Jeremiya 30:8 - Bhibhiliya Nya Guage

⁸ Pfhumu Nungungulu nya Tshivba Yatshavbo, a ngu ganela, khuye: “Khu litshigu lolo, nyi na fanya kanga wu lemelago dzithamoni gwawe, nyi kavila ni dzingodzi dzakone; vathu vava gima kha va na nga khala gambe dzikhumbi dza va nya mayigo.”

Jeremiya 30:8 Iomraidhean Croise

Dzindzimo 107:14

A di va dusa gidemani ni mwedzini nya lufu, a gu kavilela makhetshe yawe.

Isaya 10:27

Khu litshigu lolo, wu na duswa rwalo wu lemelago magatani gwago, ni kanga wu lemelago thamoni gwago, kanga wu na fanyeledzedwago khu kotani nya olu nyi gu todzidego khu mafura.

Isaya 14:1

Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Isaya 14:25

Nyi na fanyeledzela Vaasiriya, va guromo tigoni gwangu, nyi va gandredzela khu migondro musigomoni gwangu, gasi va rula kanga va hungidego Israyeli, ni gu rula rwalo magatani gwaye.

Isaya 14:3

Litshigu Pfhumu Nungungulu a na gu bani a mi ningide guhefemula ga mithumo yanu yatshavbo, ga tshanisa yatshavbo, ni ga wugumbi watshavbo va mi giredego,

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Jeremiya 2:20

Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 25:14

Kholu Vabhabhiloni navo va na khoziswa khu mayigo nya mangi ni vafumeli nya vakhongolo; khu kharato nyi na va bweledzela gukhedza khu sigiro sawe ni gukhedza khu mithumo ya mandza yawe.”

Jeremiya 27:2

Pfhumu Nungungulu a nyi leletede kharati, khuye: “Dzi girele kanga ni lidzoke u hunga thamoni.”

Jeremiya 27:7

A na thumedwa khu vathu nya mayigo yatshavbo, uye, sanana saye gumogo ni situgulwana saye, kala gu vboha gikhati mayigo nya mangi ni mifumo nya yikhongolo yi na mu girago khumbi.

Jeremiya 28:10

Khavbo avbo, muprofeti Hananiya a di dzega kanga wu nga bani wuri thamoni ga muprofeti Jeremiya, a wu fanyeledzela;

Jeremiya 28:13

“Indra, u ya embela Hananiya, khuwe: Pfhumu Nungungulu a ngu ganela kharati, khuye: U fanyide kanga nya simbo, aholu, vbatshani nya uwo nyi na gira nya dzisimbi.

Jeremiya 28:4

Nyi na wuyisa gambe wulangani wowu Jekoniya, mwamana wa Jowakimi, mufumeli wa Judha, ni vatshavbo va na Judha va vbagedwego va yiswa wugumbini Bhabhiloni; kholu nyi na funya kanga wa mufumeli wa Bhabhiloni.” A ngu ganela Pfhumu Nungungulu.

Ezekiyeli 30:18

Tigoni ga Tafinisi, gu na manega gidema vbakari nya mihani, gikhati nyi na fanyeledzelago mikanga ya Egipito, nyi vbedza matshandza nya tshivba yaye; sanana saye nya vanyamahegyane, si na fenengedzwa khu lipfhi si yiswa wugumbini.

Ezekiyeli 34:27

Misimbo ya khabini yi na ninga mihandro yaye, ni mafu ma na ninga dzimbewu dzaye, dzinvuta dzi na khala gurulani tigoni gwawe; dzi na dziti gu khidzo eni kheni Pfhumu Nungungulu, gikhati nyi na fanyago mapitso nya kanga wawe ni gu dzi dusa mandzani ga vale va dzi tshanisago.

Nahume 1:13

Gasi olu, nyi na fanya kanga u wu rwadego magatani gwago nyi kavilela ni dzitshinga dzi gu hungidego.