeti, a nga khuye: “Nyi na ganela khu sipimaniso, gasi gu tivisa silo si nga bani si sihalegide gukhugela guvangwa nya litigo.”

Mithumo 2:21

Muthu watshavbo a gu lombelela khu lina la Pfhumu a na vbanyiswa.’

1 Vakorinto 1:2

ha gu lovela Libandla la Nungungulu li guromo dhoropani ga Korinto, enu mu ranedwego gu khala sihathwa, mu agisidwego khu gutshanganiswa gumogo ni Kristo Jesu. Ha gu lovela gambe ni vatshavbo vale va phalalegidego ni litigo latshavbo va lombelelago khu lina la Pfhumu yathu Jesu Kristo, a gu Pfhumu yawe navo.

Vaefeso 3:20

Ga Uye a gu na ni tshivba nya gugire guvbindra satshavbo esi hi mu lombago, ambari ni esi hi alakanyago, khu tshivba Yaye yi thumago ndrani gwathu.

Dhewuteronome 4:29

Khu iyoyo, u naya vbweta Pfhumu Nungungulu wago, gambe u na mu mana, wa gu mu vbweta khu monyo wago watshavbo, ni hefemulo wago watshavbo.

Dhewuteronome 4:7

Kholu, khu levbini limbe litigo li gu na ni vanungungulu va guromo vbafuvbi gwawe nya gufanane ni Pfhumu Nungungulu wathu, ga dzinyondro dzatshavbo hi mu lombelelago?

Gutuledwa 2:17

“Wule a gu ni dzindzeve a na pwisise esi Liphuvbo li embelago mabandla: Wule a na palago nyi na mu ninga manaha ma sihidwego. Nyi mu ninga gambe giwindri nya guage gi lovidwego lina nya liphya, eli li si tidwigo khu muthu vbavbandze nya wule a nga riywago ilo.”