Jeremiya 30:5 - Bhibhiliya Nya Guage

⁵ Pfhumu Nungungulu a ngu ganela kharati, khuye: Hi dipwa huwa nya guthurugise, vathu va dindrendremela gu si manegi gurula.

Jeremiya 30:5 Iomraidhean Croise

Isaya 5:30

Khu litshigu lolo, va na bhongela Judha, kha nga gubhonga nya linene, uye a na khedzago tigoni, a na wona basi gidema ni gutshaniseka, lidambo li na pfhupedziswa khu mapfhi nya guthise.

Isaya 59:11

Hatshavbothu ha gu bhonga kha nga sikankanka, hi dilela gu fanana ni sipomba; hi lindrela gulamudwa, aholu kha hi gu mani; hi lindrela guvbanyisa, ugo nugo gu manega hwindzo ni ethu.

Jeremiya 12:12

Vapfhungumuli va dita khu malangani yatshavbo nya sigomo ni ya giwulani; kholu litshari la Pfhumu Nungungulu li na vbiyela litigo leli gukhugela mahegiso kala mambe mahegiso nya litigo; mwalo ni moyo a na manago gurula.

Jeremiya 25:36

Gu pwala dzihuwa nya vahavisi, ni dzihuwa dza vamune mitshambi! Kholu Pfhumu Nungungulu a ngu pfhungumula mikova yawe.

Jeremiya 30:4

Khayo aya magana Pfhumu Nungungulu a ma ganedego mayelano khu Israyeli ni Judha:

Jeremiya 46:5

Gasi ginani nyi gi wonago? Vatshavbo va gu khala hwanga, dzindrena dzawe dza gu thava dzi tutuma, nyamba khedza hwane, maphuvbo yatshavbo gupwala nyenganyenga basi, a ngu ganela Pfhumu Nungungulu.

Jeremiya 6:22

Pfhumu Nungungulu a ngu ganela kharati, khuye: “Wonani vathu vatago khu litigo la Wuronga, litigo nya likhongolo li na dugela mahegiso nya mafu.

Jeremiya 6:26

Uwe nyamahegyane wa vathu vangu, ambala gilendra nya gililo, u puluwundra ngumani; womba huwa u lila ngudzu gukhwatshi, u di fedwa khu gyanana gya gimwegyo; kholu nala a na vboha khu githugedza ata hi sasela.

Jeremiya 8:16

Gukhugela Dhani gu pwala ligwaha nya dzikavalu; litigo latshavbo li ngu tsekatseka khu kotani nya lito lawe; va nguta vata mbembisa litigo ni satshavbo si guromo umomo, lidhoropa gumogo ni vatshavbo va vbanyago umo.

Jeremiya 8:19

Nya gu yingisa dzihuwa nya miketo ya nyamahegyane wa vathu vangu, huwa yi pwalago tigoni momu gwatshavbo, khavo: “Gasi Pfhumu Nungungulu kha manegi gambe Siyoni, gani? Mufumeli waye kha manegi gambe mule, gani? Khu ginani va nyi gorosago va nyi wusela likhulo khu sifananiso sawe nya guvatwe, ni vanungungulu va mambe mayigo?

Jeremiya 9:19

Kholu gu ngu pwala lito nya gililo li dugago khu Siyoni, khilo: “Yowe, yowe! Libango lathu hi mbembisidwe! Hi tade khu dzitshoni, kholu hi ngu duswa tigoni gwathu, va hafumude dzinyumba dzathu!”

Amosi 8:10

Nyi na vbindrugedza mibuzo yanu yi khala gililo, ni dzindzimo dzanu dzi khala dzihuwa, musiwununi gwanu, mwatshavbo mu na hunga myendra nya silendra, mihungoni gwanu mwatshavbo mu na vbaludwa makhwalu. Litshigu lolo, li na khala na liri la gililo nya gufanane ni wule a nga fedwa khu gyanana gya gimwegyo, mahegiso gwaye nga litshigu nya wuvi.

Habhakuka 1:10

Va poyila vafumeli ni dzindruna va dzi gira nga gihegiso. Avo va na hagana khu makhokhola yatshavbo, kholu va na wungedzela mafu, va ma dzega.

Habhakuka 1:6

Kholu wonani nya gukhenu nyi na mi resela Vakalidhiya, litigo nya guleve ni dzihanyi, li tsemakanyago gulapha gwatshavbo nya litigo, va phanga malanga va si lumbwigo khayo.