Jeremiya 30:15 - Bhibhiliya Nya Guage

¹⁵ Khu ginani u wombago huwa khu kotani nya gilondra gyago? Madwali yago kha ma halawugi. Khu kotani nya wuvivbi wago nya wukhongolo ni gutala nya sighoho sago, nyi gu girede silo sesi.

Jeremiya 30:15 Iomraidhean Croise

Ezira 9:13

Gasi hwane nya satshavbo sesi si nga hi dugelelago, khu kotani nya mithumo yathu nya guvivbe, gumogo ni nandru wathu nya wukhongolo, ambari khu kharato, uwe Nungungulu wathu, u himbedzede gukhuwe hi mbembiswa khu kotani nya sighoho sathu, bwelo khavbo u hi ningide mitshaledwa nya nga eyi yi vbulugidego.

Joba 34:29

Aholu, Uye a gu degula, khu mani a na mu rwegago nandru? A gu siha khovbe yaye, khu mani a na mu wonago? Khu guralo, Uye a ngu fuma vathu gumogo ni mayigo.

Joba 34:6

Ambari olu nyi lulamidego, nya gu ranwa muthu nya malipha; nyi manega ni gilondra nya likhoro, na nyiri mwalo nandru.

Dzindzimo 107:17

Vambe va di khala sipumbu khu kotani nya sighoho sawe, vambe va dwala khu kotani nya mithumo yawe nya guvivbe.

Isaya 1:6

Gukhugela migondroni kala hungoni gu mwalo ni wulanga wu vbanyago gwadi, givili gyatshavbo sithunya, dzimbanga ni silondra nyamba handzwa ambari gu hungeledwa, mwendro gu nyegiswa khu mafura.

Isaya 5:2

A li limide a dusa siwindri, a gira libhiyo, a yala miuvha nya gutsakise; khu vbakari a di vbaha nyumba nya gukhale avbo ghadhi, a vbaha ni gikhwathi nya gugamele avbo dziuvha; a di gu lindrela gukhuye lithembwe li na velega dziuvha nya dzadi, aholu li di velega dziuvha nya guvave.

Jeremiya 11:13

Uwe Judha, tengo nya vanungungulu vago wungi ngudzu; va ninganago ni madhoropa yago, gukhedza khu tengo nya dzindzila dza Jerusalema, mu emiside siluvelo nya dzitshoni mu vbisela avbo libani Bhahali.

Jeremiya 15:18

Gasi khu ginani gu gumba vbela gutshaniseka gwangu? Dzimbanga dzangu dza gumba vbola khu ginani? U na khala kha nga gitsongwana nyamba tumbega gi vbwago mati yaye, gani?

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 30:12

Pfhumu Nungungulu a ngu ganela kharati, khuye: “Mbanga yago yikhongolo, kha yi vboli ni gilondra gyago khya gimange.

Jeremiya 30:14

Vatshavbo avo u nga bani u gu haladzana navo olu va gu divade, kha va wudzisi gambe khuwe; kholu nyi gu bayiside kha nga idzo nyi bayisago khidzo nala, nyi gu ningide tsayiso nya guthise, kholu guvivba gwago gukhongolo ngudzu ni sighoho sago singi ngudzu.

Jeremiya 30:16

Ambari ulo, vatshavbo vale va na gu saselago, Eni neni nyi na va sasela; valala vago vatshavbo va na yiswa wugumbitunu; avo va na gu gu belago, avo navo va na bedwa, ni avo va na gu phangago va na phangwa navo.

Jeremiya 30:17

Kholu nyi na wusedza womi wago ni gu hawulugisa dzimbanga dzago, a ngu ganela Pfhumu Nungungulu; khu guralo, va na gu riya lina nya gupwani, muhudwa na va gu ganela, khavo: Siyoni kha khathaledwi gambe khu muthu.”

Jeremiya 46:11

Gwela Gileyadhi, uwe likendzi, nya nyamahegyane wa Egipito, u naya mana umo mafura nya gutole; wa gu dzi garadza khu gu vbweta mirendre nya gutale; gambe kha yi na gu hawulugisa.

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Gililo 1:5

Vatshanisi vaye va mu pade, ni valala vaye va gu bhuma; khu Pfhumu Nungungulu a mu tsayisidego khu kotani nya sighoho saye si tadego. Ambari ni sanana saye si vbagedwe si yiswa wugumbini, si thanga mbeli ga mutshanisi. Vau

Gililo 2:13

Wufakazi muni nyi na gu girelago? Nyi na gu fananisa ni mani uwe nyamahegyane wa Jerusalema? Gasi nyi na gu fananisa ni mani? Gasi gu gu tangadzisa, uwe likendzi la tsindza wa Siyoni? Gilondra gyago gikhongolo nga linene; khu mani a na gi vbodzisago? Nuni

Gililo 3:39

Muthu nya guvbanye, gasi ginani a yelago gu lila khigyo? A gu yela gu lila khu sighoho saye. Nuni

Gililo 4:13

Libango leli, li vangidwe khu sighoho sa vaprofeti ni sihoso sa vaphasi vawe nya mhamba, va gu avo va songidego vathu nya gululame, va vbaladza novba wawe dhoropani. Nuni

Mikeya 1:9

Kholu gilondra gyaye khya gimange, gi vbohide kala Judha; gi endrelega kala dzinyangwani dza vathu vangu, gi vboha kala Jerusalema.

Mikeya 7:9

Nyi na rwala likhulo la Pfhumu Nungungulu, kholu nyi mu ghohedego; kala a vhikela mahungu yangu a nyi lamula; a na nyi yisa guwonegelani nyi nata wona gululama gwaye.

Nahume 3:19

Gilondra gyago kha gi na vbola, gilondra nya gufe khigyo; vatshavbo va na pwago ndruma yago, va na khwakhwathela mandza khu gu thega gwago, kholu khu mani a nga kiyelago gutshaniswa khu wuvivbi wago?