Jeremiya 29:7 - Bhibhiliya Nya Guage

⁷ Lidhoropa nyi mi yisidego umo kha nga dzikhumbi li suveleni makategwa, lombelelani khu ilo ga Pfhumu Nungungulu, kholu la gu katega, enu nenu mu na katega.

Jeremiya 29:7 Iomraidhean Croise

Ezira 6:10

va fela gu ningela ga Nungungulu a guromo ndzadzini miphaselo nya mahema nya gunungele; ni gu va lombelela khu womi wa mufumeli ni wa sanana saye.

Ezira 7:23

Satshavbo esi si leletedwago khu Nungungulu wa ndzadzini, si na giredwe nyumba yaye khu gukhathala, gasi Nungungulu wa ndzadzini a si gorogeli mufumo wa mufumeli gumogo ni sanana saye.

Dzindzimo 122:6

Lombelelani gasi gu manege gurula Jerusalema! Va na vbanye na va tangade avo va gu golago.

Jeremiya 38:4

Khavbo avbo, manganagana ma di embela mufumeli, khayo: “Oyu muthu a ngu yela gufa; kholu a ngu vbedza tshivba masotshwa ma tshadego dhoropani momu ni gu rerekisa mandza nya vathu vatshavbo, khu gu ganela magana nya nga aya. Kholu mwama yoyu a gu suvela guvivba litigo leli, wulangani nya gu vbwete gurula.”

Ezekiyeli 11:16

Khu guralo, va embele, khuwe: Mune Pfhumu Nungungulu, a ngu ganela kharati, khuye: “Ambari eni nyi va rumidego gu hongola mayigoni ya hwindzo ngudzu, ambari nyi va phalalegisa vbakari nya mayigo, khu gikhatinyana, nyi na khala nyumba nya miphaso, ga mayigo va yisidwego umo.”

Dhaniyeli 4:19

Khavbo avbo, Dhaniyeli, a nga bani na gu ranwa khu lina la Bhalitazari, a di huye kape gikhati nya gulaphe, na gu thava khu maalakanyoni gwaye. Khavbo avbo, mufumeli a di mu embela, khuye: “Bhalitazari, u nga thurugiswi khu kotani nya ndroro ni tshamuselo yaye.” Bhalitazari a di mu hakha, khuye: Mune wangu, ndroro yeyi yi na thonone avo va gu zondrago, ni tshamuselo waye wu na thonone valala vago!

Dhaniyeli 4:27

Khu guralo, uwe mufumeli, dzumela gulaya gwangu, u diga sighoho ni guvivba gwago u gira gululama, u pwela wuhindzi sisiwana, a gu dzina saye matshigu yago nya gu tsake ma na simama.

Varoma 13:1

Muthu ni muthu gu vbwetega a yingela vathangeli va vegidwego khu nayo, wu mwalo mufumo wu ngamba vegwa khu Nungungulu, kholu wufumu watshavbo wa guta khu ga Nungungulu.

Varoma 13:5

Guvbwetega gu yingela vathangeli, nasiri basi khu kota nya guthave gutsayiswa, aholu khu kota nya gulandrise edzi ma lombago khidzo mapimo yathu.