Jeremiya 33:21 - Bhibhiliya Nya Guage

²¹ kharato gambe gu na kodzega gu hambanisa gidzumeledzwano gyangu ni Dhavhidhe, githumi gyangu, khu magirelo yoyo, gasi khu melegoni gwaye gu si manegi gambe gitugulwana nya gukhale vbagikhalotunu gwaye nya wufumu; gambe gu di hadza gu hambaniswa gidzumeledzwano gyangu ni va na Levhi, a gu vaphasi nya mhamba, va nyi thumelago.

Jeremiya 33:21 Iomraidhean Croise

2 Samuweli 23:5

Wufumu wangu wu khalegide gwadi mbeli ga Nungungulu. Kholu uye giride ni eni gidzumeledzwano nya gupindruge, gidzumeledzwano gi tumbegidego gi dongisedwego gwadi. Uye a na nyi gira nyi dugelela ga satshavbo a nyi ninga satshavbo nyi si vbwetago.

2 Dzikoronika 21:7

Aholu Pfhumu Nungungulu kha nga gola gupfhungumula nyumba ya Dhavhidhe, khu kotani nya gidzumeledzwano a nga bani giride naye, kholu a di ganede naye khuye, a na mu ninga sanana si na khalago mwenge nyamba tshimega kala gupindruga.

2 Dzikoronika 7:18

Nyi na tiyisa gikhalo nya wufumu wago, kha nga gidzumeledzwano nyi giridego ni babe wago Dhavhidhe, Nyi nga, kheni: “Gima kha gu na hamugega muthu nya gudugele livelegoni gwago, gasi gu fumela Israyeli.”

Dzindzimo 132:17

Nyi na wusa vbale tshivba nya wufumu wa Dhavhidhe, nyi nyi dongisela wenengedzo wa mufumeli nyi mu hathidego.

Dzindzimo 89:34

Kha nyi na funya pwanano wangu, mwendro gu vbindrugedza mahungu nyi ganedego khu kanani gwangu.

Dzindzimo 89:36

Situgulwana saye si na vbanya kala gupindruga, gikhalo nya wufumu waye gi na simama mbeli gwangu kha nga lidambo,

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Isaya 66:22

Kha nga olu ndzadzini nya guphya ni litigo nya liphya, nyi na gu si girago, si na khalago mbeli gwangu, kharato nilo livelego lanu ni lina lanu li na khala kharato gikhati gyatshavbo, a ngu ganela Pfhumu Nungungulu.

Jeremiya 33:18

ambari gu hamugega muphasi nya mhamba nya lidzaha nya gudugele nyumbani ga Levhi, gasi gu ema mbeli gwangu a simama gu ningela miphaso nya guvbiswe, ni guvbisa miningelo nya dzimbewu, a gira dzimhamba matshigu yatshavbo.”

Dhaniyeli 7:14

Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Matewu 24:35

Yi na vbindra ndzadzi ni mafu, aholu mahungu yangu gima kha ma na vbindra.

Gutuledwa 5:10

U va giride vafumeli ni vaphasi nya mhamba ya Nungungulu wathu; avo va na fuma mafuni.”